يا أمهات اذا ضاقت فيكم الدنيا من له تشكون

[شذا الياسمين]

السلام عليكم
احس نفسي ضايعة ومو عارفة شسوي عندي طفل كفيف عمره خمس سنوات الحمد لله على كل حال ورضيت فيه وحبيته وتعلمت لغة برايل عشانه وبنيت عليه آمال كبيييرة بالرغم من اعاقته وأشياء اكثيييرة لو بقولها ماراح أخلص .. المهم توني وبعد قصة طويييلة اكتشفت انه فيه توحد ياااربي حاسة باحباط وداخلي حزن وهم كبييييير احس ان مااحد حاس فيني وأمي متوفيه واستحي اشتكي لأي أحد حتى لو كانوا خواتي تعبت والله العظيم تعبت .. زياراتي وطلعاتي قلت الا صارت بالحسرة حتى لما جاتني شغالة ابد ماارتحت ومااخليها تلمسه كلا خايفة عليه وقلبي يعورني عليه .. ساعات احس اني انا المعاقة مو اهو ..
آسفة اذا انه كلامي مو مرتب بس والله من أثر الصدمة ويمكن طلعت جزء بسيط من اللي في قلبي .. لأن ماعندي احد اشكي له .. طيب وانتوا من لا ضاقت اصدوركم من له تشكون ..الله ياجرنا ويصبرنا يااارب

 

[الصابرة المحتسبة]

وعليكم السلام

هلا بأختي الغالية شذى

الله ياجرج ويصبرج ويعطيج الصحة والعافية

ماراح اقول لا تشتكين لكن اقول قعدي مع امهات عندهم حالات نفس حالتج وتعلمي قعدي مع الشخص الإيجابي والمكان الايجابي علشان تاخذين الطاقة الإيجابية ،اقري كتاب الله وتمعني بمعانيه ارفعي ايدج له سبحانه يقويج ويمدج بالطاقة والقوة والعزيمة لاتيأسين ولا راح توقف حياتج عيشي حياتج طلعي معاه روحي اماكن عامة ،ألعاب،بحر، أخذي جولة على المراكز اللي تهتم فيهم
النت كل شي فيه بحثي واقري قصص الأمهات وتجاربهم.

الله يوفقج ويسهل أمرج وطمنيني .

 

[بدووونه]

اسال الله العظيم رب العرش العظيم ان يشفيه
وان يمدج بالصبر وقوة التحمل

نصيحه اخت استغفري اقري قران
والله يمسح على قلبج

 

[فجرالعيد]

حبيبتي شذا الياسمين أولا أهنيك لأن رب العالمين ميزك وعطاك هالطفل الله يسخرك له ويشفيه ويعينك علي رعايته والقيام فيه شذا إنتي دخلت قسم كل الأمهات عندهم أطفال حالات خاصه وتختلف الحاله من طفل لطفل وتختلف قصص المعاناة والتعب والهم في هني أمهات عظيمات حبوا عيالهم مثل ماهم بإعاقتهم وكافحوا عشانهم وتحملوا ورضوا وسعيدات بحياتهم وناجحات ورب العالمين كان معاهم وسخرلهم خلقه تدرين ليه لأنهم رضوا ف الله أرضاهم قبل ٨سنين تقريبا قالي دكتور إستشاري في المستشفي كبير في السن ((أنا يابنتي أشتغل من ثلاثين سنه في قسم الأطفال وشفت حالات كثيره في ناس تتقبل طفلها وتتيسر حياتها وفي ناس علطول معصبين ومتضايقيين من وضع أولادهم ومش مرتاحين هم كلهم مجبورين يصبرون بس اللي رضوا الله كان معاهم ولهم الأجر إنشالله واللي يتضجرون إنعكس الموضوع علي حياتهم وهم في ضيق وتعب علطول الرسول صلي الله عليه وسلم قال:1 - إن عظم الجزاء مع عظم البلاء ، و إن الله إذا أحب قوما ابتلاهم ، فمن رضي فله الرضا ، و من سخط فله السخط)إنتهي كلام الدكتور اللي كان لها الأثر الكبييييييير في حياتي
الآن شذا حبيبتي أنا ماقولك ماتمر علينا لحظات ضعف ونتضايق أكيد بس أنا من تجربه شخصيه ودي محبة لك أنفعك كل ماتضايقتي توضي وإفرشي سجادتك وإدعي وإبكي وإشتكي للرحمن اللطيف الخبير القادر انه يغير حالك وييسر أمرك ويحقق آمالك والله العظيم والله إن ينفرج همك وينشرح صدرك وتحسين أن الأمور بخير وبتتيسر وبتنامين أحلي نومه أنا أشوف الشكوي ع البشر مامنها فايده ليه ؟؟لأنهم ماراح يسوون شي مابيدهم حيله وإذا خواتك بيتضايقون وبيزعلون عشانك وبتشغلينهم إتكلي علي الواحد القهار وماراح يخذلك بس إًذا بتستشيرين وبتاخذين راي في موضوع محتاره فيه مايمنع تسألين وتعرضين أمرك وتستفيدين
شذا الياسمين أنا أم لطفل عمره ١٢سنه شلل دماغي رباعي مايتحرك مايتكلم بس أمووووووت عليه وأحسه بركة حياتي وأشوف بعيوني شلون ربي يسخرلي الخلق لو بحكيلك الأزمات اللي مرينا فيها ماراح نخلص وأوصيك من أم مجربه عليك باالإستخاره في كل أمورك وإقري علطول تجارب غيرك بتستفيدين وبيختصر عليك مشوار طويل وحط في بالك دائما إن الله معك وإن الله يحبك وإن الله يختبرك بهالطفل حاولي تعطين كل من له حق عليك حقه وأولهم نفسك وزوجك وعايلتك عيشي حياتك طبيعيه وإنبسطي وإستانسي ونظمي وقتك
إسمحيلي ع الإطاله حبيت أفيدك وأخفف عنك وأسأل الله العظيم رب العرش العظيم أن يشفيه ويشرح صدرك وييسر أمرك ويجعلك من كل ضيق مخرجا

 

[كويتيه وافتخر]

اعرف همك لاني عانيت منه ولكن انتي الله فضلك علي انك انتي من ترعينه اما انا فقد وفرت له ممرضه لرعاياته ولكن لا اخفيكي اني اتألم من نظرات البعض له واود لو اخفيه في قلبي وروحي ولا ينظراليه احد نظره تسووئني احبه نعم وافتقد عافيته التي تخيلتها وهو في رحمي تمنيته طفلا سويا الاعبه ويلاعبني ولكن الله اختار الافضل له ولي عسى ان يكتب من ورائه لي اجرا ابني لا يرى ولا يتكلم ولا يتحرك ولا يأكل طبيعيا اتعلمين كم اتشوق لان اطعمه بيدي ومنعني القدر الحمدلله نشتكي له وحده وندعو ه تضرعا ان يرحمهم ويعطف عليهم وحده لا اتكلم كثيرا عنه فاعذريني اني لم احسن الرد ولكن صبرا فهو البركة والخير

 

[الصابرة المحتسبة]

السلام عليكم
تفضلي أختي الغالية

اقري قصص أمهات التحدي والصبر


http://www.q8yat.com/t398193.html

 

[ام نوونه]

انا من قريت الموضوع وانا ابجي
الله يصبرج يارب

 

[شذا الياسمين]

وعليكم السلام

هلا بأختي الغالية شذى

الله ياجرج ويصبرج ويعطيج الصحة والعافية

ماراح اقول لا تشتكين لكن اقول قعدي مع امهات عندهم حالات نفس حالتج وتعلمي قعدي مع الشخص الإيجابي والمكان الايجابي علشان تاخذين الطاقة الإيجابية ،اقري كتاب الله وتمعني بمعانيه ارفعي ايدج له سبحانه يقويج ويمدج بالطاقة والقوة والعزيمة لاتيأسين ولا راح توقف حياتج عيشي حياتج طلعي معاه روحي اماكن عامة ،ألعاب،بحر، أخذي جولة على المراكز اللي تهتم فيهم
النت كل شي فيه بحثي واقري قصص الأمهات وتجاربهم.

الله يوفقج ويسهل أمرج وطمنيني .

مشكورة مشرفتتا الغاليه على نصايحج وهذا اللي راح أحاول أسويه مع اني مو سهل الاقي نفس حالة ولدي بالضبط لكن راح أبحث ..يعطيج العافية ياقلبي ..
ولا يهمج اذا في جديد راح اكتبه
اي صح ومشكوووورة على الرابط الحلو اللي ان شاء الله راح استفيد منه واتعلم من هالامهات العظيمات ..

 

[شذا الياسمين]

اسال الله العظيم رب العرش العظيم ان يشفيه
وان يمدج بالصبر وقوة التحمل

نصيحه اخت استغفري اقري قران
والله يمسح على قلبج

فديتج انا بالفعل احتاج هالدعاء ان ربي يمدني بالقوة عشان اساعده واطوره الحمد لله على كل حال .. تسلمين

 

[شذا الياسمين]

حبيبتي شذا الياسمين أولا أهنيك لأن رب العالمين ميزك وعطاك هالطفل الله يسخرك له ويشفيه ويعينك علي رعايته والقيام فيه شذا إنتي دخلت قسم كل الأمهات عندهم أطفال حالات خاصه وتختلف الحاله من طفل لطفل وتختلف قصص المعاناة والتعب والهم في هني أمهات عظيمات حبوا عيالهم مثل ماهم بإعاقتهم وكافحوا عشانهم وتحملوا ورضوا وسعيدات بحياتهم وناجحات ورب العالمين كان معاهم وسخرلهم خلقه تدرين ليه لأنهم رضوا ف الله أرضاهم قبل 8سنين تقريبا قالي دكتور إستشاري في المستشفي كبير في السن ((أنا يابنتي أشتغل من ثلاثين سنه في قسم الأطفال وشفت حالات كثيره في ناس تتقبل طفلها وتتيسر حياتها وفي ناس علطول معصبين ومتضايقيين من وضع أولادهم ومش مرتاحين هم كلهم مجبورين يصبرون بس اللي رضوا الله كان معاهم ولهم الأجر إنشالله واللي يتضجرون إنعكس الموضوع علي حياتهم وهم في ضيق وتعب علطول الرسول صلي الله عليه وسلم قال:1 - إن عظم الجزاء مع عظم البلاء ، و إن الله إذا أحب قوما ابتلاهم ، فمن رضي فله الرضا ، و من سخط فله السخط)إنتهي كلام الدكتور اللي كان لها الأثر الكبييييييير في حياتي
الآن شذا حبيبتي أنا ماقولك ماتمر علينا لحظات ضعف ونتضايق أكيد بس أنا من تجربه شخصيه ودي محبة لك أنفعك كل ماتضايقتي توضي وإفرشي سجادتك وإدعي وإبكي وإشتكي للرحمن اللطيف الخبير القادر انه يغير حالك وييسر أمرك ويحقق آمالك والله العظيم والله إن ينفرج همك وينشرح صدرك وتحسين أن الأمور بخير وبتتيسر وبتنامين أحلي نومه أنا أشوف الشكوي ع البشر مامنها فايده ليه ؟؟لأنهم ماراح يسوون شي مابيدهم حيله وإذا خواتك بيتضايقون وبيزعلون عشانك وبتشغلينهم إتكلي علي الواحد القهار وماراح يخذلمك بس إًذا بتستشيرين وبتاخذين راي في موضوع محتاره فيه مايمنع تسألين وتعرضين أمرك وتستفيدين
شذا الياسمين أنا أم لطفل عمره 12سنه شلل دماغي رباعي مايتحرك مايتكلم بس أمووووووت عليه وأحسه بركة حياتي وأشوف بعيوني شلون ربي يسخرلي الخلق لو بحكيلك الأزمات اللي مرينا فيها ماراح نخلص وأوصيك من أم مجربه عليك باالإستخاره في كل أمورك وإقري علطول تجارب غيرك بتستفيدين وبيختصر عليك مشوار طويل وحط في بالك دائما إن الله معك وإن الله يحبك وإن الله يختبرك بهالطفل حاولي تعطين كل من له حق عليك حقه وأولهم نفسك وزوجك وعايلتك عيشي حياتك طبيعيه وإنبسطي وإستانسي ونظمي وقتك
إسمحيلي ع الإطاله حبيت أفيدك وأخفف عنك وأسأل الله العظيم رب العرش العظيم أن يشفيه ويشرح صدرك وييسر أمرك ويجعلك من كل ضيق مخرجا

ياحياتي انتي والله ان كلامج على راسي مشكورة مشكورة منجد كلامج يبرد القلب وانا بعد لاحظت ان في أمور في حياتي تسهلت بفضل الله وبوجود طفلي الغالي ربي يشفيه ويشفي طفلك ويشفي كل مريض يااارب .. ماقصرتي يالغلا


اي صح بوسي لي اوليدج ربي يشافيه ويخلي لج اياه يااارب

 

[شذا الياسمين]

اعرف همك لاني عانيت منه ولكن انتي الله فضلك علي انك انتي من ترعينه اما انا فقد وفرت له ممرضه لرعاياته ولكن لا اخفيكي اني اتألم من نظرات البعض له واود لو اخفيه في قلبي وروحي ولا ينظراليه احد نظره تسووئني احبه نعم وافتقد عافيته التي تخيلتها وهو في رحمي تمنيته طفلا سويا الاعبه ويلاعبني ولكن الله اختار الافضل له ولي عسى ان يكتب من ورائه لي اجرا ابني لا يرى ولا يتكلم ولا يتحرك ولا يأكل طبيعيا اتعلمين كم اتشوق لان اطعمه بيدي ومنعني القدر الحمدلله نشتكي له وحده وندعو ه تضرعا ان يرحمهم ويعطف عليهم وحده لا اتكلم كثيرا عنه فاعذريني اني لم احسن الرد ولكن صبرا فهو البركة والخير

ياحياااتي الله يساعدج .. شكبر اجرك عند رب العالمين الله يشفيه ويخليه لج .. الحمد لله على قضاء الله وقدره .. مشكووورة يالغلا

 

[شذا الياسمين]

انا من قريت الموضوع وانا ابجي
الله يصبرج يارب

ياحياااتي هذا اللي اطلبه من ربي انه يصبرني ويعطيني القوة .. مشكوورة ..