يايين اهل حبيبي يخطبوني نصحوني شتصرف شقول ماعرف :x

[salema]

قوه بنات اشلونكم شخباركم
انا يايين ناس يخطبوني والولد اعرفه شخصيا يعني اهلي واهله موافقين لانه نعرف بعض ونحب بعض بس طبعا لازم اييون شكليا انه يخطبون وانا نوعي مو اجتماعية يعني ماعرف شقول شتصرف شلون ارد
راح اتيي امه واخته
بليييز فيدوني بكل التقاصيل وااااااااااهم شي من ناحية السوالف شقول
واذا تقدر كل وحده تقول شنو سئلوها وشنو ردت بالتفصيل وباسلوب حلو
لانه انا نوعي ارد على قد الجواب بالضبط اي او لأ ماعرف اخذ واعطي فيدونني بتجاربكم
وشلون افتح موضوع وشنو المواضيع الي اقدر افتحها
ونصحوووني بعد ثلاث ايام بييون تكفووون طلعوا كل الخبرات اللي عندكم وشلبس انا مو متحجبه والولد ماراح ايي

 

[الغلا الصعب]

شدعوه ترا مو ازمه
انتي طبعج جذي هاديه ما تفتحين مواضيع وتردين قد الاجابه
اوكي خلج جذي
الا تسولفين وتاقشين ترا مو زين بيقولون عند قرقه
وحلاتج على طبيعتج مو تشوفين تجارب البنات وتشوفين شنو قالت اتسوين نفسها
وكل سؤال ردي عليه ومو لازم تسالينهم دامج اتعرفين عنه كل شي
واهم شي لا تطولين القعده وياهم :$
وشنو تلبسين ؟؟ اكيد ماراح تلبسين بيجامه مثلا !!
بتلبسين الشي الي راح يطلعج حلوه وانيقه
وسلامتج

 

[« لـ / غيـرگ »]

ماله داعي تسولفيين ردي على قد السسؤال وخلج حيااويه ..

واللبس يكون محتششم ومرتب مو عااري طبعآآ

ولا تطولين القعده
والله يوفقج يااااارب ويتمم على خيير

 

[ام كوشه منكووشه]

رد : يايين اهل حبيبي يخطبوني نصحوني شتصرف شقول ماعرف :x

حبوبه خلج على طبيعتج افضل لان حلات الوحده بالخطبه تكون حياويه وماتسوالف وايد وبالنسبه للمواضيع لاتحاتين اهم اللى راح يناقشونج لانهم ياين يتعرفون عليج ويشوفنج
والله يوفقج انشالله ويتمم عليج

 

[حياة بابا]

رد : يايين اهل حبيبي يخطبوني نصحوني شتصرف شقول ماعرف :x

والله ياختي..
خذي امورك بالوسط لاتصيرين مرره كلش ماتتكلمين ولا تصيرين بس تقرقرين فوق راسهم
خليك بالوسط يعني تكلمي بس مو واااجد
واذا على اللبس اللبسي فستان قصير بس مو مره قصير يعني لحد الركب مثلا وخليه بسيط وناعم ونفس الشي بمكياجك وشعرك ابدا ابدا لاتبالغين بشكلك خلي شكلك طبيعي
والله يوفقك ياحبيبتي ويهنيك

 

[حجيه هيونه]

البنات ماقصروا


قعدي هادية وتكانه واذا سألوج ردي على قد السؤال وخليج انيقه

والله يكتب لج الى فيه الخير يارب

 

[al-musk]

خلج على الطبيعة سوي شعرج ومكياج ناعم ولبسي دراعة حلوة لأنه رمضان

 

[كيكه توفي]

والله مادري ماعرف لان ما مريت بهالموقف

بس الله يكتب لج اللي فيه كل خير

 

[Tom ♥ Jerry]

>

رآح يعذرونج حبيبتي ..
يعني بس بيسئلونج شلونج شخبآرج جم عمرج
وين تشتغلين .. أوكي ردي على قد الأجآبه خو عآدي بعد البنت لأزم تستحي !

 

[درة أهل الطولات]

رد : يايين اهل حبيبي يخطبوني نصحوني شتصرف شقول ماعرف :x

عادي الكلام راح يطلع بروحه

لا تخططين من قبلهاا

خليج عفوية

 

[ماكو نك]

خليج طبيعيه .. كل شي على الطبيعه حلوو

يعني انتي طبعج جذي شبتسوين يعني ..

لبسي وكشخي بس لاتحطين مكياج اوفر يعني ناعم عشان تبين ملامحج ..

وماقصروا البنات ..

موفقه حياتي

 

[أم قـمبر]

لووول وناسه
اول شي الله يباركلج ويسعدج ويهنييج
ثاني شي خلييج عفويه لا تتصنعين شي
وبالعكس زين انج تجاوبين على قد السؤال بس
اساسن لا تسوولفين خلييج قاعده ساعكته بس اذا اسألوج جااوبي
طبعن كشخي لبسي احله شي عندج بس لاكون واايد قصير وجذي يعني الستر زين بهاليوم بالذات
لا تحطين مكياج وااااااااايد لالا خلي يكون نااااعم حيييل وخفيف واذا تقدرين لا تحطين من الأساس الي شووي كحل داخل عيينج واذا بشرتج ما تحتاج لا تححطين اساس خلي كريم مرطب خفيف ونتفت بوودر وحمره فتحه خفيفه
وشعرج فلييه عادي لا تسوين فيه ولاا شي لا بف ولا تسريحات ولا شي خليهه مفلول احسن
ووزعي ابتساامات كلله خليج متبووسمه
ومو تقعدين منزلله رااسج ترى قدييمه هالحركه لا عاادي خليج طبيعيه جنه ناس زايرينكم
خلييج واثقه من نفسج بقعدتج وحركاتج
لا تقعدين ريل على ريل
قعدي عادي وخلي ريولج الثنتين مايله شووي وجتفج مرفووع وظهرج مسقيم
اممم بس تقريبن هذي نصاايحي
وعااد بشرينه شيصير معااج
بالتوفيق حبيبتي

 

[زهراء الركابي]

رد : يايين اهل حبيبي يخطبوني نصحوني شتصرف شقول ماعرف :x

لبسي اللي تحسينه مناااسب لج ولا تحطين مكياج وايد مثل ماقالو البنات خليج طبيعيه


موووووووووووووفقه

 

[عيش و مرق]

لاتحطين طن مكياج وعدسات عشان يشوفونج عدل بعدين كيفج .......... ولبسج خلى ناعم مو اوفر وقصير وله ضيج لا ساتر وناعم وموشك وزرى كنه عرس لالالا

 

[ToOoTi]

الله يتمم عليج يا قلبي

 

[salema]

رد : يايين اهل حبيبي يخطبوني نصحوني شتصرف شقول ماعرف :x

والله ماقصرتوا بنااات فديييييتكم
وبانتظار المزيد

 

[sweet dashttya]

رد : يايين اهل حبيبي يخطبوني نصحوني شتصرف شقول ماعرف :x

لبسي شي ناعم ونفس الوقت رآقي وحلووو عليج

خليج طبيعيه بس مو وايد تقرقين لوووول

 

[عاشقه رويشد]

الله يتمم عليج ويوفقج

 

[salema]

رد : يايين اهل حبيبي يخطبوني نصحوني شتصرف شقول ماعرف :x

مشكورييين ماقصرتوا

 

[يوآش يوآش]

رد : يايين اهل حبيبي يخطبوني نصحوني شتصرف شقول ماعرف :x

شتبين تاخذين وتعطين

لوووووووووووووول

ترا صج ضحكتيني

لا حبوبه ردي على قد السؤال

شالغلط فيها يعني ؟؟

وبعدين طبعج جذي

لا تغيرينه وتتصنعين

والله يتمم عليج يارب