ياويلتي ويلتااااه من خشمي عند منذر العجمي

[ماعاد بدري..]

قوة بناااااااااات .....
انا سويت خشمي عند منذر بعد المدح الشديد من البنات على شغله اهئ اهئ ...... وسارلي الحين شهر واسبوع من مسويتها .... بس مو عاجبتني النتيجة ..... بناااات مادري شلون احسه مو ذاك التغير بس الهم عالجمب ... ويالليت على جذي وبس الارنبة حيل مورمة ... لدرجة لي طالعت بالمنظرة عالجنب طولان خشمي من تحت ,,, يعني شفتو ستايل فايز السعيد خشمه من عالجنب اهئ اهئ اهئ ..... مادري احس قطيت فلوس على ولاشي .... ياااربي يعني تحديت اهلي وجمعت فلوسي بطلعت الروح وتحملت لهواااش من كل صوب واخرتها هذي النتيجة...
روح منك للة يامنذرووووو اهئ اهئ اهئ احس غاثني .... قالي بعد شهر بعطيج ابرة تخف الورم هو صج له اثر ولا ماخذني مقصة ياااااربي شهالحظ اهئ اهئ والمصيبة بنات عرسي بعد 3 شهوووور اهئ .... انا الحين منقهرة من هالفنانات الي سوون خشومهم ويقعدون شهر وينطون عالمقابلات والتلفزيون ولاتورم ولابطيخ .... شمعنا احنا حظنا جذي اهئ ..... اف بس واللة منقهرة قبل العملية كنت عايشة بالاحلام وان خشمي بيصير مثل مابي .... ااااااااااااااااه يالقهر اهئ

 

[أم حوور]

حبيبتي

الحمدالله على سلااامتج



وبعدين العملية يبيلها عالأقل 6 شهور يبين شكل خشمج عدل



والابرة اللي راح يعطيج اياه الدكتور تخفيف الورم اللي بخشمج


ماكو الا العافية حبوبه ولا تحاتين شي

 

[!! بطاطه !!]

حبيبتي اصلا تو الناس علشان تحكمين انه العمليه فاشله او ناجحه انا رفيجتي توه مسويته عنده والله العظيم انه يهبل بعد مافش وحتى طريقه لخياطه نطري على نفسج اشوي وانشالله يصير نفس الى تبينه

 

[Turquoiseya]

توج يبيلج وقت عشان يتشكل خشمج عدل
وعلى العموم الحمدالله على السلامة

 

[سندريــــلا]

الخشم للحين وارم
توج شهر واسبوع

اصلا يبيله 6 شهور علشان يبين وضع الخشم ويفش وياخذ وضعه

انا الحين لي 4 شهور للحين الارنبه بعدهاااا يابسه ومورمه شوي

لاتحاتين وصبري

 

[ZaYtOoNa]

حمدلله ع سلامتك
لسه بكييير هي مش النتيجه النهائيه
المنخار بدو من 6 شهور لسنه لياخد شكلو النهائي

انا عملت العمليه بس لسه ما صارلي 3 شهور
عند دكتور غابرييل صعب
والورم عم يخف
بس انا بقلك الارنبه لساتها وارمه,,والدكتور حكالي هي بتطول



بس لشو الابره؟؟
الورم بيخف لحالوو !!

 

[ريونه المزيونه]

حبيتبي الحمد الله على سلامتج

وعن الابره اللي قالج عنه تحملي,, هاذي كورتزون ,, انا قريت عنها هني فالمتدى,, وسالت دكتوري,, قالي تحملي اقينها فيها مضاعفات ,, وثاني شي حبيتبي هاذي حتى لو يطقونها مايطقونها بعد شهر ونص,, لازم يمر على الخشم من 6 الى 9 شهور,, حتى سالت عنها فالبحرين دكتور عندنا قالي نفس الكلام وقالي مانصحج فيها ,,

ولا افكر انا اسويها تحمللليييي

 

[ماعاد بدري..]

اللة يجزاكم خير بنات على هالكلااااااام ..... بس واللة نفسيتي زفت اللة يعين ....

 

[ماعاد بدري..]

ريونة خرعتيني عاد هو بيعطيني الابرة بععد اسبوعين يعني شنوو ممكن تكون نتايجها .... لاني بسويها عرسي مابقى عليه شي لازم يخف الورم اهئ

 

[ريونه المزيونه]

مادري حبيبتي

شوفي هو دكتورج ويعرف حالتج


واسالي كذا دكتور,,,

 

[ريونه المزيونه]

باقولج لين رحتي له ساليه عن اللزقات اللي بعد العمليه يحطونها ,, وخل يعلمج شلون يحطونها... وخليها كله على خشمج وخصوصا وقت النوم ,, وفي كريمين انا عطوني اياهم ,, اخلى من كل واحد شويه واخلطهم مع بعض بصبعيني ,, وبعدين ادهن خشمي,,, يخففون شوي من الورم .,, طبعا مو في يوم وليله لكن شوي يخفف الورم.. واللزقات مهمين ,, حبتيبتي ولي عرسج يعني بيمر 4 شهور الا متعدل بس كله داومي على اللزقات وخصوصا اذا انتي فالبيت ,, وسوييي المساااج تره واااااااااااااااااااااااايد مفيد ... وقبل عرسج على الاقل بسبوعين طيقي الابره اذا حبيبتي ,, نطري لانه توه الخشم متورم

واذا تبين اسم الكريمين راسليني على الخااااص

موفقه

 

[مــســك]

ماعاد بدري .. حمدلله على سلامتج ..


انزين شلي مو عاجبج بخشمج ؟؟ يعني ما صغرة لج ؟؟


يعني بس على جنب حلوو .. ومن جدام ما عدله لج ولا شنو سالفة ؟؟


ابي اعرف شلي مو عاجبج بخشمج ؟؟

 

[ماعاد بدري..]

مشكورة ريونة حبيبتي ....... وبساله عن اللزقات

 

[ماعاد بدري..]

هلا المسك .... بالنسبة لسوالج الي مو عاجبني الارنبة الي باخر خشمي عرفتيهامنتفخة واكثر شي تبين عالجمب من تحت طولان .....وبس هي بس لو يروح الانتفاخ يسير كل شي تمام واتوقع بيطلع حلو لان مبين ان رسمته طبيعية بس لو يذلف هالانتفاخ الي تحت اكون راضية عن شكله

 

[كشموووشه]

حياتي 6 شهور الى سنه تشوفين النتيجه صبري وعيني من الله خير

 

[ريونه المزيونه]

حبيتبي تره كل ماله وبين طبيعي نطري عليه توج شهر ,, نطري لي قبل عرسج ,, وبشوفين شلون بيتغير,, وبتذكرين

 

[مــســك]

ماعاد بدري .. الله يقطع ابليسج وربي خرعتيني حرام عليج لووووووول


انا حسبالي لا سمح الله مخرب خشمج .. اثاري بس الارنبة .. حياتوو تو النااس الارنبة للحينها منتفخة ويابسة ويبيلهااا بالكثير لــ 6 شهور وتفش ان شاءالله ..

ترى الصبر جميل ..

بس انتي جم صار لج من سويتي العملية ؟؟ يعني شهرين ؟؟

 

[al7noona]

انتي اذا رحتي المراجعه قوليله شنو الي مو عاجبج بخشمج واكيد اهوا راح يشرح لج

 

[(بنت النور)]

اختي ماكو الا العافيه
انا قلت شوهلج خشمج
على هالكلام اللي كاتبه
اصلا معروف عملية الخشم
بالكثير سنه تشوفين الشكل النهائي للخشم
هذا خشم مو لعبه يعني تغيير بخلقة اذا تفخت الخدود
و اهيا تعبئه ما تشوفين النتيجه الا من 10 ايام و فوق
فما بالج خشم و بعدين حرام تقولين منك لله يا دكتور بالعكس
الدكتور روووعه شغله و انا اعرفه من زمان من اول ما طلع
و دايما عنده و انتي لازم تصبرين مو معقوله مسويه خشمج تبين النتيجه تبين على طول
وبعدين الممثلات اللي تتكلمين عنهم شدراج انها بشهر تطلع حبيبتي هذيله يختفون عن الانظار
ليما كل شي يصير اوووكي فيهم ما تطلع الا و هي مضبطه حالها مليون مره
كوووني صبوره يا بنت و طولي بالج و ان شاء الله تطلعين احلى عروس

 

[نورالدنيا***]

تقدرين تورينا صور خشمج تري يبن الخشم الحلوو غيرج يحكم انتي اضاهر من كثرر ماتشوفينه كرهتيه

لا تحاتين ان شالله يتعدل ويصير احلي خشم