ياناصر الحب لاجاني ولا شفته ..
...... ولاشفت ناسه ولكنه تحداني
عسفت خيّال وجدي يوم انا خفته ..
.......... والبسمـه اللي تذوّبني بتلقاني
ياناصر الشعر سايرته ولا طفتـه ..
...... ياناصر السيف يشكي ضربة الجاني
ياناصر الشعر شرفني ..و شرّفته ..
.........ياناصر الروح طاحت / قلت يمداني
ياناصر الإتزان اللي تكلفته ..
.........تدريبه انه يعيش لواحد ٍ ثاني
ياناصرك ناصرك لو كان كلفته ..
........ ياناصرك ناصرك .. من قاصي وداني
ياناصرك ناصرك .. اللي تحرفته ..
.....ياناصرك ناصرك .. من كثر ماجاني
الضعف صنعي مدام الخوف ألفتـه
........ والطين يملى عيوني يومه أعماني
وان كنت تدري بجرحي كان اردفته
........ لكنك اصلا ً تعيش إهمال عقلاني
ياخي اباروح واللي كان كيّفته
...... ياخي تكسر بوسط الجوف واغراني
ان كانها بالملاقى شوفني ضفته
........ لأبسط بقايا جروحي وانت عنواني
النص يحكي وانا نصي تحذّفه
........... والروح مهره تبي خيّال وجداني
ان كانها رحلتك .. شاعرك وقفته
.......... وان كانها بالغلا جيتك وتلقاني
خلفت شعري وخلفته وخلفته
.......... يوم أكثر الناس تبكي تنبت اغصاني
الا الغلا يالغلا مايوم وضفته
......... ماهو مكاني ولكنه لتحناني
لو ماسكنت السكون اللي تحسفته ؟
..........أبآتحسف على زوري وبهتاني
لو ماتخيّلتك انك واحد ٍ عفته ..
........ ابآتخيّلك ضدي وانت جنحاني
أعتذر اثاريني دشيت مُنتدى الشَعر (بفتح الشين)
أتمنى أن تكون القصيده قد لاقت على إعجابكم ..
أخوكم اشحلااااااااتي أينن
