ياناس والله تعبت من مرت حماي

[الراقيه 81]

السلام عليكم

ومبارك عليكم الشهر

يابنات انا تعبت نفسيا ومالي الا الله وانتوا نصحوني شسوي وخصوصا اني وحيده امي بين 4 اصبيان

انا ساكنه عند بيت حمولتي واحنا برمضان ننزل نتفطر عن خالتي ام ريلي تحت واللي تبي تنزل شي تنزل واللي ما تبي كيفها وانا ماعندي الا بيبيين فأسوي كل يوم شي اذا نزلت اي شي تعلق مرت حماي اللي اصغر مني و تطنز على اكلي وتقولي هذي الاكله قديمه مثلج قديمه وتضحك والكل ياكل ويسالني عن الطريقه وانا من غير مبالغه اموووت عالطبخ والسلطات
وامس سويت سلطة الناشوز و كلت قفشه جان تقول وع
انا من غبائي دمعة عيني جدامها لانها اجرحتني

ابي الحل شقولها اذا نزلت اي شي اقولها بليز بلا تعليقات ولا ما اعيها اذا نجبت من اللي منزلته انا مليت والله
:eh_s(11)::eh_s(16)::eh_s(11)::eh_s(16)::eh_s(11):​

 

[3baia]

وعليكم السلام

والله هذي ماينفع لها غير التطنيش,, إنتي الأكبر والأعقل

لاتحرين نفسك عشانها خلك واااااااااااااااااثقه من نفسك ...ورزي عمرك

لاتخلينها توصل للي تبيه ...هي تبي تستفزك وتقهرك

 

[فوفو22]

حياتي انتي

لا تخلينها تزعزع الثقة بنفسج

اقري كلامي زين

وامشي عليه

نزلي مثل كل يوم

واذا علقت اي تعليق سخيف

ردي عليها

يكفي انه عاجبني ............ واذا فيج خير سوي نفسه

بشرط يكون ردج بابتسامه

ولا تعطين اي مخلوق فرصة بالتعليق السلبي على شخصيتج
فوفو

 

[المرتاحة]

لا تسمحين لاي شخص يتعدى عليج

و هذي وقفيها عند حدها مو بالهواش بس ردي عليها ولا تسكتين و تخلين الحره بقلبج

قالت سلطة الناتشو مو حلوه قولي لها هذي اكلت الناس الراقية

او اذا قالت اكلج قديم قولي لها هذا الاصل و اللي ماله اول ماله تالي

 

[جنون الهوى]

شوفي هذي ما ينفع معها الا التطنيش
والحقران لاتردين عليها لانك اذا رديتي عليها تعطينها اكبر من حجمها
خذيها قاعده
تصدقين انها تذكرني باخواات زوجي اي شي اسويه وانزله لهم من اكلات او حلوياات ما الاقي الا التعليقاات الي مال امها داعي وانا ماخذه اسلووب الحقراان والتطنيش معاهم​

 

[كويتيه شماليه]

هذي غيره الله يكافيج شرها يمه صج اوادم مايستحون والله لوني بمكانج اقولها ومن طلب رايج وانا مو مسويتها لج وفشليها الله يقطع الحريم الحفودات وع بوجهها اللي ماتستحي المفروض تحشم نعمة الله

 

[a.aljowder]

ذكريتيني بحركات سابقة بس الحمد لله قدرت اتقلب عليها بالتطنيش والأبتسامة
وصدقيني هاذي احلا حل حق الغيرة اللي في قلبها ولا تعطينها اي اهتمام تجاهليها كثر ما تقدرين
واي كلام تبي تستفزج فيه او اي حركه ابتسمي وطنشي ولا تردين عليها اهيه تبي مشاكل ولوية طنشيها وارتاحي ياعمري

 

[ريم وبس]

حبيبتي يا ما نشوف من هالاشكال المريضه .. مسكينه تلقينها مو قادره تسوي حتىا السلطه جايه تتفلسف عليج​

اخذيها مني وانتي كيفج .. اذا قالت هالكلام مره ثانيه عطيها نظره من فوق لتحت وقولي اذا انتي بس قاعده تعلقين بطبخي​

يلا ورينا طبخج يا ( الشـــيف منال العالم ) وبعدها ضحكي وعطيها ظهرج ... صدقيني راح تنصدم من ردت فعلج لها​

وبنفس الوقت وقفتيها عند حدها.​

ملاحظه : ليش ناخذ كلمة طنشي وعطيها طاف .. واهي شاده حيلها وتعلق وماادري شنو.. اي وحده شايفه حالها عليج وتبي تحرجج ردي عليها باسلوبها .. عشان لما تجي تعلق ولا تقط جم كلمه عارفه ان في احد يرد عليها. هالاشكال لازم نرد عليهم
عشان يتأدبون.​

 

[قمرية الفيس]

انا مرة صار لي نفسج والله ماسكت. قلتلها موعاجبج لاتاكلين ماسويتهلج
بقصد الضحك

 

[خالف تعرف]

اذا تحجت قولي عالاقل عندي ذوق واسلوب ومرا ثانيه لاتاكلين من اطباقي
ولمن اتقول قديم نفسج قوليلها غصدج نفس ويهج يا ام الذوق احترمي النعمه الي جدامج
خلج ملسونه مع هالاشكال

 

[دلع العتبان]

هديني عليها اتوطا ببطنها وربي ماعندج سالفه تدمع عينج بعد زين منج والله حبيبتي تسووين اطباق وتنزلين وتسوين وعندج اثنين حبيبتي اهي الخمال الي تنزل ولا تجيب شي معاها والله العظيم انتي ماعندج سالفه تعطينها اهميه هاذي مريضه الي ماعندها ذوق ولو مجامله تجاملج ووه < احترت

عسى الله يعطيج العافيه حبيبتي ،،،،

 

[سكوتي بذوقي]

إذا قالت لك عن اي طبخه قديمه

قولي لها اهم شي عاجبتني

وعاجبه زوجي وخالتي

موتيها قهر شكلها منقهره منك وتغار

 

[Fashion Falls]

حسبي الله عليها فراغه واحنا بهالشهر الفضيل
انتي راقيه اكيد
حقريها وتاكدي ماقالت جذي الا محتره منج

 

[الأميرة جوري]

بصراحه ماتستحى واللي مايستحى منج لاتستحين منه....ردي عليها مثل ماقالوا البنات اوعطيها طاف خليها تتفششششل

 

[Dreams Of a girL]

كشش عليها تقث والله

ردي عليها لاتعطينها وجه
واذا ردت وقالت نفس الكلام
قوليلها مو عاجبج مو لازم تاكلين منه ماسويته عشان سواد عيونج

 

[jooosy]

حددددهااا محترررره منننج
واذا تحجت قوليلها مومهم يعجبج
اهم شي عاجب حمولتي
واذا قالت قديم قولي محد غاصبج تاكلين
واذا علقت قولي محد اخذ رايج
ردي عليها تنجعم واتحط السانها ابحلجها
وحبيبتي خلج قويه
منو اهي الي اتنزل دمعتج
غلطانه يوم بجيتي جدامها
انتي جذي فرحتيها
اهي مستغله الفرصه لانج ساكته وشخصيتج مو قويه
والله لو اتردين عليها تسكت
اللي مايحترم لاااا تحترمينه
واذا تحجت عطيها الحجي الي يسكتها
هذي قليلة ادب ابصراحه
لانها لو كانت مؤدبه جان احترمت خالتج وخالتها الي قاعده وخوات زوجها

 

[ميمي غير~]

حياتي انتي

لا تخلينها تزعزع الثقة بنفسج

اقري كلامي زين

وامشي عليه

نزلي مثل كل يوم

واذا علقت اي تعليق سخيف

ردي عليها

يكفي انه عاجبني ............ واذا فيج خير سوي نفسه

بشرط يكون ردج بابتسامه

ولا تعطين اي مخلوق فرصة بالتعليق السلبي على شخصيتج
فوفو

أنـآ مـعـآهـآ. . .:rerrerek:

 

[ام الحلوااات]

حياتي انتي

لا تخلينها تزعزع الثقة بنفسج

اقري كلامي زين

وامشي عليه

نزلي مثل كل يوم

واذا علقت اي تعليق سخيف

ردي عليها

يكفي انه عاجبني ............ واذا فيج خير سوي نفسه

بشرط يكون ردج بابتسامه

ولا تعطين اي مخلوق فرصة بالتعليق السلبي على شخصيتج
فوفو

:ggdw: :ggdw: :ggdw: :ggdw:

قـــــولـــي لـــهـــا مـــو عـــاجــبـــج لا تــاكــلــيـــن
مـــا احــــد غـــاصــبـــج
او اذا اكــلــي قــــديـــم شـــمـــري عـــن ذرعـــانـــج
وراويـــنـــا انـــتـــي الــيـــديـــد
وديـــــــري بـــالــــج تــبــجــيــن عشـــانــهــا او تـــشـــوف دمـــعــتـــج :eh_s(10): :eh_s(10):
لانــهــا وقــحـــه وراااح تتـــمـــادى عــلــيــج اكـــــثــــر واكـــثــــر اذا ســـكــتـــي لــهـــا​

 

[∫ ∫ ∫ ∫ جــوان ∫ ∫ ∫ ∫]

حدها وقحه

ولو فيها خير جان قبل لا تحترمج احترمت نعمه ربى

 

[دلوعة مبارك]

لاتضاقين عمرج على هالجاهل لو انها مو جاهل جان ماقالت لج هالكلمة وهم غيـــــرة كل ماطنشتيها كل ما انغثـــت وانتي غثيها بحقرانج كأنها مو موجودة اهم شي رضا زوجج و خالتج بس والباقي اضربيهم بالطوووووفة ولاتحطين فبالج هالموضووووع عادي طاف .............