يامعلمات متى تقولون ..... لا .

[كيكة دارسين]

بصراحة حبيت اوضح نقطة مهمة عمل المعلمة اتعب واشق عمل بالكويت
والمفروض في مقابل مجزي وبالمقابل نشوف التقدير وزيادة الرواتب للمهندسين والمحاسبين والسكرتارية والخ ..
متى يلفتون لنا
الجواب ...
الاعتصام والاضراب
صدقوني يابنات متى نقول لا نبي حقوقنا نبي زييادة مجزية كادر محترم نبي مساعدات للمعلمات نبي اماكن ومكاتب محترمة تليق فينا كمعلمات
صدقوني اذا احنا ماطالبنا بطريقة الاضارب والاعتصام محد راح يرد علينا لاتخافون شنو اللي راح يصير خصم يوم واحد بالطقاق بس خطوة جادة يوم واحد تشل العلمية كلها خلونا نعلمهم انهو بدونا ولاشي

:eh_s(14):​

 

[اسمي بين الاسامي]

كلامج صح

انا اقول بعد نصمم باجات موحده نكتب عليها هالعبارات

انصفونا

لا للاطالة نعم لزيادة الكادر

 

[قـوت القـلوب]

رد : رد: يامعلمات متى تقولون ..... لا .

وانا معاكم يالله متى حددوا يوم وكلنا نروح

 

[كيكة دارسين]

والله يا اختي الكريمة معاك حق يبيلنا ترتيب لهذي القضية تعبنا خلاص نبي العدل للمعلمات

ودنا المشاركة من باجي البنات

​

 

[كيكة دارسين]

خلاص نبي عدد اكثر من 200 معلمة ومعلم
وصدقوني راح نحقق كل اللي نتمناه

​

 

[!αNα Gαir!]

رد : رد: يامعلمات متى تقولون ..... لا .

للأسف انا مو ابله بس شدني العنوان ..

و انا فعلاً ملاحظة ان المعلمات ما يلاقون الأشياء اللي يستحقونها ..

 

[كيكة دارسين]

مشكوره اختي انا غير على مرورك الكريم
وبصراحه انا احترم الى كل من يعطي راي ولو ان ليس له صله بالقضية

​

 

[أحلى^حياه]

المهندسين كل يووووووووووم يزيدونهم واهم قاعدين عالكراسي

 

[ورود وأزاهار]

رد : رد: يامعلمات متى تقولون ..... لا .

كيكة ودارسين ،، ،، عزيزتي انا معاك 100% وكلامك صحيح لكن أنا من رأيي ،، من الأفضل إننا نزل هالموضوع في منتدى جمعية المعلمين ،، علشان تكون العملية منظمة بشكل أكبر ،، وتدار بالشكل الصحيح ،، وبصورة قانونية ،، :bbbiu:


تقبلي تحياتي :hjy5jewf:

 

[سفيرة العشق]

رد : رد: يامعلمات متى تقولون ..... لا .

متى يحسون فينا خلاص تعبنا

 

[مزيـانه]

رد: رد : رد: يامعلمات متى تقولون ..... لا .

سوري حبوبة

بس انتي عبالج اهم ما يدرون انهم بدونا و لا شي؟؟؟؟

يدرون أكثر مني و منج

نفس المعزبة .. ما ترتاح بدون خدامتها --- (( اسفة على التشبيه بس هذا الواقع ))

لكن ما انهمهم .. ليش؟؟ لأن مالنا كلمة

و زفة وحده من أي أحد بالوزارة بتخقون (حتى لو الأمن اللي عند باب المدرسة)

و عادي جدا يقولون لكم بابا روحي مكتب و اييب بدالج 3 خدامات بمعاشج .. من بعض الدول المجاورة

لا و بعد يشتغلون و هم ساكتين

خليها على الله

 

[Turquoiseya]

رد: رد : رد: يامعلمات متى تقولون ..... لا .

تذكرون الاضراب والاعتصام اللي سووه ابلات العربي
لما اقروا الفصول المساندة 00 يمكن سنة 2006

شنو سوت الوزيرة الصبيح ذاك الوقت؟ صكت غرفتها وزادت الكرف
ولا سمعت احتجاجات المعلمين والمعلمات كلش
وكشتت فيهم لانها اصلا وزارة تعشق تعذيب المعلمين والمعلمات

 

[lolowawa1234]

بنااات ليييش مصعبين الموضوع ؟؟؟
توقيعاات احتجااج توزع على الصحف اليوميه واعتصام اماام الوزاره احناا جم معلم ومعلمه؟؟؟؟
لو 200 معلم ومعلمه بنصك الشوييخ كلهااا
هذاا غيير لما انسوي حمله ونطرش رسايل للكتاب بالصحف اليوميه ومحد بيقصر ويانااا

مشكلتناا انه مخلينا موضوعناا مغلق لناا بس

يعني الناااس شتعرف عن المعلمين وهمومهم؟؟؟

كل اللي تعرفه
انهم رواتبهم قويه فوق850 ودواماتهم قريبه من منازلهم...وعاايشيين بعزز
مايدروون اناا للاسف صرنااا مملوكين لوزاره اترد كل سنه 20سنه للخلف

لاازم النااس اتعرف
رواتبناا ويين اترووح؟؟؟
جم حصة احتيااط نااخذ؟؟

شلوون ايعاملونا الاداره؟؟؟

القمعيه والضغط اللي نتعرض له يوميااا

الجذب والنفاق والعنجهيه بالتقااارير
الوزاره الوحيده اللي تقاريرهاا سريه (طبعاا للي ماعنده واسطه)


اذا انتم ما بتغيرون انفسكم شي راد لكم
اماا انااا
باذن الله اول وحده موجوده بأي اعتصااام راح يصير...

بناات بس بقولكم على شغله ترى الاعتصامات اللي طافت انجحت ..
تذكرون اعتصاام معلمين رياض الاطفال
ارتحناااا من بعده حيييييييييييييييييل حيييييييييييييييييييل حييييييييييييل صج فيه تعب وخوف بالاعتصام وقتهااا بس عشناا بعدهااا بعززز الحمدلله
عالاقل شالوا عنا اشيااء واايد كانت اتغثنااا ...

ايد وحده ماتصفق....

 

[Turquoiseya]

والله اروح واعتصم معاكم لو هالوزيرة بتسمع الكلام
ولا الوزارة بكبرها اتحط لنا اعتبار

بس مادري ليش عندي احساس سلبي لان وزيرتنا حاطه دوبها دوبنا

 

[ورود وأزاهار]

رد : رد: يامعلمات متى تقولون ..... لا .

عن قناعة

لا تشك للناس جرح انت صاحبه ،، ،، لا يؤلم الجرح إلا من به ألم

لن يشعر بنا أحد إن لم نتكلم صح ،، ،، ،، ونتحد صح ،، ،، وبخطى ثابتة

أنا أرى أن ينظم هذا الاعتصام وفق رؤية جمعية المعلمين ،، ،، بحيث نحدد الهدف من الاعتصام ،، ،، طلباتنا كمعلمات ،، ،، وموشرط الاعتصام يكون عند الوزارة ،، ،، ممكن عند مجلس الأمة

لازم يكون في اجتماع نحدد فيه مطالبنا ،، والأمور اللي نبيها ،، ،، مو اعتصام وخلاص لأن المجتمع ما راح يطبطب علينا ،، ،، لازم نكون واضحات وذوات أهداف _03ba:


عموما للمترددات ،، ،، والخوافات ،، ،، أقوووووول

ومن يتهيب صعود الجبال ،، يعش ابد الدهر بين الحفر
ومن جهلت نفسه قدره ،، يرى غيره منه مالا يرى
ان كنت ذا راي فكن ذا عزيمة ،، فان فساد الراي ان تترددا
عش عزيزا او مت وانت كريم ،، بين طعن القنا وخفق البنود
والأهم ،، ،، ،،
و إذا لم يكن من الموت بدّ ،، فمن العار أن تموت جبانا
وما نيل المطالب بالتمني ،، ،، ولكن تؤخذ الدنيا غلابا

 

[بقايا امل]

حبيبتي صاحبة الموضوع... انا كلمت اخوي وهو يعرف صحفي رفيجه وقال يبي تواقيع اومسجات رافضة كدليل وشلون تبونها اعتصام امام الوزارة ولا غياب اول يوم دراسي ,, عشان بينشره بالجريده ,,,,فياليت كلنا نصير ايد وحده خاصة بهالموضوع ,, الصحفي يبي يخدمنا.. قولولي شرايكم؟

 

[معلمة_منكوبة]

رد : رد: رد : رد: يامعلمات متى تقولون ..... لا .

سوري حبوبة

بس انتي عبالج اهم ما يدرون انهم بدونا و لا شي؟؟؟؟

يدرون أكثر مني و منج

نفس المعزبة .. ما ترتاح بدون خدامتها --- (( اسفة على التشبيه بس هذا الواقع ))

لكن ما انهمهم .. ليش؟؟ لأن مالنا كلمة

و زفة وحده من أي أحد بالوزارة بتخقون (حتى لو الأمن اللي عند باب المدرسة)

و عادي جدا يقولون لكم بابا روحي مكتب و اييب بدالج 3 خدامات بمعاشج .. من بعض الدول المجاورة

لا و بعد يشتغلون و هم ساكتين

خليها على الله

صح لسااانج بكل كلمة قلتيها يبتيها على الجرح ..... وانتي الصاجه مايدرون

ربعنا لما اييبون ثلاثة بنفس معاشنا مايحلمون هالثلاثة بأقل من ربع الراتب

اغلبهم معاشاتهم بديرتهم على 40 دينار !! مايهمهم طبعا ولا يفكرون

انه حققوا مبدأ العدل حق الاجانب والغرب واحنا بالطقاق اييبون بدالنا ثلاثة

يشتغلون علشان يدزونه ديرتهم اخر الشهر وبعدين يقولون ليش وصل مستوى

التعليم بالكويت جذي !! سؤال عبيط يطلع من مسؤول مجلب بكرسيه بس ..

 

[ركازية]

رد: رد : رد: يامعلمات متى تقولون ..... لا .

عن قناعة

لا تشك للناس جرح انت صاحبه ،، ،، لا يؤلم الجرح إلا من به ألم

لن يشعر بنا أحد إن لم نتكلم صح ،، ،، ،، ونتحد صح ،، ،، وبخطى ثابتة

أنا أرى أن ينظم هذا الاعتصام وفق رؤية جمعية المعلمين ،، ،، بحيث نحدد الهدف من الاعتصام ،، ،، طلباتنا كمعلمات ،، ،، وموشرط الاعتصام يكون عند الوزارة ،، ،، ممكن عند مجلس الأمة

لازم يكون في اجتماع نحدد فيه مطالبنا ،، والأمور اللي نبيها ،، ،، مو اعتصام وخلاص لأن المجتمع ما راح يطبطب علينا ،، ،، لازم نكون واضحات وذوات أهداف _03ba:


عموما للمترددات ،، ،، والخوافات ،، ،، أقوووووول

ومن يتهيب صعود الجبال ،، يعش ابد الدهر بين الحفر
ومن جهلت نفسه قدره ،، يرى غيره منه مالا يرى
ان كنت ذا راي فكن ذا عزيمة ،، فان فساد الراي ان تترددا
عش عزيزا او مت وانت كريم ،، بين طعن القنا وخفق البنود
والأهم ،، ،، ،،
و إذا لم يكن من الموت بدّ ،، فمن العار أن تموت جبانا
وما نيل المطالب بالتمني ،، ،، ولكن تؤخذ الدنيا غلابا

معاج قلبا وقالبا:icon30:

 

[معلمة كيمياء جديده]

رد: رد : رد: يامعلمات متى تقولون ..... لا .

واخيرا احس في تحرك منكم

جم موضوع نزل وراح وماعاد شفناه

واعتقد هالموضوع بعد راح يروح

بنات الي تبي ترضى بهالقرارات كيفها

لكن اعتقد خلاص وصلونا لحدنا

لازم نوقف وقفه وحده

اتمنى الكل يدش منتدى المعلمين

مسوين حمله لا لإطالة الدوام

بس نبي تفاعلكم معانا

واتمنى الكل يدش

جوجول يكتب منتدى جميعه المعلمين

ويحط رايه وراح يتغر كل شي لما يشوفون كلنا رافضين

خلاص يابنات لاعت جبودنا

 

[مزيـانه]

رد: رد : رد: يامعلمات متى تقولون ..... لا .

واخيرا احس في تحرك منكم

جم موضوع نزل وراح وماعاد شفناه

واعتقد هالموضوع بعد راح يروح

بنات الي تبي ترضى بهالقرارات كيفها

لكن اعتقد خلاص وصلونا لحدنا

لازم نوقف وقفه وحده

اتمنى الكل يدش منتدى المعلمين

مسوين حمله لا لإطالة الدوام

بس نبي تفاعلكم معانا

واتمنى الكل يدش

جوجول يكتب منتدى جميعه المعلمين

ويحط رايه وراح يتغر كل شي لما يشوفون كلنا رافضين

خلاص يابنات لاعت جبودنا

حبوبة احنا مطلبنا مو بس لا لإطالة الدوام

لازم نحدد مطالبنا كلها

و أول هالمطالب

- ما نبي شغل إداري فوق شغلنا!!!!!!!!!!!

- الشي الثاني .. ما نبي تقاريرنا تكون سرية .. عشان ضعاف النفوس و الظلام لا يتمادون .. عشان يخافون باجر انهم يظلمونا!!! لأن سرية التقارير خلت الناظرات و رئيسات الأقسام اللي ما عندهم ذمة و لا ظمير يلعبون لعب و لا احد يقولهم لأ.. باختصار لأنهم ناس تخاف ما تختشيش :denya:

- نبي يردون الاعتبار للمعلم .. و لا يكون مهان من قبل الادارات (و الناظرات اللي مو مصدقين و لا شايفين خير) أو من قبل أولياء الأمور أو حتى الطلاب .. باختصار نبي حصانة --- ((اي هين :tongue22)

- نبي خدمات تميزنا .. سواء خدمات صحية أو غيرة .. خل يسوون لنا مستشفى يسمونه مستشفى المعلمين حالنا حال المستشفى العسكري .. شنو فرقنا عنهم؟؟؟؟ خل يسوون لنا جمعية مثل جمعية الدفاع و لا جمعية الشرطة .. نبي نادي المعلمين . حاله حال نادي ضباط الحرس و لا نادي ضباط الجيش و غيرة. ثلاث ارباع الكويتيات مدرسات .. ليش مستخسرين ببناتكم هالخدمات؟؟؟؟؟؟

- ما نبي نصرف على المدارس و على الناظرات من جيوبنا.. على الأقل يوفرون لنا القرطاسية .. يوفرون لنا مكاتب سنعه مثل البشر و الناس.. يوفرون شانونات و خزانات تكفي المعلمات .. عيل غرفة فيها 12 معلمة ما فيها الا خزانة وحده ؟؟؟ شنو بتشيل و شنو بتخلي هالخزانة المأسوف على شبابها؟؟

- لازم يشيلون بند التعاون اللي غاثينا فيه الإدارات .. عيل الله يرضى ان الوكيلة تخلي المدرسات يروحون محلات الحلو و يشترون حلو عشان حضرتها بتروح العصر حق رفيجتها الوالدة؟؟ و تقول راح أدرجة في بند التعاون (( يعني فهموا .. يا تشتغلون صبيان و لا نمسك عليكم انكم غير متعاونات )) ----- (( انا أقول خلينا التعاون لج و لأمثالج اذا هذا التعاون اللي تعرفونه .. لا نبي نصير متعاونات و لا ماجدات ))

لو بتكلم ما راح أسكت ترى

أففففف .. قلبي حدة مترووووس .. بينبط من كثر اللي شايلته ((اسم الله علي))