ياليت تقولولي شلون تتعاملون مع الخدامه اليديده؟؟؟ نااااااااطرتكم

[أم فرووحة]

شلونكم بنات؟؟

ولا عليكم امر ابيكم تعطوووووني من نصايحكم و خبراتكم مع الخدم..

كانت عندي خدامه صارلها 3 سنين ماسافرت ولا تبي تسافر لانها امدلعه آخر دلع

بس ما ادري شلون اوصلت لي هالمرحله..!!

بقولكم نوعي..

انا الحمدلله وايد هاديه و عمري ماعليت صوتي عليها و حتى مرات تحرق هدومي اتأفأف اسألها ليش لازم اطلعلي اعذار من تحت الارض يا اما ان انا ما يشوف ولا اوتي خراب و اذا كلش كلش سوري مدام !


طبعا ياما حرقت و كسرت المهم بالاخير صارت خبره بس حدها نفيسه عادي اناديها مرات تحقر و كله تبي تطلع اجازه الخخخخخخخخ

المهم قلت خلاص بيب غيرها ان شاء الله و اهي بوديها بيت اهلي لم نسفرها..

و الحمدلله اليوم اوصلتني وحده نفس جنسية الاوليه هنديه..

بس ودي اتعلموني شلووووووون ما اخليها تدلع

الاوليه وايد كنت اطلعها معاي اي مشوار معاي تمسك بنتي لان بنتي ما تحب تقعد بكرسي السياره هذا لم كانت صغيره الحين ما جربت معاها بس هم اخاف و انا اسوق تقعد تبجي و اتوهق معاها ما عندي احد يسكتها..

عاد اللي يايتني الحين ابد لا عربي لانها اول مره ولا انجليزي نتكلم بالاشاره فحتى لو تقولولي زفي شكلها ماراح تفهم شي..

انا اكلمها انجليزي و اهي اتكلمني هندي




بنات و اللي يعافيكم قولولي اول اول ما تيكم خدامه يديده شتسوون معاها .. هل تعطونها جدول تسويه يوميا اذا اي مثل شنو؟؟

و شلون من البدايه اشد و بعدين ارخي ولا شسوي بالضبط؟؟؟؟

و اذا خربت شي او كسرت شسوي هل اقولها اخصم من معاشج و ما اخصم مجرد تهديد ؟؟

محتاره يا ليت تعطوني من خبراتكم و تجاربكم..

باجر ان شاء الله ببطل عالموضوع على طول قبل لا اكلمها و اشوووووووف نصايحكم..


لا تنسوووووووووووووني

 

[nenoo]

حبيبتي اهم شي اتبينيلها ان كل يوم في اشياء لازم اتسويها وهي تنظيف البيت والحمامات واذا عندها غسيل ملابس ، وبعدين خليج جد معاها يعني لاتتغشمرن معاها وايد وتعطينها وي وايد لان راح تمصخها ، واذا على الكلام نطري عليها اشوي وراح تتعلم عربي انشاءالله

 

[أم عثمان]

مرحبا لازم بالبدايه تشدين معاها بس موحيل وعطيها جدول لايام الاسبوع يوم تمسح الطوف ويومين حق الاوتي وهكذا ولاتعودينها ع الطلعات كثيرولاتعطينها وجه زياده عن اللزوم والله يكفينا شرهم

 

[مكنتوشه]

علميها بالبدية كل شي راح اتسويه ( يعني مثلا : تغسل ملابس تضرب اوتي و تمسك البيبي الخ - عشان اتعرف شغلها عدل.
ولا اطلعينها وياج دايما عشان ما تتعود - يعني بالشهر مره او مرتين كافي .
لا تعطينها وي لانهم ماينعطون وي - اسأل امجرب ولا تسأل طبيب .
بس هم لا تهلكينها شغل - يعني عطيها راحة ترتاح فيها مثلا : تنام الظهر ساعة ولا ساعتين
ونصيحتي لج : لالالالالالالالالالالالالالالالالاااا تعطينها اجازة وقوليلها وانتي بمكتب الخدم ان : ماكو اجازة تطلع برة البــــــــــــيــــــــــــــــــــــــت تبين اهلن وسهلن - ما تبين بالطقاق . حتى لو اتقولج ان عندها اهلها بالكويت

 

[Teta]

سلاااام علييكم شلونج أم فروحة وشلون فروحة ؟

واي ما بقى شي عالدوام ولهت عليكم

شوفي حبوبة أنا بعد توني يايبة خدامة

أول شي نصيحة لا تعودينها عالكسل راويها شغلج كله بس أول شي قبل لا

تعلمينها الشغل قعدي معاها وفهميها (ما أدري شلون بس بطريقة ما )

القواعد الأساسية مثلا

1- ماكو موبايل

2- ممنوع الطلعة برة إلا قطة الزبالة وغسيل السيارات

3- قبل النوم تيين تقولين لي يمكن أحتاج شي

4- اللي يصير في البيت ما يطلع بره

5- قبل لا تمسك الياهل تغسل ايدها

4- إذا تعبانة وا فيج شي تعالي قوليلي وآنا أراعيج (مثلا ) ... إلخ أنا عندي

قائمة بالانجليزي سويتها وأطبقها كل ما تتغير الخدامة يمكن فيها 20

قاعدة اذا تبينها أعطيج إياها وآخر شي أقولها المحفزات مثلا بما انه

ممنوع الموبايل إذا شفت شغلج زين راح أخليج تكلمين أهلج مرة

بالشهر ...إلخ من المحفزات

واللي ما تبي من البداية تقول

- عقب ما تستوعب كل القواعد أراويها البيت كله وكل مكان أبدي معاها من

الصفر حتى لو كانت تعرف تنظف

مثلا الحمام وانتي بكرامة : وين تنظف وبشنو تنظف وكل جم يعني أنا

طريقي بتنظيف الحمام تمسح كل مكان بديتول وتمسح الطوف (بجف)

وتمسح كــــل مكان بالحمام وهذا يوميا .

في الأيام الأولى انتي وياها تورينها يعني وهي تشتغل بتنظيف الحمام انتي

معاها توجهينها خاصة إذا ماكانت تفهم الكلام بعدين ننتقل حق الصالة مثلا

وين تنظف وبشنو تنظف القنفات شلون تنظفهم طبعا مخمة القنفات غير

مخمة الأرض ووين المكان اللي يتجمع في الغبار تنبهينها تنظفه كل يوم

وبالمكنسة الكهربائية تخم الزولية وتورينها الأوات وككككل شي عقبها تحط

معطر أرضيات مثلا أو مع الديتول تحط معطر أنتي وطريقتج عقب ما تخلص

الصالة على حسب شقتج تورينها المكان مثلا المطبخ تقولينلها كل يوم عقب

الغدا تنظفه تمسحه

- مثلا الثلاجة مرة بالاسبوع تطلع كل الأغراض وتنظفها وترجع الأغراض

مرة ثانية ، بعد عشان تعرف أماكن البهارات والأقسام اللي عند بالمطبخ إذا

خلصت شغلها تقولينلها تعيد ترتيبهم وتمسح مكانهم

طبعا ترح يستغرق اليوم الأول جهد ووقت تخيلي آنه خدامتي أول يوم تنظيف

من ال6ونص الصبح لين 5 العصر هذا بدون غسيل وكواي بس شوي

شوي لين خذت إيدها عالشغل وانتي تراقبينها .

وأنا بعد مع الخدامة اليديدة رحت قطيت أوادت التنظيف وشريت غيرهم وهم

شريت فوط يديدة وقسمناهم مع بعض .

ولا تنسين بعد كل يوم تدعين الله يسخرها لج .

والله يعينج الخدم شر لا بد منه راح تتعبين أول شي بس بعدين ترتاحين إن شاء الله .وأي مساعدة أحنا بالخدمــــــة

 

[love love]

ياحليلج تيتا خوووش نصايح حطي قواعدج اهني

 

[Teta]

يــه حاضر والطلب همبة عذروني اذا في أخطاء بالإنجليزي بس هذا اللي قدرت عليه
1- never go out said without telling me accept for

rubbish,carring things and washing the cars>

2- wake up at 6am .

3- every day you must clean the hole flat , living

room ,riception room and the bath rooms.

4- you should clean the fridge and the freezer once a
week .

5- lesten to what iam say

6- don't disclosure our home secrets.

7- no mobile.

8- care of your personal cleanliness.

9- befor you go to sleep don't forget to ask if i need

some thing.

10- ware gloves and *****ng uniform in the kitchen.

11- the clothes of sleeping is diffrent than the clothes of

working.
12- tell me if you need somthing and don't ask any other

body even it was my mom.

13- the serve of any home is needed even it was not our home.
14- don't make trouble for your selfe.

15- don't throw any food not need, collect it to gether to give it to poor people.


16- don't creat any idea of home arrangment befor ask

me .
17- talking to mens is not allowed

18- i will let you call your family once a month .
وهكذااا
طبعا كل وحده وخدامتها في شي يصلح لي ما يصلح لكم والعكس .وبالأخير تقولين لها
at the end i just want to say even those were hard rules you should follow it and we still sisters by islam

 

[فتونة الكويت]

مشكورة صج انج سنعة يعطيج العافية ما شاء اللة عليج