ياليت تشوفن جدولي لماليزيا حلو او لا

[بنت-]

مرحبا خواتي
اخباركم مع الحرررررررررررر
انا بسافر ماليزيا بشهر10
من 14 الى25
وحابه اسالكن عن جدولي حلو او لا
وكمان ودي اشيل يوم
وش تنصحوني فيه
كوالا يومين بينانق يومين لنكاوي 3 جنتنق يومين الكاميرون يوم افا موسى يوم
الجدول حلو او لا
والله نفسي ازيد الايام بس المشكله الفلوووووس:eh_s(14):
احس ماتكفي لماليزيا اروح لاسواق او اتمشى او شنووووووووووو:eh_s(22):
ياليت تساعدني
واكون شاكره لكن

 

[بنت-]

اف ولا رد

 

[❞ Cleoραtrα ❝]

الآيام جدا قليله ,, والتنقلآت كثيره ,!

يعني مآدري احس مالها لزمه الكآميرون و تقدرين تستبدلين لنكاوي بـ بينانج ..

 

[بنت-]

كثير مدحو الكاميرون وبالصور عاجبتني
طيب الاحلى افا موسى او الكاميرون
وايش اللي تشوفون ماستاهل اروحلها

 

[برد فيمتو]

آنه من رايي تخلين
يومين كوالا بعدين 3أيام لنكاوي بعدين يومين الكاميرون وآخر 3أيام كوالا للتسوق و لزيارة جنتنق
شوفي كنسلي وحدة من الجزر إما لنكاوي أو بينانق حسب أنتي شنو تحبين الهدوء بلنكاوي والأنشطة البحرية ببينانق
وكنسلي وحدة من المرتفعات إما جنتنق أو الكاميرون لأن الثنتين باردين بس الكاميرون
طريجها طويل 4 ساعات وهادية وبس طبيعة أما جنتنق مدينة ملاهي ووناسة
وشوفي أنتي شنو تحبين ​

 

[شقاوة أنثى]

نصيحتي لج اختي تكنسلين كاميرون وتضيفينها لي كولالمبور او بيننج
واذا علا جنتق تقدرين تروحيلها يوم وطلعين من كوالا

 

[احساس أنثى]

كوالالمبور حرام خليها ٤ وبينانج ٣ ويوم جنتنج ماله داعي كاميرون اوكي طبيعه بس ماتسوى التعب

 

[((غلاي))]

تروحين و تردين بالسلامه

رفع لعيوونج

 

[** آية من الجمال **]

طلعي من بيننج على كوالالمبور بالسيارة وبالطريق مري على كاميرون طبيعة وخضراء خضرا تشرح الصدر ماتتفوت

انا وصلت من يومين وللأسف مارحت الكاميرون بس الكل يمدحها أنا كنت ماخذه طيران داخلي ع الماليزية وحاجزة من الكويت لو ما كنا حاجزين كان رحنا عن طريق البر صج أربع ساعات بس ما تحسين فيهم من حلات الطريق

وبشذي تكسبين يوم ... لنكاوي ما تنتفوت ولا بينيج برآيي!

كم يوم رحلتك؟

 

[** آية من الجمال **]

جنتنغ روحي لها يوم كامل من كولالمبور ووفري أيام المبيت فيها ماله داعي!

 

[دندونة]

يعتمد اختي اذا معاج اطفال او بروحج
التنقل مع الاطفال صعب ومتعب غير ان الطلعه بتكون اماكن يحبونها مو نفس لما تكونين بروحج الاماكن تختلف اذا طبيعتج تحب التنقل عادي انا باتكلم عن نفسي رحلتي مع عيالي فاخترت كوالا لمبور بس. منها طلعت علي جنتنج ورديت بنفس اليوم الباجي تمشينا بالعاصمه اصلا راح تكتشفين ان معظم الاماكن يبيلها طريج ساعه الي ساعه ونص الصراحه انا امل من الدرب بالسياره والحمدالله ارتحت من هالطريقه اصلا مو كل شي رحناله بكوالا ان الله كتب مره ثانيه راح احط ترتيب ثاني واتنقل الي جزر ثانيه
للعلم افاموسا دربها ساعه او ساعه ونص!!
جنتنج دربها ساعه ونص
سن واي لاغون اعتقد ساعه بعد
الكاميرون قالي السايق ساعتين ونص الي ٣ ساعات واصلا صعودج للجبل بالسياره يستغرق٩٠ كم بس صعود من غير باجي الدرب !!! الصراحه خفت وهونت وحطيت في بالي اروح لها مره ثانيه بالطياره أأمن

محميه الفيله ساعه ونص!!!
لاحظتي الدرب ومع تاكسي مو سيارتج الخاصه الصراحه مليييييييت*

 

[حسن الخاتمة]

لا اختي كثيييييييييييييره تنقلاتك بعشرة أيام هذا عذاب مو سياحه لاحظي الديره بعيده يعني عندك اليوم الي بتوصلين فيه والي بترجعين فيه من هناك رايحين عليك انا بصراحه ناويه أروح لها بالعيد ع عيالي 17يوم بس حطيت جزيره وحده عشان أخفف التنقل وتري من قراءاتي هل أفاموسا أحس مع الحر والرطوبه مالها داعي ضياع للوقت صدقيني هدف السياحه اني أستمتع بالرحله مو ركضه ركضه من مكان لما الثاني غير شيلة الجناط كل يومين والله صعبه

 

[DANA 22]

قلبي شوفي بالنسبة لي انا

رحت اسبوع لبيننق ورحت رحله يوم كامل للنكاوي بس الصراحة ماعجبتني كلش من غير اسباب

يمكن لان كانت يوم واحد والرحلات اللي رحتلها مثل الاكواريوم نفسه في كوالالمبور

حاولي ترتبين جدولج مره ثانيه

وبعدين لنكاوي جزيرة صغيره حدها خلي وقتج كله ببيننق وكوالالمبور وروحي رحلاتهم

عشان الميزانيه تكفي وتوفي

 

[DANA 22]

شوفي آفا موسا عن طريق كوالالمبور والجنتق بعد عن طريق كوالالمبور

يعني يصير جدولج يصير ٤ ايام كوالالمبور وتطلعين من كوالالمبور رحله ليوم لافا موسا تصلح للأطفال حديقة حيوان وألعاب وطريجها تقريبا ساعه ونص ساعتين وفي بطريجها قلعه لسباق السيارات والطيارات الورقيه ورمايه والجنتنق اذا بخاطر كم ليلتين عشان يشبعون لعب عيالج والجو حلو فيها


و٤ ليالي لجزيرة بييننق وتطلعين رحله يوم كامل للنكاوي عن طريق عباره سفينه كبيره والحجز عن طريق المكاتب اللي بالمطار او بمكتب الفندق ويشمل المواصلات من والى والسياحة بلنكاوي والغداء من ماكدونالدز والرحلات كلها عليكم مثل جزيره صغيره للصيد السمك وشويه واكله والرحله الثانيه الاكواريوم وغير الفراره بالمجمعات

وانصح اول الرحله بدايتها من بييننق من الأصعب الي الأسهل

وبجذيه بتلقين الوقت المناسب للشوبنق والراحة والمتعة بالسفره

والله يوفقج باختيار الرحلات المناسبة

 

[كارلوفي فاري]

شوفي آفا موسا عن طريق كوالالمبور والجنتق بعد عن طريق كوالالمبور

يعني يصير جدولج يصير 4 ايام كوالالمبور وتطلعين من كوالالمبور رحله ليوم لافا موسا تصلح للأطفال حديقة حيوان وألعاب وطريجها تقريبا ساعه ونص ساعتين وفي بطريجها قلعه لسباق السيارات والطيارات الورقيه ورمايه والجنتنق اذا بخاطر كم ليلتين عشان يشبعون لعب عيالج والجو حلو فيها


و4 ليالي لجزيرة بييننق وتطلعين رحله يوم كامل للنكاوي عن طريق عباره سفينه كبيره والحجز عن طريق المكاتب اللي بالمطار او بمكتب الفندق ويشمل المواصلات من والى والسياحة بلنكاوي والغداء من ماكدونالدز والرحلات كلها عليكم مثل جزيره صغيره للصيد السمك وشويه واكله والرحله الثانيه الاكواريوم وغير الفراره بالمجمعات

وانصح اول الرحله بدايتها من بييننق من الأصعب الي الأسهل

وبجذيه بتلقين الوقت المناسب للشوبنق والراحة والمتعة بالسفره

والله يوفقج باختيار الرحلات المناسبة

جدولها حلوو بس نصيحه لنكاوي خليلها يومين حييل حلوه. انا جربت الروحه يوم ورجعه لبننج تعب ومامداني استانس فيها رحله المانجروف فيها عجيبه يبيلها يومين لنكاوي والباقي رتبي جدولج مثل ماقالت الاخت دانا

 

[كارلوفي فاري]

انصحج بعد اول ماتوصلون المطار روحي لصن واي لاقون قعدي فيه يوم ريحي من الرحله الطويله واستانسوا بالاكوابارك اللي فيها وبعدها طلعوا لبينانج

 

[خوووخه w]

حبيبتي انا اقولج لانه انا ان شاءالله ناويه اروح شهر 10 باذن الله

كوالالمبور حلوووه وراح تستانسين فيها فخليها 4 ايام بينق 3 ايام ولنكاوي 2ويوم افاموسى لانه جنتق العاب فيوم واحد تروحين افضل ممن كوالا حرام تضيعين الايام فيها حتى فنادقها موشي دايم زحمه ومونظيفه

بس خلي كوالمبور اخر شي

يعني افا موسى يوم
ولنكاوي 2
وبينق 3
كوالمبور 4

 

[برنس زماني]

أختي,,من خلال تجربتي في ماليزيا ,, شوفي ايش اكثر شي تحبينه انتي ولا تعتمدي على خبرااات او تجارب الغير ولكن الاستفاده منها كبيره ولا انكر ذلك,, مثلا قضيت انا وعائلتي ليلتين وثلاثه ايام في لنكاوي وكانت بالنسبه لنا طويله وممله جداا, لاننا من محبي المولات الكبيره والشوبينق,,
ولا تنسي الذهاب الى الجسر المعلق والتيل فريك في لنكاوي,,

المهم راح اعطيكي رقم تلفون مكتب في ماليزا انا كنت أتعامل معاه وهو بصراحه أسعره وخدماته مميزه جدا أنشاء الله راح يعجبكم ,, ولا تنسونا من دعائكم :yaaaaaarb:

ع فكره يمكنك التواصل معهم والاخذ والرد والتعديل الى ان تتوصل الى البرنامج الى يريحك,

Ahlan Travel & Tours Sdn Bhd
No 87 3rd Floor,Wisma Phoenix,
Jalan bukit bintang
Office No: 006 032 142 4999
Mobile : 006 012 685 2471
Tel Fax : 006 032 142 4999
E-Mail: [email protected]
هلا ماليزيا - أهلا وسهلا بكم في ماليزيا Welcom to HalaMalaysia

تحياتي لكم
​