ياليت تدخلون ... نبي نتناقش شويه ... ممكن ؟؟؟

[مُناي]

بنات أدري إن إحنا مو دكاتره ...

بس حبيت أفتح موضوع وياكم ... نفيد ونستفيد ...

ومابيكم تجيبون ردود من النت ... من صفحات طبيه لااااااااا

أبي كل وحده ترد من اللي تعرفه .... سواء عن تجربة قريب لها

أو تكون سامعه ... أو قاريه ...




المهم مابي أطول عليكم ....


الموضوع عن الفشل الكلوي <<<الله يكافيكم شره


أنا سمعت ... أن إذا تبرع شخص بكليه

لشخص أخر ...

فإن الشخص اللي تنزرع له الكليه ... إذا قبلها جسمه

تكون حياته طبيعيه ... بعكس المتبرع نفسه

حيث انه خلال سنوات ... ستتضخم كليته نظرا للضغط عليها

مما يسبب خطر على حياته ...

طبعا غالبية الاطباء يؤكدون امكانية عيش الانسان بكليه واحده

ويكون بصحه جيده ...



ياليت تشاركونا برأيكم


وإللي تعرف ناس سووا هالعمليه ... تقول لنا عن نتيجتها


تدرون هالمرض انتشر بالفتره الاخيره ولازم نعرف ولوشي بسيط عنه



ياليت ماتهملون موضوعي


خلونا نحس ولو بالجذب إننا دكاتره




تحياتي لكم جميعااااااااااااا

 

[مُناي]

رد : ياليت تدخلون ... نبي نتناقش شويه ... ممكن ؟؟؟

وين الدكاتره


شدعوه


معقوله ماعندكم فكره عن الموضوووووووووع

 

[بـزه]

رد : ياليت تدخلون ... نبي نتناقش شويه ... ممكن ؟؟؟

ما عندي فكره

 

[الغلاااااااكله]

رد : ياليت تدخلون ... نبي نتناقش شويه ... ممكن ؟؟؟



stoooooooop

اول دكتوره توصل


احم احم


اولا اشكرج حبيبتي مناي عالموضوع

ثانيا
عندي فيه وجهة نظر
ألا وهي
ان الاطباء لو يعرفون ان في عمل نقل الكلى من شخص لآخر
فيها ضرر
جان من البدايه ما اقدمو على فعل هالعمليات اللي صارلها فتره طوييييييييييييييييييله
يسوونها
لكن اللي سمعته
والله اعلم
ان اللي تبرع في كليته هو ان شاء الله راح يشفى ويكون انسان طبيعي
لكن>>>>>>> لازم ياكل حبوب مدى الحياه
هذا اللي اعرفه
وان شاء الله
صرت خووش دكتوره
وانفع ولو في الشي القليل

 

[مُناي]

رد : ياليت تدخلون ... نبي نتناقش شويه ... ممكن ؟؟؟

بزه حبيبتي يكفيني اهتمامج بالرد

دك بش بش

منووووووووووووووووووره


أنا فيه لي أقرباء عملوها

أخ تبرع لأخوه

اللي استقبل الكليه يمشي على حبوب مدى الحياة

بس اللي تبرع ماعطوه حبوب

بس اهو دائما يحس بآلام


وفي مسلسل مثله عبدالمحسن النمر مادري شسمه

تبرع لأخوه بكليه وبعدين اهو تعب


عالعموم انا سعيده باهتمامج بالموضوع

وأتمنى من كل العضوات الرد

لأن بصراحه موضوع جد ويفيدنا


وأنا شخصيا مهتمه فيه ... وساعات الأطباء يخطئون

مو يقول لج المثل

إسأل خبير ولاتسأل طبيب





ثانكيووووووووووووووووووووووو بش بش

 

[الغلاااااااكله]

رد : ياليت تدخلون ... نبي نتناقش شويه ... ممكن ؟؟؟





ولكــــــــــــــــــــــــــمووووو
مناي
وان شاء الله البنات يفيدونج اكثر

 

[Dancing^Queen]

رد : ياليت تدخلون ... نبي نتناقش شويه ... ممكن ؟؟؟

قوه مناي

ان اختي زارعه وامي متبرعه

والكلام من قبل الغزو

ص اختي اللي زرعت متاذيه ان ادويه طول عمرها
بس احسن من الفشل
وواكثر شي اذاها الطول
لان زرعت واهي ياهل واهم يوقفون مناعه الجسم وكل شي
يعني ماسمحو لجسمها يكبر ولاعظامها تطول
ووقف طولها
وبعدين عالجناها علشان تطول شوي وصارت مقبوله بس لازالت قصيره حيل حيل

وتغير شكل ويها بسبه احد الادويه يصير ويها المون فيس يعني قمري بالضبط دائره واهي ماعندها رقبه وفقيره ماتقدر تاكل كل شي
ولاتقدر حتا تصبغ شعرها لان الصبغات تاثر علي جسمها يخافون من اي شي
وطبعا كثره الشعر بجسمها وييها
وماتقدر حتا تسوي ليزر دكتورها متشدد
هذول الاثار الجانبيه لها





بالنسبه للمتربع اللي اهي امي
الحمدالله
مافيها ولاشي
ولاكليه متضخمه ولاعود
ولاشي بس فيها سكر وهذا من الوراثه

 

[مُناي]

رد : ياليت تدخلون ... نبي نتناقش شويه ... ممكن ؟؟؟

دانسنج كوين


أولا احب اقول لج اني افرح لما اشوف نكج

يذكرني بأحلى أيام


على فكره نكج هو اسم لأغنيه لفرقتي المحبوبه زمان (( آبـــا ))


سعيده بمرورج الكريم ...


والله يعين أختج ويشقيها يارب

ويطول بعمر الوالده ... (( جزا والدينا الجنه ))


بس مثل ماتعرفين هي حالات ... وحسب العمر

وقدرة الله فوق كل شي ....


ومافي شي عام .... ولكل قاعده شواذ ....




واحنا حاطين هالموضوع لجمع أكبر قدر من الآراء والتجارب



وربج كريم ....


وماعلى الله قوي ....


وياما ناس توفوا وهم بصحه ممتازه ... وياما ناس قال الطب انهم ميتين

بس عاشوا اعمار مديده ...


اهي مجرد نقاشات



عل وعسى تفيدنا





سعيده جدا جدا بمرورج حبيبتي