ياليت أمهات اليوم يفيدون البجريات (( أمهات المستقبل )) ..

[orchidia]

قووة أحلى عضوات :eh_s(7):

تعرفون مابقى على الولادة شي يالله سترك

وودي أعرف شنو أفضل شغلات للبيبي

يعني مثلاً أفضل مميات .. شفاطات حليب .. عربات أطفال .. مقاعد السيارة

أي شي شريتيه وماندمتي انج شريتيه قولي لنا عنه وعن ماركته

لآني ودي أشتري بس مالي خبرة بالجودة

أبي شي يصبر لي سابع يآهل

يالله حبيباتي الله يقويكم صج صج محتاجين نصايح :eh_s(2):

واللي ماتعرف ياليت ترفع الموضوع :eh_s(15):



لكم المايك :eh_s(7):

 

[orchidia]

up

يلا بنات نبي تفآعل

 

[M6eria]

اب

اب

اب

 

[orchidia]

الله يرفع قدرج

وي مو من صجكم يعني كل الي شريتوه مهبب

 

[أمي كويتية وكيفي]

ههههههههه

مرحبا orchidia
انا بعد نفسج توني اللحين أجهز للبيبي طبعا قريت في المنتدى عن التجهيز وبالصور بعد حلوة خبراتهم ونفعتني حيل واكتبوا حق تجهيز الام بالنفاس وكاتبين لج الامكان راح تلقينه اهنيه بالمنتدى

وعلى فكرة أشياء غالية حيل لا تشترين لان اغلبية اللي سالتهم واستفسرة منهم يقولون حرام راح يكبر الجاهل عليه فخليج وسطية لا تشترين اشياء واجد يمكن ماراح تلبسينه البيبي

الله يوفقج ويسهل امورج .........

 

[نور دنياه]

اااااااااااب

 

[Perfume]

هلا حبيبتي الله يسهل عليج ويقومج بالسلامة
المميات ومقعد السيارة حق الشهور الاولى شريتهم من chicco
وللحين اشتري المميات من chicco لانه ولدي تعود عليهم خفت اجرب نوع ثاني وما يعجبه
الشفاطة اخذتها من الصيدلية ضروري تشترينها حبيبتي عشان مايجف حليبج وترضعين طبيعي
العربة رفيجتي يابتها لي هدية من mothercare ومقعد السيارة حق البيبي اللي اكبر من ٤ شهور رفيج زوجي يابه لنا هدية

 

[زين ودلال]

احسن مميات ايفينت او دكتور براون

اممم واذا على الاشياء اللي تكد انا ما اشتري اشياء غاليه واايد حق البيبي

لان من يكبر عليهم خلاص اقطهم اذا انتلفوا او اعطيهم احد محتاج ماحب اكووود يصير ضيج ولويه

اللهم العربانه اللي مخليتها من بنتي صارلها سنتين خذيتها من سنتربوينت محطوطه بدبت السياره

اما الدراجه العاب البيبي الكرسي والملابس اقطهم او اعطيهم احد

كرسي الاكل مال ولدي خاشته لانه كد خذيته من مذركير جنه

وبسسسس اذا تذكرت اقولج ��

 

[زين ودلال]

اي وكرسي السياره عجييييب يريح خذيته من سنتربوينت

شفاطه ماشريت ولا مره

اييييييي ومعقم المميات هم ممتاز ضروري اللي عندي ماركة بيجون

 

[ريتال2010]

اهلين بالحوامل
بصراحه عندي شغلات وايد شريتها بحملتي الاولي ببنتي
وطبعا كانت عقب سنين الحمله هذي
وشريت كل شي غالي من محلات معروفه ومن تاجرات
وحرااام كبرت بنتي بسرعه اخرتها وزعتهم علي بنات خواتي

والحين الحمدلله الله تمم علي همن وحملت
بصراحه طلبت الحين من مواقع برا الكويت ارخص من التاجرات
كل شغل البيبي
ورحت لعيد النصار بالمباركيه وهمن شريت
شغلات شتويه لان راح اولد شهر12
مافيني حيل افرفر بالسوووق
والعربه عندي وكرسي السيارة ماله داعي بالنسبه لي لاني ما اسوووق

وسوري اني طولت عليكم​

 

[om attami]

​

هلا حبيبتي ،،،
الصراحه انا شغل سنتر بوينت كلش ما حبيته ،، هدومهم مو شي ،، صوب الريل ايي صغير ،، اخذ حق بنتي من مذركير بس من اللي امعلقين اللي على ايمو وبارني وميني ،، اما المچيسين اللي ثلاثه مع بعض من اول غسله بتقطينهم ،، لان يتوسعون وايد ،، احسن شي كد ومد ملوت نكست عجيييييبين ،، ثلاثه بـ
12 ،، السرير والكاراكوت من مذركير ،، الغلايه المعقمه مالت المميات من توينز اند سيبلينغ اللي بليلى جاليري بالسرداب ،، كراسي وهالسوالف لا تاخذين راح ايونچ هدايا وبتوزعينهم بعد ،، احسن مطاره حق الماي الحار ((حق البيت)) ماركة الفيل مادري شسمها من الغانم ،، هذا كل اللي يه على بالي الحين .......*

 

[orchidia]

مشكوووووووووورين حبيباتي وحدة وحدة

يعني بأخلي الأشياء مالت مابعد الولادة لين أخلص أربعيني

لأني لو طلعت بالأربعين ماراح آخذهم ويآي بأنطر يمكن تجيني هدايا

يلا أمهات ساعدونا شووي

 

[أحبج يمه]

أنا بعد بجرية وحايسة حوسة هههه

 

[مشتطـه]

بصراحه انا ما افكر اخش شي كلششششش


لا تشتطين ترى عادي كل شي

لاتشترين شغلات غاليه علبونه بتخشينهم
اصلا انا ما احب الضيج واحب اقط الشغلات اللي استخدمها ولدي وايد

ما احب اخش

الشي الوحيد الي بخشه عربانته

 

[امـ خــزامـى]

شوفي كرسي السياره والعربيات والمشايات
والقعادات وطقتهم لاتشترينها بتجيك هدايا

اشتري ملابس الاربعين
والرضاعات ووالمهاد واشياء بسيطه
وبعدين اشتري من نكست ومذركير وسنتر بوينت

اغلى من كذا لاتشترين حسافه

 

[أم ريم]

حبيبتي الشي اللي صج فادني الطاولة مالت تبديل ملابس الياهل ظليت استخدمها لين قطعت الحفاظة عن بنتي