ياليتني بقيت بضيق ‘‘بطنگ يايمه ’ولاطلعت و ضاق بي وسعـه ~

[صديقتك ياليل]

مرحبا ياخواتي اخبار من يومين خالي توفى الله يرحمه وانا وافقه اقوم بالعزا مع بنات خالي واهون عليهم بعدها بشوي وتجيني مره بالعزا وقامت اتسولف معاي تخيلو شنو تسألني ؟


ماجاج معرس انا انصدمت مو وقته حده المهم قالت لان انتي فرصتج قليله بالزواج عشاني مطلقه وانا قلت لها كل شي نصيب وانا مو فاضيه خالي توة متوفي وحنا بالعزا مو وقت هالسوالف



ما توقعت فيه ناس ماعندها ذوق:nocommint::nocommint:

 

[سارووونه22]

ترى فيه وايد ناس جذي الله يرحم خالج ويرزقج ولد الحلال

 

["خيوط ملونه"]

رد : ياليتني بقيت بضيق ‘‘بطنگ يايمه ’ولاطلعت و ضاق بي وسعـه ~

انا لله وان اليه راجعون
احسن الله عزاكم
صج ناس ما عندها احترام للميت استغفر الله

 

[♥ąϻᴑŁ♥]

نــآآس فاضيـة صرآآاحه ماتستحي ,~

يعني موو وقته كلش .~

ربي يرزقج الزوج الصــآآلح اللي يعرف قيمتج ويقدرج قولي اميـــن .~ْ

 

[لمسه حزن]

رد : ياليتني بقيت بضيق ‘‘بطنگ يايمه ’ولاطلعت و ضاق بي وسعـه ~

عظم الله اجرج

واحسن الله عزاكم

عادي حبيبتي هذي وحده ماتستحي

لا تشييل في بالج

 

[بسكاتي اذلهم]

رد : ياليتني بقيت بضيق ‘‘بطنگ يايمه ’ولاطلعت و ضاق بي وسعـه ~

لقافه حريم حبهم للحكي

 

[katkoota90]

حبيبتي يمكن مو قصدها اللي فبالج

يمكن عجبتج وتبيج حق ولدها !! او احد يصيرها لان شافتج بدون مكياج

والعزا مو كله صياح ونواح

في سوالف بس بحدود

والله يرحم خالج حبيبتي واخر احزانكم

بس يمكن انا فاهمه غلط

اهيه لما يت وقعدت يمج وسألتج

حسيتي من كلامها انها بتقهرج ؟ وللا بتحرج

او بتسأل على نياتها ؟؟

 

[غمزة خجل]

رد : ياليتني بقيت بضيق ‘‘بطنگ يايمه ’ولاطلعت و ضاق بي وسعـه ~

الله يرحم خالج

احسن الله عزاكم وغفرالله لميتكم

صج في ناس ماعندهم ذوق ولااحترام حتى لوكنتي عاجبتها ماعندها صبر ليخلص العزا

على الاقل اعرفت اسمج وعايلتج وسكتت لبعدين

الله يوفقج ويرزقج بالزوج الصالح الي يحافظ عليج ويسعدج لاتكدرين خاطرج

 

[صديقتك ياليل]

رد : ياليتني بقيت بضيق ‘‘بطنگ يايمه ’ولاطلعت و ضاق بي وسعـه ~

جزاكم الله خير هي اصلا مرت خالي الثاني والله يا خواتي وربي انها جايه العزا وحاطه مكياج خفيف والعبايه كلها شغل يعني مو مناسبه حق عزا حماها الله يهداها بس والله رحم خالي وموتى المسلمين يارب

 

[DooLy88]

الله يرحم خالج
ان لله وانا اليه راجعون


اي احد يقول لج جذي
قولي وانا موميتة عالزواج
وكل شي نصيب
اللي يبيني حياه الله وانا مابموت لو ماتزوجت

 

[قلبين وسهم]

لا حول ولا قوه الا بالله

عظم الله اجركم والله يرحم خالج
آمــــــــــــين

 

[صديقتك ياليل]

رد : ياليتني بقيت بضيق ‘‘بطنگ يايمه ’ولاطلعت و ضاق بي وسعـه ~

جزاكم الله خير والله يرحمه ويحسن مدخله والله يخليكم يالغاليات

 

[أم فتوته]

رد : ياليتني بقيت بضيق ‘‘بطنگ يايمه ’ولاطلعت و ضاق بي وسعـه ~

الله يرحمه انشالله ويغمد روحه الجنه
وفي نآس مآكو ذوق مآيستحون

..~

أم فتوته

 

[امواج الكويت]

عظم الله اجرج حياتي
ناس راح منها الحيا

 

[غمزه وإبتسامه]

يمكن عجوز حراام

 

[ابتسامة ساخره]

رد : ياليتني بقيت بضيق ‘‘بطنگ يايمه ’ولاطلعت و ضاق بي وسعـه ~

عظم الله اجرج حبيبتي والله يغمد روحه الجنه

هذي الدنيا حبي فيه ناس ماتراعي مشاعر الناس ولا تحترم الوقت المناسب وبعدين اهي شكو تزوجتي ولالا <<الله يعين

 

[صديقتك ياليل]

مششكورره اختي عالرد

 

[ام شووووق]

لاحول ولا قوة لا بالله

 

[LADY~O$CAR]

ان لله وان اليه راجعون

حدها فاضيه