يالله كل وحده تبا تتعلم الطبخ ( الدرس الأول بالصور )

[عجيد الريم]

السلام عليكم ورحمة الله وبركاته ...



يالله كل وحده تشل لابتوبها وتسير المطبخ وجدااااااااااااااااااااااااامي



كل وحده عينها في صحنها لاتغشون من بعض ولا بحطلكم 0




اكلتنا اليوم ياحلويييييين وياحلواااااااااات



ربيان بالهمبا الأخضر ...



عن تلوع جبودكم ادري كل وحده طلعت لسانها وقالت شو هالأكله ...



عن الرمسه الزايده صدقووني لو تضبطوونها بتطلع رووووووووعه وقولوا عجود قالت :eh_s(22):...



طبعاً الصور كلها من مطبخي العزيز



نبدأ بسم الله بالمقادير ...



1) ملعقتين زيت زيتون...



2) 10 ورقات كاري ...



3) 3 فلفل اخضر



4) نص ملعقة زنجبيل (اختياري ) انا مااحب الزنجبيل مووووووول ولا طعمه عسب جذه حذفته من مطبخي العزيز



5) بصلتين كبار شرائح ...



6) من 4 الى 5 همبا اخضر ..
وهذي صورة الهمبا

ملاحظه للي ماتعرف الهمبا يعني ( المانجا )

7) نص ملعقه صغيره كركم ..وشوية ملح ..




8) كوب كريمه مع نص كوب ماء .. ( في حالة عدم توافر الكريمه ممكن تبديله بالقشطه )

9) ملعقه صغيره حبوب الخردل



10) ربيان طازج



وهذي صوره شامله لكل المقادير ...

الحينه نوصل للطريقه ( يالله بالستر ) :eh_s(1):


اول شي قطعي الهمبا شرايح ...



مثل هالصوره

بنت الكويت حاسبي على ايدج قلنا قصصي بسجينه عاديه مب بشاطور



الموهم


عقب ماقصصتن الهمبا ..


هاتوا جدر نظييييييف واغسلوه عدل الين مايقول بس ...




حطوه على النار على درجة حراره معتدله


وحطوا الزيت زيتون + الفلفل الأخضر ...

بنات انا ارتكبت غلطه هنه ولاتسوون مثلي ...


الفلفل الأخضر انا قصيت راسه لاتقصون الراس حلاته جذه ...



انا كنت سرحانه وقصيته افففففففففف اسميني انقهرت...


والحينه نحط فوقهم الخردل والكاري

الرجاء عدم الرد لحين اكمال الموضوع ..​

 

[عجيد الريم]

وعقبها نضيف البصل والهمبا ...

والحينه نحط فوقهم على طول الكريمه او القشطه + الماي

والحينه فوقه على طول نحط عصير ليمونه وحده وشوية كركم واذا حبيتوا ممكن تضيفون بهارات على راحتكم

الحينه يوم بتحسون ان الخلطه كلها انخلطت وبدت تغلي على طول حطوا فوقها الربيان

وكل شوي تأكدوا من ان الربيان استوى ...

ويوم بتتأكدون حطوه في صحن بايركس علشان يحتفظ بحرارته

وقدموه وبالهنا والعافيه

وهذي هي النتيجه النهائيه:eh_s(9):

ملاحظه : السموحه على الصور الرديئه لأنها من موبايلي المفلع خخخخخخخ

واشكر اختي الغاليه ام راشد اللي عطتني هالطريقه الحلوه واتمنى انكم تطبقونها وتجربونها وتغسلون المواعين عقب ماتخلصون وتخبصون

 

[قهوة برية]

الله شو الشغلات الغااااااااااااااااااااااااااااااااويه ،، متأثره من ام سعيد!!! بفريج العيايز

ومشكورة حبيبتي وماقصرت بسويها حق البيت اخيتج شبه نباتية بس والله شكلها يشوق ولزيز ...

يعطيج العافية يمي وتدرين شنهو الذ ررمستج الغاااااااااااااوية ،،،

 

[جارة القمر]

تسلم ايدج


وايد أم راشد


ومشكوووووووووووووووووووووره

 

[& بنت الحووووووت &]

تسلم ايدج

وعساج ع القوة

 

[^^دموع الكويت^^]

مشكوووووووورة

يعطيج العافية

 

[عجيد الريم]

الله شو الشغلات الغااااااااااااااااااااااااااااااااويه ،، متأثره من ام سعيد!!! بفريج العيايز

ومشكورة حبيبتي وماقصرت بسويها حق البيت اخيتج شبه نباتية بس والله شكلها يشوق ولزيز ...

يعطيج العافية يمي وتدرين شنهو الذ ررمستج الغاااااااااااااوية ،،،

مررررررررررحبا ملايييييييييييييييييييييين ولا يسدن وان زادن فلا باس

يامرحبا باام سعيد مرحبا باكبر موسوعه شعريه في البلاد خخخخخخخخخخخخخ

وافديتج جان اخجل :eh_s(22):

يالله جربيها الأكله وخبريني شو رايج

وان ماعيبتج بسويلج الأكله وبطرشها لج عن طريق البريد :eh_s(9):

 

[الغاليه نونو]

هههههههههههههههههههههههههههههههههه ياحلوج وياحلووو سوالفج ترااا انا اندمجت باسلوووبج اكثر من الطبخه


حجيكم يهببببببببببببل يمه بس صج شكلهااا يشوووووووق وبطبقها وبخبرج شوصار وابويه لاه

 

[عجيد الريم]

تسلم ايدج


وايد أم راشد


ومشكوووووووووووووووووووووره

وتسلميلي فديتج على هالمرور الحلو ..

ربي يوفقج وماتقصرين غناتي

والسمووووووووووووووووحه منج

 

[ضحكة الدنيا]

عجيييبه هالاكله
تسلم ايدج حبوبه ويعطيج العافيه

 

[QT]

اللهم بارك

 

[عجيد الريم]

تسلم ايدج

وعساج ع القوة

ربي يسلمج غناتي وتسلميلي على مرورج الحلو

 

[$غــ(ز)ــل$]

شكلهاا يشهييي


تسلمممممممم ايدج

 

[ღ•»الًـجٌـوِرٌيّ«•ღ]

تسلم اييييدج تسلمييييييييييين

 

[بنت السلاطين]

وااااااا فديت أهل الامارات

احب رمستكم ... بسير اطبخه على يوووم .. لما نظهر للأهل <<<<< ههههههه حلوه الجمله راكبه ولا يبلي بعد


يعطيش الف عافيه على الطبخه اللذيذه .... والصوور تمام وواضحه
وتسلم ايدينش
:

وانا احبكم يا أهل الامارات



يالله بسير اظهر لووووووووووول

 

[شندوخه]

يااسلالام شهالطبخه سكلها رووعه
بجربها ان شااء الله بس مع ديااي لان ماكل ربيان

 

[جورية كويتية]

تسلـــم ايـــدج حبيبتـــي
ويعطيج العافيه
مشكووووره

:eh_s(18): :eh_s(7): :eh_s(18):
​

 

[عجيد الريم]

مشكوووووووورة

يعطيج العافية

العفو فديتج وربي يعافيج غناتي على هالمرور الحلو

بالتوفيق

اختج::عجيد الريم ..

 

[فجوره الحلوه]

مشكوره ويعطيج العافيه

 

[الفنانه79]

مشكوووووووورة