ياقيصرياااات الخبره أبيكم شووووووي ولي عاافيكم وعساكم للجنه

["*آآآنؤؤؤقهـ*"]

اشلوونكم بنااات

ان شاء الله تماام

وعسى الله يهون على كل حامل يارب

ويرزق كل محرومه بالضنى الصالح يارب




عندي كم سؤال لذوات الخبره اللي والدات قيصررري


بنات الصرااحه انا ماحب اقعد لااااااااازم اتحرك

وحتى لو تخلص خذامتي شغل اروح ارتب وراهاا ماارتااح

ولا فوق هذا انا اللي اجابل بنتي بالشيله والحطه والهز والوقفه واللعب بنتي ماتنام بس تحب تقعد

وفوق هذا انا ابدلهاا يعني ماسلمتهاا للخدااامه

وتراني بجريه وخدامتي يعني جديده ماعلمتيهاا عليها ومابي بالاسااس


المهم لدرجه اشيل جيس الزباله الكبير وانتم بكراامه قبل لاتجي خداامتي لانهاا توه جاايه ماصارلهاا شهر


ولي لي 4 اشهوور والده

وفوق هذا اصعد درج وامشي كثير واشيل الزوليه وازحه كل ماتحرك من على الرخاااااااام


يعني بفهم لكم اني من سويت عمليتي وانا مالتزمت الرااحه

يعني هل فييه اثر ولا ياثر بعديين

علي لو احمل وجذي ؟؟ وياثر على ارحامي


لان سمعت ان ممكن رحمي ينزل وياثر عليييييييه ؟؟؟

يعني عمليتي اشوفه من برا زينه وماينزل علي دم ولا شئ

ودورتي زينه الحمدلله

يعني اموري طبيعيه

بس مراااااااااات يجيني عواار منهااا ماتحمله ومرااااات تقولين مافيها الا العاافيه

هل شئ طبيعييييييييييييييييييي ؟؟؟

 

[كويتيه وافتخر]

رد : ياقيصرياااات الخبره أبيكم شووووووي ولي عاافيكم وعساكم للجنه

الله يكتب لج الصحه والعافيه
بس شوي شوي على عمرج
اي شيء ثقيل لاتشيلين حبوبه توه رحمج رطب

 

[sweet fashion]

حبيبتي ديرررررري بالج من هالشي
اول 6 شهور ممنوع تشيلين شي ثقيل لان يأثر على الرحم وراح تتعبين بالمستقبل وخصوصا ان فكرتي بالحمل
هذا رحم مو لعبه اهتمي بنفسج اكثر دام عندج خدامه خليها اهيا تشيل وتحط وانتي اشرفى عليها مالاداعي تعبين نفسج هذي صحتج حرررام

 

[Om Ali 86]

عادي الشغل اللي تسوينه عادي
بس الزولية لا تشيلينها
و عموما لا تشيلين شي ثقيل .. حتى لو الجرح من برا زين اهوا هم من داخل تلقينه مو ملتئم عدل
عشان جذي لما تشيلين شي ثقيل تحسين بحرقه و عوار صوب الجرح

 

[غالية زمانها]

ياقلبي الحمدلله على السلامه ومبروك ماجبتي ..
انا والده مرتين قيصريه .. وكل مرة ينصحني الدكتور قبل لااطلع من المستشفى
اني حتى ماحرك الكرسي لان الرحم للحين رطب .. والجرح ماطاب ..
حتى لو اتشوفين ان جرحج من برى زين بس من داخل ماتدرين عنه !!!

 

[الكويت حياتي]

الله يرحم حالي ولدت وعندي اثنين ورا بعض مارحت لامي بالشقه بروحي احط غساله ونشافه واكوي واجابل اليهال من ثاني اسبوع مافيني الا العافيه الحاجه ام ااختراع

 

[ام اميره]

لا غللط اللي قاعده اتسوووووينه موزين الرحم من داخل الجرح بعده مابرى يطوووول مو على بونه من بره زين خلاص لا ديري بالج دكتور يقولي على الاقل 6 اشهر ماتشيلين اي شي حتى اذكر كنت اقووله عندي بنتي عمرها سنه وشي كله تبيني اشيلها اشلوون شسووي يقولي لاتشيلينها موزين اي شي ثقيل فيه خطووره مومعنااته انه عاادي شلتي ماصار شي ترى ديري بالج ترى الرحم توه بعده وترى ينزل الرحم وياثر على الحمل بعدين الله لايقووله
مداام عندج خداامه خليها اتعلم من الحيين بالعكس انتي جذي مريحتها حيل خو اهيا مو ابلاش تشتغل عندج صح ولا غللط كلامي
انا نصحتج ديري بالج على نفسج والله الحاااافظ انشاءالله

 

[فوفه 82]

رد : ياقيصرياااات الخبره أبيكم شووووووي ولي عاافيكم وعساكم للجنه

عليكم بالكركم يخيط العمليه من داخل

 

["*آآآنؤؤؤقهـ*"]

جزااكم الله خير

وربي خرعتوني


اي هو الموت بالمستقبل ماتدرين شنو يصيرلج



الله يحفظني برحمته يارحمن

 

[ناتشوو]

الله يحفظج
بس شيلة الاشياء الثقيلة مو زينة لأي وحدة خاصة فترة الدورة
اشلون عاد توج والدة قيصري؟
اوكي اشتغلي فالبيت واشرفي عالخدامة بس الاشياء الثقيلة خليها تشيلها تحت اشرافج

 

[روعة خيال]

ديري بالج على عمرج حبيبتي و الله الحافظ

 

[جمالي ايطالي]

نفس حالتج اشيل واحط مع ان الكل منبهني مااشيل شي ثقيل


حتى ولدي قالولي من يكبر شوي ديري بالج تشيلينه


والله كـــــريــــــــــم

 

["*آآآنؤؤؤقهـ*"]

صاجه جمالي الله يستر

والله يحفظناااا وياجرنا ان شاء الله

 

[om yousefany]

لاتشيلين اي شي انتي نف حالتي بس بالثاني تعبت لان بالاول شلت اشياء الله العالم اشثقلها بس تبين نصيحتي لاتعبين نفسج بعدين الخدامة اشمالة تاخد معاش خليها تمسك الياهل ختولي بعدين والله بتتعبين ومحد بشيلج

 

[مروووم]

حبيبتي ديري بالج على نفسج انا مرتين قيصرية
لمن ولدت اول بيبي حملت بعده بسنة و9 شهور وتخيلي كنت انا اشيله واشتغل وما كان عندي خدامة
بعدها لمن كنت بولد كان ييلي طلق3 ايام عوار وبس واحد سانتي مفتوحة بسبب ان رحمي ضيج والحوض صغير ولمن ولدوني قيصيرية تخيلي اسم الله عليج العملية الاوية كانت مفتوقة ويقول الدكتور لو ناطرة شوي جان الحين انفجر رحمي لان اول عملية تبطلت
والحمدالله الله حفظني من الموت وتدرين الحين الدكتور يقول اذا حملت المرة الثالثة ممنوع علي الطلق يعني لازم على طول قيصيرة

الله يحفظج من كل شر وديري بالج على نفسج

 

[ام نوونه]

امبي جنج انا صارلي شهرين والده وماعرف اقعد كلللش

بس احوس الله يستر

 

["*آآآنؤؤؤقهـ*"]

الله يستر

يعني مو بس اناااا

الله يعين



ام نونه ماتوب ماقعد يارب العافيه وبس

 

[أوكسجين]

ارتاحي وخلي البيبي عليج وباجي الشغل خليه على الخدامه

 

["*آآآنؤؤؤقهـ*"]

جزاكم
الله
خير

 

[ام عفاف الكويت]

انا اقولج مسويه قيصريتين
الشيل والحط يفرق من وزن الى وزن يعني لو عيالج عادي
بس سالفه تدزين كبت او تشيلين سجاده انتبهي
ماراح يبين الحين الا بعد فتره العوار
الحين البطن قاصينه 7 طبقات انتي تشوفين اول طبقه الخارجيه صكت
بس الداخليه يبي لهم 6 اشهر حد اقصى ترى
الخدامه خليها واقفه صوبج واشري وخليها تشيل وتسوي
يعني على شوفته عينج
بس نصيحه لاتضرين رحمج او نفسج عشان شغل بيت
الله يحفظج