ياعرايس ويا جميلات اللي استخدمت فير اند وايت تدخل

[Kuwait_790]

السلام عليكم يالجميلات ،،

اليوم رحت بوتس الصيدلية وانا اعاني من مشكله. بس استحي اقولها ماعرفت اتحجى زين و اهيا اثار حبوب بالجسم و لون مو موحد اللي قدرت اقوله ابي تفتيح و توحيد لون فقالتلي الصيدلانية عن فير اند وايت خلطه
وابي رايكم فيها ..

الخلطه اهيا عباره عن :
10 رشات من سيروم التفتيح
و شوي من كريمهم الكبير اللي لونه ابيض و فيه ازرق
وشوي من كريمهم الكبير اللي لونه ابيض و فيه برتقالي

اللي جرب و استفاد لا يبخل علينا انا على نار احاتي عرسي وايد و مابي اتفل جدام ريلي و يشوف جسمي جذيه !
و عسئ الله يزرقكم اللي تتمنونه و اكثر

 

[قاهره عذالي]

عساه يفيدج

انا جربت سائل من فير اند وايت سائل حق سواد الركب ومانفعني

هم عندهم صابونه حلوه للجسم جنه لونها برتقالي

 

[غآب نورك ~]

ليش تلعبين بنفسج روحي لدكتور اهو يعرف لهسوالف

 

[M!SS.LOBY]

ااااااااااااب

 

[@ DLOO3TAH@]

أأب

 

[الغضى]

حبيت هالماركة كل منتجاتها
وعندي هالخلطة بس لليحين ماجربتها خخخخخخخ

 

[Kuwait_790]

شكرا يالجميلات بعد ابي ردووووود

 

[الكلثوم]

من شهر ١٠ لي الحين وانا استخدم الصابونه والسيروم مع اللوشن
فاااااااااشل بالنسبة لسعره
غالي حييييل ومفعوله ابطئ من البطيء
راحت فلوسي ع الفاضي
روحي عيادة جلديه سوي تقشير او اخذي كريمات يوصفهم لج الدكتور اضمن صدقيني

 

[micmac]

أنا حاليا استخدم منتج من فير اند وايت
وظيفة : مرمم للبشرة + يسكر المسام المفتوح + مثبت للمكيااااج

أول وظيفتين ما اهتميت فيهم والثالثة هي اللي خطييييييرة
تخيلي قبل لا أحط مكياج أحط منه وبعدين أحط الكريم .. لا تشوفين وجهي يطلع كريمي يهبل
ولا يخلي المكياج يعزل أو يدهن هذا اللي مريحني وعاااااجبني فيه


وعلى فكرة هو "جل" بس يهبل. انصح فيه بشدة
وشكرا

 

[i afnan]

حبيبتي روحي لطبيبة جلديه ممتازه تعطيك كريمات ثقه وامنه لاتلعبين بنفسك وانتي عروس

 

[برنسيسة2007]

حبيبتي روحي دكتورة جلديه
وفي شغله عن تجربه والله امجربينهم لحبوب الشباب ١٠٠٪ واللي قايلتلي عنها دكتوره بريطانيه
الفوار فايتمين سي
اخذي وحده وحطيها بربع كوب ماي بعدين بقطنه غمسيها ومشيها علحبوب واستمري يومياً وشوفي النتائج وتصلح للوجه والجسم وبعد الحف اذا حبب جسمج جربيها