ياعرايس - عقب العرس منو صعد معاج غرفتج وشلون على السبوح !!

[أم العيش]

مرحبا خواتي - عساكم طيبين

إن شاءالله بعد شهر عرس أخوي - و زوجته بنت عمنا

هاليومين مسوية لنا مناااااااحة تقول - عقب ما أطلع من الصالة و بصعد فوق غرفتي (بالفندق) حاجزين ليلتين

تقول منو يصعد معاي يسبحني !!! :gr4uu:

حاولنا فيها بإنها إهي تسبح نفسها - المخ مقفل :eh_s(4):

تقول ما أعرف أسبح نفسي لأن الجسم بيكون متروس كريم الجسم

لوعت جبدنا بالحنة و البجي - مو راضية تقتنع بإنها تسبح نفسها و إن حلاته محد معاها بالغرفة

اللهم وحدة فينا من خوات المعرس نصعد معاها نساعدها إنها تفصخ بدلتها و نفج تسريحتها و تستعد للسبوح

تقول إن أخوي قايل لها أبيج تغسلين المكياج بسرعة !! :eh_s(4):

عفية بنات - ساعدونا عشان نفتك من بجيها اللي ذابحتنا فيه هاليومين

كل وحدة تقوللي شنو سوت بهالوقت - لما طلعت من الصالة و صعدتي غرفتج شلون تسبحتي !!

و شنو تنصحونها لأنها جد جد جد مو راضية تقتنع :tongue22:

إهي عندها أخت وحدة و أمها موجودة و إحنا خوات المعرس 4 بعين العدو :eh_s(6):

كالعادة آنا تطوعت و قلت لها إني بصعد معاها أسبحها وآنا أسبح وراها !! و تدرون حلات العرس و الرقص و المسخرة عقب مايطلعون المعاريس :ada:

أدري طولتها و إهي قصيرة - بس بليز عطونا الحل عفية :gr4uu:​

 

[**كادي**]

مادري احس حرام الوحده على طول تسبح...خسارة الميك اب والتسريحه..

وبعدين تحط مكياج جديد؟؟!! احس حووسه
.....

واذا على السبوح ههههههههه ضحكتني ليش تبي احد معاها عادي سهالات..خل تزهب جنطة صغيره فيها اغراض اللي تبي تستخدمهم ومع ميك اب

وبس

 

[فلالي]

وين قاعدين
قوليلها عن الدلع وخل تتسبح ابروحها
وبعدين زوجها بكون معاها خليه يشوفها بكشختها اول وبعدين كل شي يصير تدريجيا

 

[تبطي عظم!]

حرام خل يشوف كشختها ليش تسبح بسرعه

وبعدين السبوح امره سهل تمسح المكياج اول شيء بمناديل المزيله للمكياج وتحط بعدين

شور جل وتفرك جسمها بمفراكه الي على شكل دسوس من بودي شوب يروح بسرعه انا اسوي جذي بالعروس

وموفقين ياربـ

 

[عيون ملكيه]

؟؟؟؟


شلون يعني تسبحينها !!!!!


ما فهمت يعني تتفصخ جدامج و تسبحينها

بعدين ليش اصلا تتسبح خل تقعد بتسريحتها و مكياجها عند المعرس

و اذا اهي ما تبي خبة الميك اب القوي و التسريحه المعقده خل تسوي تسريحه حلوه و تحط مكياج حلو و ناعم

ما ادري مو داشه مخي انا قفل مخي ( عروس تبي وحده تسبحها اي ليش؟)

اذا على كريم الجسم عادي !
و اذا ماتبي كريم و جذي تحط شور جل حلو على نفس هالليفه :

و في نفسها بعصايه نفس هالليفه :

تفرك ظهرها بهاليفه و باجي جسمها

و تشور و تعطر و تحط البودي لوشن و خلاص !!!!!

شلون يعني تسبحها ابي افهم !!!!

ترا قمت الدلع هاللي تبيه عروستكم !!! من الحين تبي تسوي نفسها دلوع و تروفه !

 

[واحشنى موت]

اول شي مبــرووك زوااج اخــووج والله يهنيــه مع عروستــه ,, :aha:


ثاني شــي أنــآ من وجهــة نظري إنهــآ تقعــد شوي بكشتختهــآ :gr4uu:

وعقب إذآ راحت إتسبــح


1) تدهن جسمــهآ بـ بيبي أويــل وعقب إتغسله بمــآي رآح تشووف إنه آلكــريم كله نزل من علــى جسمــهآ

2) وعقب تحط أي شور جل

3) تحط كريم سنفره العروسه << نظآفـه وترطيب حتى ريحته حلووه

هذي طريقتـي وإذن الله رآح تفيــدهآ ,, ومآ تلقــى ولآ نقطــه كريــم على جسمــهآ

 

[رتو الكيوت]

اذا بتسوي مكياج بو صواريخ لا خل تغسله لا يخترع الرجال

واخوج قال خل تغسله يعني شااايف وعارف وشبتحط ومو عاجبه !

نصيحتي ياتحط مكياج خفيف من الاساس !

اوو تصعد هيي وتتسبح بورحها ووحده تساعادها باستشوار شعرها والمكياج مسكرا وقلوس خلاص

اخوج يبي النعومه واضح دامه طلب منها جذي ..

والنعومه احلا صراحه الزوج بيشوفها من قريب وشكل مكياج العروس من قريب مقرف وخاصه لاطول الكريم وتقطع يووة بلاوي !

 

[سمسومه الحبوبه]

اولا وينا فيه احد يسبحها
وزي ماقالوا البنات خليها تقعد بمكياجها ولبسها خليه يشوف كشختها
وبالنسبه للشعر خليها تسوي تسريحتها بها الطريقه تستشور شعرها ويحطون لها حشوه وحركه بسيحه من قدام ولا يحطون جل وسبريه
اصلا بيغطي الشعر الطرحه والتاج
عشان اذا راحت الفندق تشيل البنس والحشوه وخلاص
بعدين قوليلها حركه خل احد يسبحني ويساعدني في فصخ الفستان مدري احس ماله داعي تفتح عيون الشياطين خل زينها لرجلها

 

[غنية عن التعريف]

الله يوفقكم
والبنات ماقصرووو....

 

[".. دلـولـه .."]

الله يوفق أخوج ومرته إن شالله ويهنيهم

يمكن بنت عمج صغيره حرام او مو عارفه تتصرف خل تحط مكياج ناعم وتسوي تسريحه ناعمه بعد

لاتحط ثقيل يمكن اخوج طلب منها تغسل المكياج لان متوقع ثقيييل حييل فما ألومه لي قالها تغسله لان مايحبون الثقيل

واذا علىا السبوح بالليفه " الدسوس " و الشور جيل بيروح




​

 

[faroos]

اذا بتسوي مكياج بو صواريخ لا خل تغسله لا يخترع الرجال

واخوج قال خل تغسله يعني شااايف وعارف وشبتحط ومو عاجبه !

نصيحتي ياتحط مكياج خفيف من الاساس !

اوو تصعد هيي وتتسبح بورحها ووحده تساعادها باستشوار شعرها والمكياج مسكرا وقلوس خلاص

اخوج يبي النعومه واضح دامه طلب منها جذي ..

والنعومه احلا صراحه الزوج بيشوفها من قريب وشكل مكياج العروس من قريب مقرف وخاصه لاطول الكريم وتقطع يووة بلاوي !

صاجه صاجه

 

[shayto0oNa]

لا تلومونها ترى انا معقدتي هالسالفه نفس مرت اخوووج


مرات اقول اقعد بكشختي شوي بعدين ادخل اتسبح بس هذي المشكله لا دخلت اتسبح اول شي :

*بقعد عالتسريحه بس افكها ساعه تقريبا وانتو عارفين شنو براس العروس !!
*بعدين ماراح انظف الكريم عدل وي ثقيل وظهري مانظه عدل من الكريم !!
*ولما اخلص انا من النوع اللي ماعر استشور شعري يعني شلون ؟!!!!!
*الميك اب قلت اقزرها قلوس ومسكرا
*واخيييييييييير مشكله كل هذا بياخذ مني ساعتين الى 3 وتعرفين الريل بيبط راسي يلا واففف وللحين ماخلصتي ومادري شنو !!


شالحل !!!!!!!!!!!!!!!!!

بعض المرات اقول يبـــــــــــآ اخلي اختي تسبحني وتستشورلي منها اتنظف عدل ومنها اكشخه كشخه سنعه ومنها اخلص بسرعه ولا عوار الراس ؟


محتــــآره فما الوم مرت اخوووج

 

[#الترف الخجول#]

الله يعييينها احس معاااااااانااااه والله خوفتيني
الله يوفقهم ان شاءالله ويهنيهم

 

[فلافل وبطاط]

ألف مبروك زواجهم

ههههههههههههههههههههههههههههه

ذكرتيني انا حتى امي يوم بلبس نفنوفي وتبي اتعطرني ومادري شنو ما فتحت لها الباب قلت لها انا احط عطوراتي ...

وعقب لما رحت الفندق اصعدت امي وصعدت اغراضي وبس طردناها ...

الغرفه اضاءتها حدها هاديه وتميت على نفس الاضاءه ..

وبدلت لبست قميص نوم اول ليله بروحه كان ناعم بس جنه حفله لوووووووووووول مادري شلون ...

وقعدت انا بروحي فتحت الماشات وطلعت الاكستينشن وهو واقف يطالعني ... جان ايي ويفتح شعري معاي ..

ونزل الشعر عادي لان مستشور ... بس سفيه نفشه بسيطه ..

وجابلت منظرة الغرفه وبالمناديل المزيله للميك اب مسحت ويهي واشوف واحد واقف على اعصابه يهزز ريوله ...

ما مسحت كلش مره وحد لا خليت الكحل بس خففت الكريم والآي شدو .. سويت لكي ناعم ..

لان اساسا ادري ريلي ما يحب كثرة المكياج .. بس لزوم الحفله حطيت شوي ثقيل ...

وبس ..

السبوح خليته تالي .. مره وحده ...

وحطيت الفوطه على راسي وماحسيت الا وانا اشخري لين قعدنا الضحى ...

أمبيه شنو سبحوني ...!! سوري يعني شي مايدش العقل ... انا اختي عمرها ما دشت معاي ...!!!

انا اقول صعدوها وخلوها هي معاه يدبرون روحهم ...

هههههههههههههههههههههه

والله يهنيهم ..

 

[هيـآآطً انثـےَ]

ههههههههههههههههااي حلوه هذي ابي احد يسبحني !!!

 

[غلاوي85]

من صجج ...

حدها راهيه شنو سبحوني بيبي ماتعرف تتسبح والا اول مرة تحط مكياج ...

بس تدرين صج احلى شي بالعرس اخره عشان جذي خليها تصعد هي وعريسها واسحبي عليها وكملي الحفلة هههههههه

بالتوفيق ومبرووك عرس اخوج

 

[قمر2009]

شنو تسبحونها وين قاعدين ماكو شغل فشله حتى قدااام اخوج

 

[blue diamond]

هههههههههههههههههههههههه
خل تحط مكياج خفيف وتفك عمرها من هاللويه كلها

 

[فـديـت ^-^ روحـي]

معاها حق والله من الحين شايله هم هاللحظه بالذات

أنا والله إذا عرس عادي أشيل هم شلون أغسل مكياجي وشلون اشيل ليف المواعين اللي بشعري اوووووووف لوعة جبد شلون عاد عروس

أحس بيخترع من البلاوي اللي بيشوفها اكستنشن حشوات رموش عدسات اظافر تركيب ..........إلخخخخخ

الله يوفقهم

 

[dlo0o3at 7abebe]

سمعي كلام البنات احسن