ياصباح الحزن ياحزن الرياض (لـ نبكي سلطان الخير شعراً )

[sara81]

​

ياصباح الحزن ياحزن الرياض
البقا بك بعد سلطان القلوب

راح منهو كان منبع للـ بياض ..
من بعد سلطان يحفظ هالدروب ؟




لـ نبكي سلطان الخير شعراً ...
​

شاركوني

​

​

 

[sara81]

كل الجمل تنزف من اليأس والضيق
.. والصمت يبكي والالم هز الابدان
لا والله الا مات من عانق طويق
.. يارب صبرناآ على / موت سلطان






























​

 

[ألم صمت]

ان يوم قلبي حزينه مااله من فرح شي فقدت اغلي ناااس واطيب نااس

وقلبي صار كله حزن معاااد له فرح

 

[بروستيجي شموخي]

الله يرحمه ويسكنه فسيح جناته

 

[sara81]

احدٍ بموته ضيق واحدٍ عوافي
الفرق واضح يفهمه اي انسان

البارحه فرحه بموت القذافي
واليوم يا حزني على موت سلطان

 

[sara81]

الصبح صاير ليل من حزن وهموم
من يوم جابوا لي خبر موت سلطان
مرحوم يا سلطان مرحوم مرحوم
والله يصبرنا على وقع الاحزان

 

[mzaj]

الله يرررررررررحمه

يسلموو غلااي..

 

[sara81]

ي صباح ا̄لسبت ي شين ا̄لصباح
والظلام ا̄للي على ا̄لديرھ تعلا
راح ا̄لكرم من يوم سلطان ماراح
والطيب مات ولا بقالھ محلا

 

[خفوقي عاف دقاتة]

:eh_s(2):
الأرواح الجميله حينما تذهب هي فقط من تستحق الذكرى والدعاء ˛ ♥
فلا رحيل يؤلم كرحيل الأموات ˛
ۈ م رحلوا ل نبقى !! .. هم سبقونإا فقط ♡
اللهم أرحم ' سلطان الخير ' واغفر له

* دعوةة في ظهر الغيب لـ ﺂبن عبدالعزيز

​

صورتك بالشاشة وبعيوني دموع
........................ قالو توفى قلت هاذي اشاعة

لين آلخبر أكد وبالشرح متبوع
............ وضاق الفضى من بعد كبر آتساعة

مرحوم ياسلطان والقلب موجوع
.................ولي عهد المملكة ومركز شعاعة

مرحوم ياسلطان والكل مفجوع
...............أرثيك يآبو اليتامى هاذي الأستطاعة​

​

​

​

​

​

​

 

[هذاك أول]

العيد كنا ننتظر شوف وافي
0000

ابو الفقارى واليتامى المساكين
0000

مالومهم يبكون ابو كف دافي
0000

سلطان خير المملكه والبعيديين

 

[هذاك أول]

 

[هذاك أول]

صبــاح يـــوم السبت زلــزل كيــانـي
كـــن الصواعق وقــعت فوق راسـي

أذاعــوا الأخبــار .. والــعلــم جــاني
كـــلُ نعى سلطان مــا فيـــه باسي

قـالوا : ترى سلطـان خلى المكانـي
راح الكريم الــلي له المجد ساسي

ريـــف الضعــوف اللــي بليّا عـاواني
راع الــمكــارم فالشرف كان راسي

وأن كبـــرت القالات حــد السنانــي
وأيقض ضمير اللي للأنسان ناسي

مرحـوم ياسلطان من غير شأنـــي
وعسى المزون الغر لقبرك تماسي

وعساك في الفردوس كل الزماني
وعسى ولي العرش فيكم يواسي

وأعــزي القــادة …. بلــيا تــوانـي
وأنتــم ذراي وعز راسي وناســي

مــن غيركــم للدين والــحق بانــي
والكل منكم دوم فى العلم قاسي

فــي حبكم تبلى الضلــوع الحواني
ودرب الشريعة حق مابه مساسي

وأنتــم حماة البيت قاصــي ودانــي
و يانعم (أبو متعب) شديد المراسي

ونايــف مــع القانــون مافيــه ثانــي
نايـف منيف وسطوتــه ما تقاســي


شعر :::::::::::: مسعد المطيري

 

[sara81]

حزن الصباح اليوم ماهوب عادي
...من يوم بثوا فالاذاعات عنوان

قالوا توفى قلت و الحزن بادي
.... الله يواجرنا على موت سلطان

راح الكريم اللي يمد الأيادي
.... ابو اليتامى و الارامل و الاحسان

فقد السعوديه يشابه بلادي
....... صبح الكويت اليوم عمته الأحزان

 

[sara81]

سلطان بـ دموع اليتامى نلاقيه
......وفـ وجه أراملنا اهو دايم يبان

ياللي بكيتوا ضحكته مدّة ايديه
من يجبر الأحزان في فقد سلطان ؟

 

[هذاك أول]

هذي تعازينا على فقد سلطان

والله يحفظ المملكة ويحماها

مرحوم ياشيخ للامجاد عنوان

عساك بالجنة وتنهل جناها

لكن عوضنا فيك في طيب الاخوان

الدين والاوطان تحفظ حماها

 

[هذاك أول]

عزي لـ أبو متعب عقب موت سلطان

و عزي لـ شعب المملكه في وفاته

مير العوض في اخوه نايف وسلمان

واعياله اللي مأخذين” صفاته

يـ أبو الأرامل و الفقارا و يتمان

و يـ أبو الذي جوعه مجرّح لهاته

تشفع له النخوه مع بر و احسان

وتشفع له أعمال السعد مع صلاته

إنشهد إنّه (كل من فوقها فان)

و لا يبقى إلا وجه ربي و ذاته

يـ الله يا ربي و يا عالي الشأن

أقبل دعاة اللي صدق في دعاته

و أجبر عزانا في نعي طير حوران

الشعب كله محزن” في وفاته

يبكيه شبان” و يبكيه شيبان

و يبكيه صبي” قبل تبكي خواته

لو العمر يشري رخصنا له اثمان

ولو العمر يهدأ فـ الاعمار جاته

يا كبر حزني عقب ما راح سلطان

و يا امحق خبر يوم أعلنوهاإ وفاته

رحمك الله يا أبوخالد
يمال الجنة البارده

 

[ريف الخفوق]

صورتك بالشاشه وبعيوني دموع
قالو توفى قلت هذي اشاعه
لين الخبر اكد وبالشرح متبوع
وضاق الفضاء بعد كبر اتساعه
مرحوم ياسلطان والقلب موجوع
ولي عهد المملكه ومركز شعاعه
مرحوم ياسلطان والكل مفجوع
ارثيك يابو اليتامى هذي الاستطاع
الله يرحم ياسلطان

 

[sara81]

سلطان لو مات يبقى حــي في كل قلبــ
اميــر والابــتســـامه والعـــطــا سيرته

هــذاك ابو خالــد اللي غيثه ابكل درب
قلبه وطــن شعـــب واصبح حبنا ديرته

نجمـه آفــل لا ماآفل متربع ابكل سرب
ابو المكـــارم عســا الجنات هي خيرته

سلطان كل القلوب اللي كسب حب شعب
ابو الـيـتـامــى ضيــــاء الطيب تنـويرته

كم فك قيد وقضا دين وتصــدى لكرب
كم افرح انسان واطلق للسعد حيرته

اتعب وانا اقول كم وكم لو جبت كتب
سيرة بطـــل تكبــر لدينه كذا غيرته

 

[جراح السنين]

اللهم ارحم حبيبنا ووالدنا سلطان
وادحر كيد الاعداء في نحورهم وانصرنا على ايران ومن عاونها
واحفظ جوهرتي الحبيبه مملكة الانسانيه

 

[||سمّـني روحك||]

عند الموادع .. دمـع عينـي غلبنـي
وطاحت بي الدَّمعه على كفِّ سلطان

أحب يمنى عمَّـي الَّلـي حشمنـي
ومن لامني في حب سلطان غلطـان

لــــ / خآلد الفيصل :/

* يعطيك العافيه سارا
الله يرحم ابوخالد ويغفرله​