يازين أمريكا زيناه ياحلاة أمريكا حلواااااه ياحلات جوها ياحلات شعبها كل شي فيها حلو

[PinkY Dreams]

السلام عليكم بنات

بنات ابي افضفض بطلع الي بقلبي كله ممكن ؟



واااااااااااااااااااااااي ياحلو امريكا حلوااااااااااااااااااااااااه
يازييييييييييييييييييييييييين هالدييييييره زينااااااااااااااااه
ياحلاااااااااات شعبهاااااااااااا

شعب مبتسم 24 ساعه
لا لا مابي مابي أرد لكوييييييت ابي اعيش اهنييييي خلااااااص
وناااااااااااااااااااااااااااااسه اهنييييييييي والله وناااااااااسه
ابي اصير امريكيه شلووون ؟

الحمدالله انه ولدي امريكي لوووووووووووول
ابي اعيش اهنيييييي بأمريكاا وأروح لكويت بالعطل نشوف اهلنا ونرد امريكا نعيش اهني
مابي مابي راده لكويت ابي اقعد اهني بأمريكا مع زوجي وولدي وعيالي بالمستقبل
ابي أولد بأمريكا ماني والده بالكويت

بنات في وحده مثل حالتي تولعت بأمريكا مثلي ؟
وبس فضفضت ااااااااااااه على امريكا

 

[PinkY Dreams]

كل اليي يزور أمريكا يتولع فيهاااا

انا زرت كذا دوله حبيتهم بس ماتولعت فيهم مثل باريس وألمانيا و لندن ولبنان ومصر و دبي والسعوديه وتركيا و ايطاليا

بس أمريكا غير غير غي رغير غير غير غير غير غيغريغريغغريغيغغيغيغ غ ي ر غــــــــــيــــــــــــــــــــــــــــر

 

[مجنونة حبه]

لووووووووول بنك
عيل انا ريلي ولدي وبنتي امريكان الا انا عالجرين مهاجره لووووول
بس بقولج
بلادهم حلوه حلوه بس الوطن مالا مثيل

 

[إنسانه وأكثر]

صح اللي يفارقها يوله عليها وخصوصا مثل ماقلتي انه شعبهم بحاله

بس مهما يكون تولهين على ديرتج واهلج

انتي الحين تقولين جذي لانج خفيفه بس باجر اذا كبر ولدج ودج تردين ديرتج علشان يتربى تربيتنا اللي كبرناعليها بعاداتنا وتقاليدنا

وكل ديره فيها الصالح والطالح ترى شعب امريكا فيه اللي يحترمونج وفيه اللي يكيدولج من تحت لي تحت صج انا ماشفت هالنمونه بس كان يوصلي كلام من اللي عايشين هناك يعني هم فيهم نحاسه لايغرج

 

[كويتية بروما]

الله يتمم عليج
والفال لي احب ايطاليا مثل ماحبيتي امريكا والله من كثر ما اكرهه روما مسميتها ديره الفقر

 

[Leann]

رد : يازين أمريكا زيناه ياحلاة أمريكا حلواااااه ياحلات جوها ياحلات شعبها كل شي فيها ح


بعد غربة 12 سنة بامريكا و تنقلي بجميع الولايات

اكتشفت ان الحلم الامريكي هو الوهم الامريكي و كلما احد ياب سيرة الموضوع و نط شلون يحب امريكا اضحك بيني و بين نفسي و اقول


ما شافوا شي ..

 

[MONALIZA Q8]

رد : يازين أمريكا زيناه ياحلاة أمريكا حلواااااه ياحلات جوها ياحلات شعبها كل شي فيها ح

سمعيني حبوبة
أنا زرت دول واااااااااااااااااااااايد ومن ضمنهم أمريكا
واستانست فيهم وااااااااااااااايد وانبهرت فيهم
بس صدقيني مالك غناة عن الوطن
أنا ما حسيت بهالشي إلا بسفرتي هذي
لأني طولت وما رديت الكويت تقريبا سنه
كنت بسفراتي قبل أرجع كل شهرين أو كل 3 شهور
بس الحين لما طالت غيبتي
والله عرفت صج شنو معناة الوطن
ومع حبي واحترامي لأمريكا
بس لا أمريكا ولا العالم كلة
يسوون حبة من تراب الكويت

 

[MONALIZA Q8]

رد : يازين أمريكا زيناه ياحلاة أمريكا حلواااااه ياحلات جوها ياحلات شعبها كل شي فيها ح

وبعد حبيت أضيف شي
ترى إحنا عايشين برة بخير ونعمة بفضل من الله ثم ديرتنا
سواءا كان الكويتي مغترب علشان دراسة أو شغل
أو علاج تلقينه عايش أحسن عيشة
كله من خير وفضل الكويت الحبيبة
والله ترانا حتى لما كنا مغتربين
أيام الغزو
وكنا بعز أزمتنا كنا عايشين عيشة الملوك
بخير ديرتنا عسى الله يحفظها
فلا تغترين وايد يا قلبي
ترى لو ما خير الكويت ما كنتي عشتي بأمريكا
عيشة تكرهك بديرتك

 

[••غـلآًهْـم••]

والله اني مالوووووووومج بأمريكا

مــع اني مارحت لها الا مرهـ وحده

وقعدت فيها بس شهر ورديت لكن والله اني حيييييل حبيتها واشتقت لها

 

[مريانا ام ماريا]

الله لا يغير الحب الي بقلبج بس انا عشت فيها 5 سنوات حبيتها اول سنه لاني ما احتكيت مع الشعب بس بعد ما بلشت دراسه وصار عندي صديقات عرفت الامريكان عدل لا تغرت الابتسامه ترى بس مظهر قلوبهم مليانه غيره وما يفكرون الا بمصلحتهم صح احسن من البريطانين على الاغل في ابتسامه
توج ما عرفتيهم عدل باذن الله بتمر السنين وتقولين ام ماريا ما قالت
ما احب الا الكويت

 

[chanel N22]

هلا حبيبتي الحمدلله انج مستانسه
الغربه لها مميزات ولها عيوب
امريكا حلوه للسياحه اما عيشه لا والله الكويت مامثلهآآآ احد
والابتسامه والله شكل بس
والله يوفقج حبوبه

 

[سيلينا]

رد : يازين أمريكا زيناه ياحلاة أمريكا حلواااااه ياحلات جوها ياحلات شعبها كل شي فيها ح

اعرف احساسج

بصراحه كنت مغتربه بامريكا بالوقت الي كنت فيه بامريكا بس ابي الكويت واهلي
وما عشت حياتي بامريكاا عدل
الحين ندمانه على قد شعر راسي ولو تحصل لي فرصه اكمل بره بأذن الله امريكا
الكويت حلوه واحبها واهي ديرتي
بس اهني السطحيه والشحاطه والتفلسف والله اسوي شغلات عشان الي حوالي اهناك كنت مرتاحه ما احاتي احد عايشه حياتي مع زوجي
وولدي بالطريقه الي نبيها اهني احس لا في ناس مرتبطه فيهم
اخخخخ بس لو الوقت يرجع ورى جااان اعلوم

بس ان شاء الله الله يكتب لنا انا نرد اهناك

 

[black_arno0oBa]

رد: رد : يازين أمريكا زيناه ياحلاة أمريكا حلواااااه ياحلات جوها ياحلات شعبها كل شي في

بعد غربة 12 سنة بامريكا و تنقلي بجميع الولايات

اكتشفت ان الحلم الامريكي هو الوهم الامريكي و كلما احد ياب سيرة الموضوع و نط شلون يحب امريكا اضحك بيني و بين نفسي و اقول


ما شافوا شي ..

:eh_s(15): نفس الراي الحلم الامريكي وامريكا وامريكا صج وهم .....ياديره مابعدج ديره ياكويت

 

[PinkY Dreams]

مشكورين بنات على الردود الطيبه

اكيد مالي غناة عن ديرتي لولا لكويت جان مايينا انا وريلي لأمريكا لأنه يايين بعثه لول

بس أمريكا مادري مادري يابنات كل ماأطلع وأشوف هالناس الطيبه ناس فريندلي وايد وايد وحبوبين معاي ويحترمونه كلهم كلهم
رياييلهم وحريمهم وشيابهم كلهم حتى أطفالهم شعب محترم جدا
حتى الفقير محترم
حتى استغفر الله السكير محترم ههههههه
والله ذيك المره طاح علي واحد سكران وريلي معاي جان ريلي يدزه حيل ولا يقول حق ريلي انا اسف ايم سوري ههههههههههههههههههههه
حتى بعد استغفر الله حتى الي جنهم الايمو الي اشكالهم ايمو والله انهم محترمين لوول والي نايم على الرصيف محترم لول

اول ماييت أمريكا كنت خوافه حييييييل اخاف اطلع جان ريلي يقولي لاتحاتين اهني أمااااااان وتره الامريكان غير غير عن كل الشعوب و صرت كل ماأشوف هالناس الي محد له شغل من الثاني وماعندهم شغل مغازل ولاتحرش بالأوادم أقول بقلبي ياليت كل دول العالم مثل أمريكا انا رحت فرنسا وبصراحه كرهتها لانه أذوني شافوني متحجبه جان يأذوني وايد حتى لما كنت بفرنسا وبأحد المجمعات وحده فرنسيه يت وصرخت بويهي وانا مادري عنها مادري شتقول والي انقذتني وحده مغربيه تشتغل بالمحل جان تقولي الفرنسيه كانت تغلط عليج وعلى حجابج ..
مادري انا وايد معجبه بالشعب الامريكي وايد وانا قعدت فيها فوق السنه وعشقتها حتى ابوي توه ياي امريكا وقعد فيها شهر تولع فيها هههههههه

اي والله صاجين هذا كله وهم وانا ماردتي حق ديرتي وعند اهلي
بس خوش وهم خوش حلم يهبل لووووووول

 

[اختكم بالله]

امريكا حلوه بس الوطن غالي

 

[منورة الكويتية]

رد : يازين أمريكا زيناه ياحلاة أمريكا حلواااااه ياحلات جوها ياحلات شعبها كل شي فيها ح

ماكو ع الكويتتتت
فديتها وفديت ترابها
حلوة امريكا بس مو مثل الكويت

 

[queen2007]

رد : يازين أمريكا زيناه ياحلاة أمريكا حلواااااه ياحلات جوها ياحلات شعبها كل شي فيها ح

لو شنقول ونعلق على الكويت وعلى السلبيات اللي فيها تبقى اهي احلى واامن ديرة والله والله ماكو مثل الكويت

 

[cheese cake 84]

من صججج انا ببريطانيا ونفسيتي تعبااااااانه اني برد عيل انتي شلووون واااي شهالنااااس الذرررررربه واااي تعبت تعبت منهم ماعندهم غير سوري ولو سمحتي وهالضحكه اللي شاااقه الحلج ويوقولن الانجليز ناشفين وجافين بالتعامل اذا جذي جافين عيل الكوييتيين شلووون تخيلي انا امشي بالسوق اشوف كويتيه تخزني من فوق لي تحت وتلف ويهها امبيييي لي هني الخزز@@ لووو شنو تلبسين لو شنو تسوووين محدد له شغل فيييييييج بسسسسيطين بكل شي بحياتهم يسولفون معاج ويتغشمرون جنهم يعرفونج من سنين انا كل ما اركب القطار لازم اللي حوالي يسولفون معاي عن عيالهم ولا عن نفسهم واول ما يوقف القطار يقولوللي باااااااااااااي وينزلووون ياااحلووووووووووووووووووووووووووهم

 

[ام عبدالوهاب555]

بنكية

مواضيعك وايد خبة عن امريكا وعناوينها تجذب

الله يهنيك!!



لين

افيدينا من تجربتك

شلون حسيتي ومتى وكيف واين ولماذا؟؟؟؟

لاني هم حسيت فرق بين الولايات جنه كل ولاية دولة منفصلة!!

 

[Leann]

رد : يازين أمريكا زيناه ياحلاة أمريكا حلواااااه ياحلات جوها ياحلات شعبها كل شي فيها ح


هلا حبيبتي

انا قضيت معظم حياتي بره الديرة بحكم عمل و دراسة الاهل ... فيعني شي طبيعي ما كنت قاعدة معظم الوقت بالاماكن السياحية اللي الناس تزورها بالصيف و تتحطم فيها

بس صحيح اللي قلته كل الناس اللي اعرفها قعدت بامريكا فتره طويله تكتشف انها كانت مخدوعه فيها .. و لو اتكلم عن الشغلات اللي واجهتني ما اخلص .. كنت مغترة فيها بالبدايه بس بعد عيشتي هناك شفت بعيوني الواقع

لمن تدرسين مناك و تحتكين بالناس و تكونين صداقات و تدخلين بيوت الامريكان و تشوفينهم بالصج شلون عايشين راح تعرفين شنو اقصد

لاسف مسلسلاتهم و افلامهم لا تحكي شيء عن الواقع اللي اهمه عايشينه و كل الناس حاكمه على هالديرة من افلامها و اخبارها اللي تسمعها

و يمكن لاني شفت دول ثانية احسن طاحت من عيني امريكا .. و حاليا انا بالكويت و الله لايعة جبدي من كثر ما البنات وياي بالجامع يسالوني عن امريكا و يحنون على روحتهم هناك ..

عمار يا كويت .. عمار