ياريت الكل يدخل

[kuwaitya_zoGaa]

السلام عليكم ورحمه الله وبركاته ​

هالموضوع ادري انه انطرح بس حابه اوضح جمشغله ​

واتمني انه يكون الحوار ودي وراقي ​

​

بالنسبه لموضوع كادر المعلم لاحظت هجوم قويوعنيف لانه طالب بحق من حقوقه ​

والحمدالله الكويت بلد حر وديمقراطي واغلبالمظاهرات اللى صارت كانت سلميه ومن عيال الكويت ​

انا اللى ابي افهمه النفط وباجي القطاعاتاللى طالبت بالكادر واللى رواتبهم لا تقل عن 1500 ليش محد قام عليهم ؟؟؟ ليشم حد قالهمخسرتو الكويت ؟؟ وماحترمتو احد ؟؟​

النفط والجمارك والخطوط الجويه خسروا الكويتملايين !!​

محد تكلم ولا احد قال لهم شى ؟؟​

واحنا لما طالبنا بالكادر لانه احنا معلقين 7شهور ومحد طالب بحقنا !!​

وغيرنا اللى اعتصم واضرب عطوهم ونسونا !!​

وبعض اللى يشتغلون بهالقطاعات وغيرها مخليندواماتهم يبصمون ويمشون محد قالهم ماتداومون والا حللو معاشاتكم ​

بالنسبه للمعلم واداءة بالحصه ​

1. المعلم شرحه ومنهجه كله من الوزارهوياويلنا اذا سوينا شي من خارج المنهج ​

فلاتظلمونه وتقولون ماتعرفون تدرسون ​

2. الملف الانجازي اللى اقرته الوزاره دمارللطالب واهوه سبب تدني وضع الطلبه !!​

3. تدريس بالمدارس وولى الامر مو مجابل ولده!! اكيد مستواه بيتدنا ​

​

والسبب الرئيس لرفض المعلم للبونص لانه مافيعداله بتوزيعه ​

علشان جذيه الكل معارض هالشغله ويكون بعلمكمكل سنه المعلمات والمعلمين قاعدين يحولون الى اداريين والا يطلعون من التربيه منالظيم اللى يشوفه ​

وعلى فكره لو نطلب اجازة بتكون بدون راتبوتنخصم منه خلال الشهر طبعا من حقهم لكنهم يخصمون بعطله ال 3 شهور مره ثانيه !! ​

ماقول الا ​

حسبي الله ونعم الوكيل ​

 

[Misskitty]

صح كيبوردج

تسلمين حبيبتي .. في بعض العضوات الله يهداهم قاعدين يهاوشون بطريقه مادري شقووول بس الله يحفضنا ويزيد اخلاقنا جمالا واحترامنا

 

[Angel_store]

يعطيج العافيه

 

[بنات حواء2]

تسلم ايدج
فعلن مناهجنه بحاجه لتعديل مو بس مناهجنه
حصصنه وقتها الزمني غير كافي
45 دقيقه شتكفي شتسوي
انا مستعده اخلي حصتي دراسه و فهم و حفظ بحيث يطلع الطالب مو محتاج يدرس بالبيت لاكن ب 45 دقيقه صعبه مايمديني اراجع لهم الحصه
لا و يبونج بهل45 دقيقه
تقولين قيمة الاسبوع
و تراجعين الدرس السابق و ترصدين الدرجه و التهيئه و تالي الانشطه و يبونج تبدعين بلانشطه و تالي تراجعين الدرس و الي مو فاهمه تفهمينها و يحلون الواجب و تصلحينه و تحطين درجته
و الله لو اني سوبر وومان ماقدرت ب 45 دقيقه

في جانب ثاني مهم ليش انا كوزاره و كتوجيه احط ماده و اسوي لها كتاب و هلماده مهمه اي ما كانت
بدنيه مهمه لصحة الجسم و الاناقه و احنه مجتمع نعاني من السمنه ياجماعه خلونه نصحا عيالنه مدربحين
فنيه مهمه تنمي الحس الجمالي و المهارات اليدويه و اليوم صارت الخبره اليدويه باب مشاريع و مدخل ثاني
علوم الاسره ماده مهمه تعلمنه اشلون ناكل و اشلون نحمي البيئة من التلوث و اشلون نصمم ازيائنه تقريبن ماده شامله كل المواد من حيث المعلمومات
وبنهاية هلماده مو اساسيه
انزين دام ان هلماده مو اساسيه الطالب يستهين فيها دفتر اكرض وراهم عشان ييبون و عشان يصلحون و مايهمهم و تقولج بعين قويه هلماده مو اساسيه ليش اييب
انزين انا شنو ذنبي هلماده الوزاره حاطتها و يبونج تييبين دفتر و اذا مايبتي انا بتحاسب شنو الحل ؟
و بلاخير يقولولج لاتدزين البنات الاداره
طيب مادز البنات الاداره و ماييبون دفتر بس لاتحاسبوني انتو تبون جذي
علمن بان هذي المواد يحبونها الطلبه لانها عمليه و يفشون خلأهم فيها فتخيلوا لو تصير اساسيه راح تصير هذي الماده لها قيمتها بقدر اهميتها
فياريت ينظرون لهذي القضايا
و يعدلون مناهجهم و يعدلون حصصهم و يعدلون اسلوب التعامل مع هلمواد و غيرها


اما بنسبه لقضية الكادر انا معاها مو ضدها لاكن قبل الكادر كرامة و هيبة المعلم قبل اي شي
ياجماعه المعلم ماله قيمة ماله هيبه لا بعين اولياء الامور و لا الطلبه و شوفوا البرودكاستات هليومين اشولن تحقر في المعلم
و تالي يقولون لي عيالنه مايفهمون و ماينجحون
لمن عيالكم يشوفون المعمل بعين الاحترام و بهيبة المعلم راح يهتمون و ينتبهون و يحبون دراستهم
لاكن طول ما ان المعلم مستحقر من قبل المجتمع لا تطلبون ان عيالكم يهتمون و ينجحون لانه هذا الاستحقار تسرب لهم للاسف
علموا اعيالكم احترام المعلم اول تالي طلبوا اهتمامهم و حب الدراسه
علموا عيالكم احترام المعلم فانما الامم الاخلاق مابقيت
و الله كريم
و يعطيج الف عافيه