يارن يننتني

[7alom]

احلى صباح / مساء لكم :eh_s(7):

ولي يعافيكم بقولوكم شغلة ميننتني
يارن بنوتي كملت هالاسبوع 3 اشهر ،،، المهم مو هذي سالفتي ،،، سالفتي وما فيها ان صايرلها اسبوع تقريبا تقعد وايد بليل جريب الــ 3 الى 4 مرات وكله تنط علي تعضضني بويهي ولا تبوسني ولا اطقني بيدها على الخفيف وتماوي عشان اقعد البداية كنت اقعد اشوفها شتبي تكون يوعانة

احطلها اكل الكمية الي تناسبها وما شا الله تاكلها كلها

عقبها بفترة ترد مرة ثانية تقعدني وعلى هالمنوال

اول جم يوم كنت اسكت بس قبل يومين طنشتها قامت تماوي وتحوس وتنط علي وكل شي سوته
فاضطريت اقعد وبصراحة عورت قلبي قلت حرام احرمها من الاكل باجر الله سبحانه يحاسبني
المهم حطيتلها اكل وكلته كله

مرة حطيتيلها اكثر من الكمية المفروض تاكلها قلت عشان ان قعدت عقب في اكل لان بصراحة وراي دوام وحدي تعبانة وما انام العصاري وان بليل بتم كل يوم جذي ماراح اقدر اسوي شغلي بالدوام عدل

تخيلوا عقب ساعة ونص قعدتي يوعانة

قمت منصدة شفيها في اكل وايد
طليت ولا مخلصته كله

خفت قلت اخاف فيها شي
بس الحمد لله طول النهار طبيعية تلعب وتحوس وتتشيطن

برنامج اكلها قبل كان

الصبح قبل ما اروح الدوام 6:30
اول مارد من الدوام تقريبا 1:35
المغربية 5:30
بليل قبل ما تنام 9:00 او 10:00

الحين
الصبح 6:30
اول مارد من الدوام 1:35
المغربية 5:30
بليل 10:00
تالي الليل 1:00 او 2:00
الفير 4:00
الفير 5:00
احيانا تقعدني 6:00

فمادري هالشي طبيعي ولا لا ؟؟

بالنسبة للحمام ادشه عادي تخرج عزكم الله طبيعي

وانا اوكلها دراي فود

 

[ام رينـاد]

ااااااااااااااب

 

[VET-Nour]

امبيه يمكن دود ؟؟؟!

شوفي اخراجها كرمج الله , اذا فيه دود أو لآ ؟
حييل صغير و لونه ابيض << الدود ؟!
و اذا فيه وديها البيطري

 

[عود ومسك]

فحصيها اخاف بطنها لا سمح الله في دود
عادي اي بيطري روحيله يسوي فحص ماياخذ 5 دقايق..
الشغله الثانيه يمكن القطوه من الملل تاكل
فا انتي وفريلها العاب واشياء تتسلى فيها عشان تلعب تلعب لين تدوخ وتنام
وشنو نوع الدراي فود اللي تعطينهياه؟
3شهور لازم تنوعين بالاكل ما يصير تعتمدين عالدراي فود بس
وكليها من البيت عالاقل دجاج من طباخكم

 

[7alom]

مافيها دود و اخراجها عزكم الله نظيف
تاكل ماركة بلو جربت اعطيها انواع ثانية ماترضى تاكل
بنطر لليوم وبشوف ان نفس الحالة باجر ان شا الله انا ناوية اوديها

 

[7alom]

ردينا لـــ يارن يننتني

يا جماعة الخير صبحكم / مساكم الله بالخير

انا عندي مممم مو مشكلة بس خنقول شغلة متعبتني :eh_s(11):

يارن صايرة تنام النهار وتقعد الليل وتبي تلعب قالبة يومها حشى جنها من الطلبة الي بالعطلة يقلبون نومتهم :dddds:

والمشكلة ماحب السهر انا انام مبجر واقعد مبجر وما انام العصر وطول الليل تقعد فيني تبي تلعب او تاكل :0bee2e8d89:

شلون اعدل نومتها ؟؟

 

[Ańwăr Almlěssờń]

لا تخلينها تنام لعبيها لعبيها لين تتعب و وكليها و مشطيها و استشوريها و لعوزيها مثل ما تلعوزج بليل هههههههه

و اذا يت 12 بليل خليها ترتاح و راح تلاقينها نامت بسابع نومه لوول

 

[7alom]

وي جان زين
اليوم ماخليتها تنام من الصبح وانا احوس معاها بس طلعت على 6:30 ورديت على 9:30 ومادري بين هالفترة نامت ولا لا
بس ودي تنام ابي انام وارتاح

الاستشوار تصروع منه حيل تخاف ماترضى وان بطلته تنحاش

 

[ربي رجوتك]

ياقلبي على هالقمر الله يحفظها لك
على فكره انا اخلى لبوسي الدراي فود متوفر دائما اما الاكل المعلب افتحه له مرتين باليوم الصبح 6 والمغرب 5 واذا جيعان مره افتحه 3الساعه وطول اليوم على الدراي فود خليه على طول بصحنها لانه كله فيتامين والقطط مو مثل الغنم الغنم ياكلون شبعانين ولا جيعانين اما القطط تاكل واذا اشبعت تتمطع دليل الشبع والرضا وتمشي قطوطي لما كان عمره 3 شهور كنت احط له الاكل بمقدار يوم شافه الطبيب قال ضعيف وقلت له ن الجدول الغذائي قال ماينفع هو ذلحين محتاج للاكل علشان ينمو ويكبر مو مهم عطيه اكل وبكميه

حبيتها بوسيها لى بليز

 

[ام علي رفيق]

السلام عليكم عزيزتي حلوم وصلتني رسالتك و المنتدي لا يسمح لي بالرد عليكي فقط ارسلي لي عالخاص كم علبة تبي و ممكن لو باكر اوصلهالك بس اذكري لي المنطقة بالرسالة و عدد العلب اللي تبيها

 

[فلفل اسود]

هههههه والله عبالي تكلمين عن بنتج اقول هاذي شكو داشه قسم الحيوانات ههههه ماتسوى عليج هالقطوه طلعتلج قرون

 

[7alom]

انا بليل اخليلها الدراي فود بس لازم تقعدني واقوم واوصلها للاكل معنه بيني وبينه مترين بس الهانم لازم تدلع لوووووول

انا شوي كبرت مو وايد وجم مرة حطيتلها فيتامينات بس ماحبته فقلت ماكو الا اخذ اجازة ان شا الله وبجابلها بالفيتامينات

ام علي رفيق : ان شا الله

فلفل اسود : اهي بنتي و من ناحية مطلعتلي قرون فمطلعتي مليون قرن بس وناسة واحب سوالفها وافقدها ليمن اروح الدوام

 

[Ańwăr Almlěssờń]

وي جان زين
اليوم ماخليتها تنام من الصبح وانا احوس معاها بس طلعت على 6:30 ورديت على 9:30 ومادري بين هالفترة نامت ولا لا
بس ودي تنام ابي انام وارتاح

الاستشوار تصروع منه حيل تخاف ماترضى وان بطلته تنحاش

لا لازم تعودينها على الاستشوار و تحسسينها بالامان عشان ما تصير خوافه وايد

لان القطاوه الخوافين حيل (مهيبات او مهيوبات) على قولة ابوي
تصير عدائيه

انا اقول لج طريقه خليها تيوع و طبعا بتييج تخزج و تنونو يعني لو سمحتي ماما حلوم وكليني :eh_s(22):

قولي لها تبين دراي فود تعالي استشورج
و حطي الهوا البارد و انتي حطيه على ويهج و شعرج و سوي روحج عادي و ضحكي و ناديها

طبعا اهيا من الخرعه راح تقعد بمكانها تخز :eh_s(1):

شوي شوي مسكيها و مسحي على يبهتها و راسها و رقبتها ولا لميها عشان ما تخاف و حطي الاستشوار على ظهرها خفيف اهيا راح تقعد ماراح تخاف

لانه مثل التسبح هم القطاوه تتصروع من الماي @@

انا لما ادخل قطوتي للباث روم عزج الله اول ما ادخلها على طول تقول مياااااااااااااااااااااااااااااو :eh_s(16)::eh_s(16):

يعني ما تبي كااااك بس هم ما اخليها لازم تعودينها

و وايد وااايد الاستشوار مهم من حيث قتل الجراثيم و حتى القطوه لما تلحس شعرها تطلع ريحه مو حلوه من جسمها و حتى جسمها يفرز زيوت و غيره

فالاستشوار وااااااايد مفيد لنظافتها و لشكلها يكون احلى و مرتبه

يعطيح العافيه :eh_s(15)::eh_s(17):

 

[7alom]

خوش طريقة خلاجربها مشكورة وايد
انا يوم سبحتها كانت هادية بس بالبداية كانت تطلع من البانيو ( حاطة طشت داخل البانيو )

انا ليمن ابطله تنحاش للزاوية بس خلاجرب المها واحطه عليها يكون دافي لان ابيها ماتخاف من شي

 

[سعوديه غير]

الله يعينك عليهـــــــا

رفع وان شاء الله تلقين الحــــــــل المناسب لها

رووحي لطبيب بيطري احسن لك

 

[سعوديه غير]

الله يعينك عليهـــــــا

رفع وان شاء الله تلقين الحــــــــل المناسب لها

رووحي لطبيب بيطري احسن لك

 

[7alom]

وديتها ام الحمد لله مافيها شي بس ذبحتني بشطانتها يبيلها قطوة ثانية اكسر راسها فيها لوووووول لا حرام بنوتي هذي

في شغلة بعد ليمن توصخ احيانا ما تنظف نفسها عدل ليمن اكون زافتها تعاند فما تنظف نفسها عدل فانا انظفها بالوابس وامس عصبت منها وزفيتها وحطيتها بالباسكت بو ساعة عشان تعلم وان شا الله اليوم تتسنع

صايرة دلوعة ان غبت عنها او شوي انشغلت او زفيتها تسوي ششغلات لفت نظر تبيني 24 ساعة اكون معاها

 

[وجع قلبي]

قريت معلووومه ان الاستشوااار مو زييين حق القطاااوه
خصوصا اذا كنتي تو مسبحححتها يجيها شللل على ما اعتققققد
و جججد عبالي تتكلمين عن بنتك ادميه يعني هههههههههههه استغربت لما قلتي تماوي لووووول

الله يعيييينك حياتي

 

[عود ومسك]

وديتها ام الحمد لله مافيها شي بس ذبحتني بشطانتها يبيلها قطوة ثانية اكسر راسها فيها لوووووول لا حرام بنوتي هذي

في شغلة بعد ليمن توصخ احيانا ما تنظف نفسها عدل ليمن اكون زافتها تعاند فما تنظف نفسها عدل فانا انظفها بالوابس وامس عصبت منها وزفيتها وحطيتها بالباسكت بو ساعة عشان تعلم وان شا الله اليوم تتسنع

صايرة دلوعة ان غبت عنها او شوي انشغلت او زفيتها تسوي ششغلات لفت نظر تبيني 24 ساعة اكون معاها

حلوم حبيبتي قطوتج بهالعمر لازم تتشيطن وتستكشف وهالسن متعه اصلا هذا اول شي
ثاني شي مايصير كل مره تنظفينها بالمناديل لانها جذي راح تعتمد عليج
لازم تعطينها وقت لو ساعه او ساعتين اهي بروحها بتتضايق وتقعد تنظف نفسها بس بما انها صغيره بتطول بالتنظيف عشان صعوبه الوصول للمكان بسنها هذا وكل شوي بترد تحاول تنظف لين تنظف مره وحده عادي تاخذ نص يوم بالتنظيف انها تنظف شوي وتروح تلعب وتاكل وترد مره ثانيه تنظف
لكن طول ما انتي تنظفين خلاص ماراح تتعلم على هالشي

اما ثالث شي عقابج لها هذا ماينفعها راح يضرها
انا اربي قطاوه وعندي جلب
العقاب هذا ينطبق عالجلب لتدريبة عالطاعه
ما ينطبق عالقطاوه ابدا ابدا...القطو مخلوق حساس بالصوت يخاف بالنبره يعرف
يعني تبين تعاقبينها زفي بصوتج كلميها بحب بعدين اذا شفتي شي غلط ارفعي نبرة صوتج راح تتعلم من ترفعين صوتج ان اللي سوته غلط ومع التكرار بتخاف
الحبس لو كان ساعه راح يكرها فيج وراح يسببلها اضطرابات وممكن عزج الله تبول بأي مكان او توصخ بأي مكان ردة فعل منها على عقابج
صدقيني القطوه ما تنسى طقتها لو كانت خفيفه انج تطقينها بصبعج طقه خفيفه انا ادري انها ما تعورها بس ماراح تنساها وباجر لما تكبر وتبلغ راح تنفر منج
فا نصيحه بحكم اني ربيت الجنسين وجميع الانواع افضل طريقه للعقاب الصوت
لان سمعهم حساس وويتضايقون من الازعاج فا لما تزفينهم خلاص مع الايام يفهمون
وانسي موضوع الحبس
وخليها تتشيطن بهالعمر
باجر لما تكبر بتملين من كثر ما تنام فا هذا وقتها الحين استمتعي معاها
وعطيها فرصه تنظف نفسها مايخالف
الكتنز اللي عندي كانو عزج الله يطلعون الوصخ لاصق فيهم وكنت اضطر اني اغسلهم بس من وصلو لعمر قطوتج يعني تقريبا 3 شهور خليتهم يمر يوم كامل فيهم شوية وصاخه ومن باجر ارد الاقيهم نظاف ماشاء الله
فا من الاخر عشان ترتاحين قصي الشعر من ورا او اذا رحتي البيطري قوليله بحلقها من ورا وكل شهر لما يطول الشعر قصيه جذي راح ترتاحين واهي ترتاح
:eh_s(17):

 

[7alom]

مشكورة على المعلومات ومادري انا واحد قالي حبسيها ان سوت شي غلط اهي بتعلم
والمشكلة ان الي اسالهم يقصون علي ولد عمي خو ما شا الله توه راد من امريكا وكان يربي من قبل والحين يايب من امريكا معاه ( طبعا باخذ منه وحده ) المهم يقولي شي واعرف 3 يبيعون قطاوة يقولونلي اشياء ثانية فتوهقت مادري اسمع كلام منو ولا منو
والمشكلة ان قلتلهم قارية من النت ولا ساله وحده يقولون النت كله جذب والبنات مالج شغل فيهم