يارب الي ترد علي يحقق ربي مناها ويرزقها كل خير

[عزتي في عفتي]

صبايا انا متزوجه لي تقريبا سنه وخمس شهور ومافحصت لا انا ولا زوجي لاني اخاف يطلع في زوجي شي وانا مابي انصدم لاني احبه ومابي من غيره العيال وهو مايقصر معي لاني انا فحصت وطلع عندي قرحه بالرحم والحمدالله كويتها لي الدكتوره وبعده بشهر سوت لي الدكتوره فحص وطلع عندي زياده بهرمون الحليب واخذت الدواء عليه
بعده علي طول سافرت تقريبا لي شهرين بعد هالكلام هذا ولا صار لي حمل بعد توني فقترح علي زوجي انه يوديني لدكتوره نساء وانا متردده لاني انا بامريكا وفشله ماعرف اتكلم كويس انجليزي وزوجي بيروح معي وانا مابيه يدخل معي فشله للفحص بس مابينا لغه تفاهم بيني انا والدكتوره الا زوجي فشوروا علي اروح واتكل علي الله ولا انتظر لين ارد لديره بس انا قلبي ينفطر علي العيال وزوجي اكثر فلما انزور رفيجه الاحظه يلاعب عيال رفيجه ومره مهووس بالعيال وانا انقهر علشان شوروا علي اروح ولا انتظر

 

[ام يوسف الكويت]

ياعمري في مترجمين بكل مستشفى حق العرب بس مادري جم تدفعينله مو الا يدش زوجج
ثاني شغله لا توسوسين وايد واتكلي على ربج واذا لج نصيب بتاخذينه
ثالث شغله بالنسبه لي انا زوجي اهم من العيال اذا صج احبه واموت فيه مو مهم عندي العيال صراحه

 

[YA B3DHUM]

حياتي هذا ريلج مافيها
شي لو رحتي معاها توكلي على الله
ويارب الله يرزقكم بالذريه الصالحه وتسمين وحده من البنوتات فجوره لووول :$

 

[فوفو22]

يا ماما كفايه جهل بهالامور

من الضروره زياره الدكتوره وفرصة انتي بامريكا

اما زوجج فلا احراج منه فهو زوجج مو ولد الجيران

عموما الدكتوره اسئلتها عادية مثل اي دكتوره

اسمك- عمرك -مدة الزواج-

وتعطيكم انتي وهو فحوصات مخبرية من تحاليل

للهرمونات والدم والبول

ومن ثم تعطيك موعد ثاني يوم الدوره او خامس يوم

وهم ابخص بشغلهم

اتكلي على الله وراجعي مع زوجج

فوفو

 

[ام يوسف الكويت]

يلا عاد ادعيلي خوش دعوه

 

[انا لحبيبي .]

رد : يارب الي ترد علي يحقق ربي مناها ويرزقها كل خير

روحي حبيبتي .. العلاج بره مرات بكون احسن من هون

روحي واتوكلي على الله ​

 

[ميما الاموره]

رد : يارب الي ترد علي يحقق ربي مناها ويرزقها كل خير

عادي عزيزتي روحي مع زوجك وين المشكله وخليه يفحص كمان مافي عيب​

 

[نفهمها صح]

رد : يارب الي ترد علي يحقق ربي مناها ويرزقها كل خير

سهليها ولا تعسرينها
تكلي علي ربج

 

[عزتي في عفتي]

حياتي هذا ريلج مافيها
شي لو رحتي معاها توكلي على الله
ويارب الله يرزقكم بالذريه الصالحه وتسمين وحده من البنوتات فجوره لووول :$

هههههههههههه بنت اخوه الي الاكبر منه اسمها فجر ولا يهمك

 

[عزتي في عفتي]

يلا عاد ادعيلي خوش دعوه

الله يحقق ربي مرادك ويرزقك رزق ماله حد

 

[[[ عيون جابر ]]]

والله حبيبتي صراحه فرصه لاتطوفينها اطباء امريكا وايد شطار راجعي وعالجي عندهم وعسى ربي يرزقج الذريه الصالحه تامة الخلق

 

[sweeta77]

عادي حبيبتي وضعك طبيعي اذا ارتفه هرمون الحليب ما راح تحملين
اخذي علاج نزليه

 

[عزتي في عفتي]

مشكورين الي ردوا علي بس الي قالت لي انه فيه مترجمين بالمستشفيات انا المنطقه الي فيها مافيه احد عربي يعني هي بلده صغيره وزوجي مبتعث لدوره مدتها سنتين و يطبق بالمستشفى الي بيوديني اياها يعني مافيه احد علي قول زوجي عربي غيره

 

[نـعـومـه]

رد : يارب الي ترد علي يحقق ربي مناها ويرزقها كل خير

حبيبتي عشان الحمل كلشي يهوووووووون

روحي ولاتنطرين ودام انج بأمريكا فرصه يمكن احسن دكاترتهم

 

[عزتي في عفتي]

رد: رد : يارب الي ترد علي يحقق ربي مناها ويرزقها كل خير

عادي عزيزتي روحي مع زوجك وين المشكله وخليه يفحص كمان مافي عيب​

مادري يمكن العله فيني انا لاني قلت لك انه طلع فيه زياده هرمون وقرحه فمادري وش فيه بعد
اخاف يكون عندي ميلان بالرحم​

 

[@ام يوسف@]

رد : رد: يارب الي ترد علي يحقق ربي مناها ويرزقها كل خير

الله يرزقج الذريه الصالحه

 

[tmtmt]

روحي وعادي خل يدخل معاج

الله يرزقج ان شاءالله

 

[عزتي في عفتي]

الله يرزق الي ريحوني بالردود والله يوفقكم ويجمعكم مع الي تحبونه ولا يضركم ابد ويرزق كل محروم ومحرومه يارب ويهدينا لصراط المستقيم يارب ياكريم

 

[حكم الصمت]

رد : يارب الي ترد علي يحقق ربي مناها ويرزقها كل خير

توكلي ع الله ,, وإذا في شيء عالجيه من البداية أحسن مايتفاقم وماتقدري بعد فوات الأواان
الله يعطيكـ مرادكـ يا حبوبة ويرزقكـ ع قد نيتكـ ..

 

[مناير ...!]

رد : يارب الي ترد علي يحقق ربي مناها ويرزقها كل خير

هذي فرصه لاتضيعينها
يمكن تكون روحتج سبب يكتب لج ربج بعد الذريه فلاتطوفين الفرصه

وريلج لازم يدري حته لو ماراح معاج لارديتي ملزومه تعلمينه
الامر يخصه مثل مايخصج
والله يفرح نظرتج