يارب اكون ظالمته

[مارشميلو..]

السلام عليكم
بنات أنا بهم كبير ربي يعلم في
مو قادره افكر من الصدمه وخايفه اتسرع وماني عاررفه اتصرف
أنا عندي ولد وحامل صار لي 3 سنين متزوجه
حياتي نوعا ما مستقره كان في مشاكل واشيا تضايقني بس الحمدلله انحلت وصار زوجي مثل ما ابي

اليوم شفت بالبلاك بيري حقه محادثه مع واحد مبين من الصوره الرمزيه اللي حاطها والنك نيم انه واحد شاذ نوعا ما استغفر الله الله يرفع عنه و? يبلانا
المهم بالمحادثه يحاول يعزم زوجي ويقول تعال نستانس أنا فاضي الحين رح زوجي قال أنا بالدوام خلها يوم ثاني
بعدين اشوف زوجي مرسل له بنق بس هو مارد عليه للحين

للعلم الشخص هذا توه زوجي ضايقه باللسته لان قبل اسبوع ماكان موجود عنده أنا اعرف كل الموجودين عنده ربعه واخوانه هذا توه ضايفه
وزوجي هالايام متغيره معاملته صاير طيب بزياده معاي مثل لما نكون متهاوشين ويحاول يراضيني نفس الاسلوب مع اني مو. متهاوشه و? زعلانه منه. عرفتو صاير لطيف بزياده يعني

أنا مصدومه مادري شسوي مابي اواجهه لين اتأكد ان فعلا في شيء بينهم اعوذ بالله يارب خيب ظني و? تفجعني
واحيانا اقول مابي انبش لان لو تأكدت من شيء مستحيل مستحيل مستحيل اقعد عنده لو عندي عشرين ولد لو شنو هالشي بالنسبه لي ماينغفر اهون علي اشوفه مع حرمه بعيوني الثنتين ويتزوجها بعد بس الا هالشي ماقدر اتحمله

انتو اشرايكم بنات علموني شلون اتأكد وشلون اتصرف الله يخليكم دلوني

 

[مارشميلو..]

اب
بنات ناطره. ردودكم

 

[موريا آدم]

اختى لازم تتاكدين علشان ماتظلميه اذا هو مظلوم
وعلشان اذا هالتفكير حقيقى يبقى ما ينفع تكملى حياتك معه ثانية واااحدة والله يعوضك وولادك خير
لكن قبل اى شىء لازم تتاكدى بنفسك
خليكى متابعة جواله وشوفى المحادثات بينهم حتكون كيف
ولحين ماتتاكدى خليكى طبيعية معه تماما حرام ممكن يكون مظلوم
واذا تقدرى تجيبى بى بى جديد وضيفى البن هذا وتحدثى معه على انك رجل وشوفى كيف صاير الحوار
يمكن يكون الرجل مافيه شىء ومجرد الصورة وال نك نيم هم اللى شبهة
وصلى فجوف الليل ركعتين لله سوى فيهم استخارة فاى شىء حتسويه والله حيختارلك اللى فيه خير لكى للدنيا والاخرة

 

[ديانا سبنسر]

يما ليش صاير جذي بالدنيا البنات قبل يجون يشتكون من خيانة زوجية ونصبر فيهم وعادي وما عليه الحين يمكن انتي ثالث وحدة تقول أن زوجها له علاقة مع شاذ مدري شنو انصح فيه بس اللي اعرفه أن الساعة قربت وهذي علاماتها

 

[ام زهقانه]

حسني النيه

 

[وردة وطني]

حبيبتي الشيطان شاآطر بين الزوجين يعني لايلعب فيج
بس السؤال ليش ضايف اشكال جذي المفروض تكلمينه انه مايضيف هالاشكال باللسته

والله الموفق

 

[انسام الكويت]

الله يكون بعونج ودي اقولج لاتبشين وتنفجعين بشي لاسمح الله اذا ربج راد راح يكشفه لج وبيطيح بشر اعماله وبتعرفين واذا فيج حره وموقادره تنسين الموقف فحاولي انج ماتكلمينه الا لمن تتأكدين من هالعلاقه خليج عادي عشان مايحس وتابعي المحادثه اللي بينه يمكن هالشخص مو شاذ وحاط هالصوره استعباط الا اذا بين هالشي من المحادثه اهني صوري محادثه عشان يكون عندج دليل وتالي عاد اذا صج هالشي حسابه يكون ويا الاهل وانتي ادرى بوضعج

 

[PuPa^^SWeeT]

اخاف مو جذي السالفة



انتي بلحظة يسولف وياج ان ياب طاري ربعه


قولييله انته هالايام تطلع مه منو ؟؟؟


اذا قالج فلان و انتي عارفة الاسم


حاولي تستفسرين منه شلوونه واذا زين


والله ياقلبي



ماعندنا حلووول سهلة


كلهم لازم مع الايام تنكشف

 

[عويتقة]

ياااااااااااااااااااارب يخيب ضنك ويكون زوجك بريييئ ياااااااارب والله حسيت جسمي قشعر عسى ربي يهدي بالك يريحك وتكونين غلطانة استغفري وااايد وصللي وادعي وخير يااارب

 

[M!SS.LOBY]

حبيبتي ما يجوز ظن السوء بعدين ما صدتي شئ قوي كلها صوره بالعرض بس ماله داعي تشهرين بزوجج او تكسبين أثام الناس (شاذ ) ومدري شنو وين قاعدين احنا أختي الله يهديج يارب وما يطلع شئ بس مايصير تحكمين بنفسج ع الريال والله أنتم يا خواتي تعقدون نفسكم وتهدمون بيتكم بإيدكم

 

[Patcholli]

ماصدتي شي على زوجج بالعكس زوجج اتنحش منه واتهرب
نطري يمكن ناطر يمسك عليه شي قوي عشان يسويله دليت .. يمكن يعرفه ومستحي يكسر فيه بدون مايمسك عليه شي قوي
لو ريلج عنده سوالف جان بين من اسلوبه ..

 

[مارشميلو..]

مشكورين بنات اللي ردو.
وفعلا أنا مامسكت شيء واضح ودليل صريح عشان اواجهه
بس احساسي اثق في ان هالشخص مو زين
وترى لقيته راد على زوجي بعد البنق وزوجي قاله خلنا نطلع ومدري شنو يعني حتى زوجي معطيه وجه
أنا بشوف تلفونه كل شوي وياب يخيب ظني ومايكون احساسي بمحله
ادعو لي بنات ماودي اخسر بيتي وعيالي واصير مطلقه

 

[أدعج غنج]

يارب يكون ظنج مو صحيح وزوجج بريئ يا رب ...لا تتخذين اي خطوه قبل لا تكونين متأكده مليون بالميه
ترا الظلم ظلمات يوم القيامه .ل
ا تخربن بيتج وثقتكم في بعض بسبب ابليس ربي يخزيه ويكفينا شره

 

[i'm so happy]

استغفر الله الدنيا مقلوبة اهو اساس ليش ضايفة وش له بالمحرمااات حرام ...

الشك بتسبب لج مشاكل بعد اختي الله يكون بعونج ويهديه

 

[تبيني آرضى عليك]

الله يخيب ظنج ومايكون صحيح ويبعد عيااااال الحرام عنه

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[طيبة83]

اول شي

لا تتعبثووووووون بتيلفونات ازواجكم

ما بتيبون لنفسكم الا الهم

ثاني شي

انا اقولج شكله هذاك الريال اهوا اللي يتلصق في ريلج

الحل

انج اتلمحين عن ريلج

تقولين له " تصدق ريل رفيجتي يسوي جذي وجذي وي حراااااااام ومن الكبائر وعرش الرحمن يهتز من فعل يعني تخيل الواحد يموت وهو يسوي هل شي والله الدنيا مالها امان والناس ما تفكر في الاخره"

يعني لازم تصرقعينه

وبعدين قوليله " انا لو منها ماقعد معاه ولا لحظه حتي لو عندي ٢٠ ياهل"

وتالي قولي "واصلا هذول كلهم امراض والتهابات ويييييع اللهم يا كافي"

وان شا الله بيخاف من كلامج

وانتي حاولي اتبعدينه عن الديره اتروحون بر ولا سفر عشان ما يفكر في هل سوالف ويرجع حق عقله

 

[خالتي قموش]

ادعي ربج ان الله يهديه و يبعد عنه عيال الحرام ولا تنبشين وراه و لا شي
عليج بلدعاء بس
عشان لا تنقهرين و تخربين بيتج
هلشاذ ما يستااهل تخربين بيتج عشان
لا تفتششين و ادعي الله يسخره لج

 

[زوجة عزيز]

لا اتقولين له اي شي وشوفي المحادثات اذا لاسمح الله شفتي عليه اي شي وقفيه عند حده الله يعينج

 

[قَلبڪْ صًخرْ]

في رياييل ناعمين
عادي
مو يمكن شاذ