يارب اكتبلنا اللي فيه الخير .. قولوا آآآمييييين

[عبالكم كسرتوني؟]

السلام عليكم ..
شلونكم بنات ؟
هذي اول مشاركه لي بهالمنتدى العجيب
طبعا انا لو بكتب مشاكلي ماراح اخلص !!!
آآآآآآآآآآآه بس
المهم..
مشكلتي الرئيسيه الحين بمشاعري !!!
مشاعري متخربطه عالآخرررر
اول شي انا عمري 20 ، ادرس ،
صارتلي سالفه قبل سنه تقريبا خربطت حياتي فوق تحت
السالفه اني امنت رفيجة عمري اللي صارلي معاها 11 سنه على سر كبيييييييييييير
راحت الاخت ودقت على اهلي بكل برووووووووود وقالتلهم السالفه !!!
مابي اوصف شعوري وقتها لأنه ما ينوصف
طحت من عين اهلي وصارت حياتي "اسود من ارض الخروم" على قولتهم..
المهم بعد ماعديت مرحلة العذاب اللي مريت فيها تخربطت مشاعري
ساعات احس اني كارهه الناس كلهم ، وساعات احس ان الناس فيهم خير ليلحين
وساعات احس ان ودي اتزوج اليوم قبل باجر، وساعات اقول اكمل دراستي احسن
وعقبها اذا لي نصيب بتزوج ..
مادري والله
تعبت حيييييييييييييل من هالدوامه اللي انا فيها
واقولكم شاللي قاهرني اكثر
ان ساعات احس اني ودي ارجع لرفيجتي هذي
ادري بتقولون مينونه وماعندي سالفه
بس والله يابنات عشرة 11 سنه مو هينه
البنت هذي كانت اقربلي من نفسي
مادري ليييييييييييييييييييش غدرت فيني ؟؟؟؟!!!!!!!
مرات اقول الله يسامحها ومرات ادعي عليها من قلب !!
اللي تقدر تساعدني ياريت ما تتردد ..
واللي مرت بنفس مشكلتي خل تقول
منها نخفف عن بعض ..

 

[DốǾốDї]

وااااي رفيجتج حقيره ليش جذي تسوي شالهدف والغرض من انها تقولهم وتصير حبت اللولو

انتي الي فيج عدم الثقه بالنفس وبمشاعر الناس

الله يكتبلج الي فيه الخير ويعوضج برفيجه احسن منها وتحفظ اسرارج وتثقين فيها

 

[tolay]

ليش سوت جذي ؟؟؟؟؟

ودي اعرف واجهتيها عقبها ؟؟؟؟

وشنو رده فعلها

انتي ماعليج اهتمي بروحج وذكري ربج واهتمي بدراستج واستانسي مع اهلج ومع اقربائج ومع كل اللي تحبينه

وعيشي حياتج

والزواج خليه ايي من نفسه يالج ريال زين لاتقولين لا مايالج صبري

وعليج بالدعاء

والله يسهل امورج

وهذي رفيجتج لاترديلها كلللللللللللللللللللللش

 

[tolay]

ماراح اقول انا مرين بنفس مشكلتج

مريت بمشاكل بس غير

الدعاااااااء اولا

كنت كله ادعي ادعي انه الله يفرج عني همومي

واحاول اتعايش مع الحياة بساطه واشغل نفسي

والهم بيروح من الله

 

[tolay]

ماراح اقول انا مريت بنفس مشكلتج

مريت بمشاكل بس غير

الدعاااااااء اولا

كنت كله ادعي ادعي انه الله يفرج عني همومي

واحاول اتعايش مع الحياة بساطه واشغل نفسي

والهم بيروح من الله

 

[so_what]

الله يعينج حبيبتي غلط تفقدين الثقه بكل الناس و بنفس الوقت غلط تعطين الثقه حق اي احد و عشره 11 سنه مو شويه ، الهي نفسج بالدراسه و عيشي حياتج مع اهلج ومتى مايي نصيبج الله يوفقج ان شاء الله

 

[عبالكم كسرتوني؟]

اول شي دودي اسمج حلوو لأن عندي رفيجه بهالاسم
تصدقين دودي انها مو بس صارت حبة اللولو على قولتج الا صارت شريفة روما بعد !!
صارت اهي الزينه وانا طلعت بالشينه
وتولاي تسلمين ياقلبي عالردود
انا واجهتها ونكرت طبعا
تخيلوا تقولي "مو انا اللي قلت لأهلج .. بتصدقيني صدقي منتي مصدقه كيفج"!!!!
والمصيبه ان محد يدري عن هالسر غيرها
حتى اليني الازرق ماعنده خبر ..
مادري شحقه تنكر ؟!
انا خليتها من زماااااااان .. من اول ماواجهتها
والحمدالله رفيجاتي مو مخلين علي قاصر
الله عوضني فيهم وكلهم واقفين معاي
الله يخليهم لي ان شاء الله ..

 

[عبالكم كسرتوني؟]

مشكوووووورة ع الرد حبيبتي
so what..

 

[so_what]

الله يعينج حبيبتي غلط تفقدين الثقه بكل الناس و بنفس الوقت غلط تعطين الثقه حق اي احد و عشره 11 سنه مو شويه ، الهي نفسج بالدراسه و عيشي حياتج مع اهلج ومتى مايي نصيبج الله يوفقج ان شاء الله:yaaaaaarb:

 

[اميره1980]

يمكن قالت حق اهلج على سرج من خوفها عليج لان ساعات كتمان السر مو لصالحج يمكن بلغت اهلج علشانج انا ماني عارفه شنو الموضوع بس تاكدي اول حبيبتي
بس اذا اطلعت صج فتانة البعد عنها غنيمة و ربج يحبج ان وخرج عنها

 

[ايامنا الحلوة]

حااااااااسه فيج

يااختي باجر اتنسيج الايااااااااام

ادرسي وتوظفي وعبشي حياتج ولا تثقين باحد

ورفيجتج خليه تولي حرررررررررررررررررام مثل هذه تكون في ذكرياتج انسيها

الدنيا مو واقفه عليها

 

[ترانيم القصيم]

أحس إنّي فهمت وش ممكن يكون السّر هذا من خلال كلامكـ ( إنّكـ طحتِ من عين أهلكـ و كذا )

فيـه لغز قديييييييييييم و أجزم لكـ إنّكـ تعرفينوهـ ( وش هو الشّي آللي إذا كثروا حرّاسه بان ؟ )

" السّــــــــــــــــــــــــــر "

أسراركـ احتفظي بهن لنفسكـ حتّى عن أقرب صديقة لكـ ,, والله لو عشرة مليون سنــة ,, الإنسان لازم تكون عندهـ ( فطنة و نباهة )

أنـا أسراري ( إذا عندي أسرار ) أكتمها في نفسي حتّى عن ( أختي ) إللي من لحمي و دمّي ( آللي مستحيـل تضرّن )

تعوّدي أي مشكلة لكـ , أي سر لكـ ,, تفضفضيـنوهـ للربّ العالميـن ,, إليـه المشتكى و الملتجأ ,,

النّاس لا تؤمّنينهم على شي ,, أمني ربّ العالميـن و اشتكي له و فضفضي لوهـ إثناء قيام الليــل

وواللـــــــــــــــــــــــــــــــه ( عن تجربة ) صدقيني بتفلحيـن .. ^_~

احترامي و تقديري

ترانيم القصيم

 

[أحبه موت]

هلا حبيبتي
غلطانه حدج اذا مفكرة اتردين لها عقب الي سوته فيج هذي البعد عنها غنيمة
واعتبريه درس لج لو منو كانت لا اتأمنين اي وحده من رفيجاتج على سرج
شوفي انا مريت بنفس سالفتج تقريبا ورفيجتي عشرة عمر ومن ايام الثنوية انا معاها وسوت فيني حركة حتى العدة ما يتمناها لج وبس خلاص الدنيا مو واقفه عليهااهي بطريج وانا بطريج

 

[brettey]

حدها حقييييييييييره انا لو منج اسويها وحده بوحده اذا ماسكه عليها سر قوي افضحها عند اهلها بس عشان ابرد جبدي منها
واشلون تردين لها عقب الي سوته فيج ؟انا وحده حقيره كانت صديقتي تخيلي صداقه 17 سنه تقريبا باعتني حسبي الله عليها وانا بعتها وخسرتني وخسرت وحده قبلي هم كانت من اعز صديقاتها خسرتنا واحنا صرنا ربع الحين خلها تموووووووت بحسرتها لانها مريضه نفسيا

 

[بينـو]

اختي خلاص اكيد تعلمتي من مووقفج هذا انه السر ما تأمنين فيه على احد ابدااا بينج وبين نفسج لا اختج ولا ام حتى ،، انا خواتي وامي ما اقول لهم اسراري حتى لانه ادري مهما كاااان اما زلة لسان او الواحد مايقدر يخش السر فيقووله حق طرف ثاني

حتى لو رفيجة عمرج وهذا سر كبير لا تقولين لها والصراحه الله يساااامحها والله انا الصراحه بقاطع رفيجتي اذا جذي سووت فيني لين ماتطلع روحها من التأسف والتحسف عقب افكر ،، لانه صج غدر من قلب

الله يعينج ومنو مايمر بمشاكل هالزمن ،، الله يعين الجميع

 

[حنان الذكريات]

حبيبتي الحمد لله على حال ....بس انج تردين حق رفيجتج لا ديري بالج منها
لانها دام غدرت فيج في المره الاولى ممكن انها تغدر فيج في المره الثانيه .... وهم حبيبتي سمعي نصيحتي ..لا تقولين اسرارج لاي صديقه حتى لو كانت قريبه منج حييييييييل ...خلي اسرارج لنفسج او حق امج او اختج ....
والله يعوضج كل خير ان شالله

 

[*بسبوسه*]

انتي ما سالتي نفسج ليش رفيجتج قالت لهلج عن هالسر؟؟؟؟؟؟؟؟؟؟؟؟؟؟
يعني معاج صار لها 11 سنه وفجاه خونت فيج بدون سبب

يمكن من ضمن الاسباب انها كانت تنصحج وانتي ما سمعتي كلامها وقالت مافي الا اخبر اهلها
او انج جرحتيها بشي قوي وحبت ترد لج الصاع
او
او او

اسباب لو تفكير شوي راح تعرفين اللي خلها تفضحج
وانا احس انج انتي حاسه بغلطج تدرين ليش؟؟؟؟؟؟؟لانج قاعده تقوليين ودي ارد لها


الحين السالفه صارت وخلصت
1-رفيجتج لا تردين لها لان اللي خانج مره يخونج 1000 مره
2- الايام كفيله ان اهلج ينسون
(اعرف لي وحده اهلها طاحو عليها مع رفيجها وكان صاير بينهم بلاوي بس اهلها طمطمو عالسالفه عشان الفضايح ومع الايام تغيرت الاوضاع والحين البنت متزوجه وعندها عيال وغاليه عند اهلها)النساين نعمه من الله
3-بيني لهلج انج عفيفه وتغيرتي حتى لونهم مارضو عنج ..ولا تطلبين رضاهم انتي بتصرفاتج بيني لهم
4- عسى ربي يرزقج بالزوج اللي يستر عليج ويهنيج
ترى مع العسر يسرى كرري الاستغفار وسورة الانشراح

 

[كراميلا مرة]

الله يفرج عليك
وانتي جان فهمتي السالفه عدل وفهمتي منها ليش قالت لهم
يمكن صج خايفه عليك
او موشرط قالت لاهلك يمكن تكلمت جنب احد عن سرك وهو اللي نقل الكلام
يعني لاتركينها وبس لازم تفهمين الكلام عدل
والله يفرج عليك همك

 

[عبالكم كسرتوني؟]

هااااااااي بنات

لاحظت ان بعضكم يقولون انها خايفه علي ..
اهي لما دقت على اهلي قالتلهم انها خايفه علي !!
بس شهالخوف اللي يخلي الواحد يدمر اقرب انسان له ؟؟
اهي لو خايفه علي صج جان نصحتني مو تروح تقول لأهلي وتدمرني !!
حاولت احطلها مبرر ع اللي سوته بس مالقيت
اهي غلطت بحقي حيييييييل وحوبتي ماراح تعداها ..

 

[[[ عيون جابر ]]]

ويييييييي حسبي الله ونعم الوكيل
ميخالف حاولي تردين هالثقه بينج وبين اهلج بيني لهم العكس وانج تغيرتي وكنتي ياهل يوم غلطتي
ورفيجتج هذي انسيها مالت عليها حدي تنرفزت .. رفيجات اخر زمن