ياربي

[aldanaha]

بنات انشالله انا باجر مسافره
عساس نسانس
شنو المشكله
بنات ريلي بيحط مفتاح بيتي عند امه
قلت له مفتاح بيتنا عندنا
يقول لا ابي اختي تاثث غرقتها
على اسا اخته ساكنه عندنا بس اهي مو ساكنه بس على قولتهم لاتفرحين بطلعة البيت ابروحج
بس مايصير بيتي عندي
لا اختي تبي اخته بس حجزت الغرفه ةولاتاخذينها بيتي اربع غرف
يعني ديري بالج احنا موجودين
ولابغت تاثث غرفتها عندنا احنا موجودين
حاولت اقنع ريلي بشتى الطرق مورراضي
مت من الحره حتى على بيتي ملاحقيني
ياربييييييييييييييييييييييييييييييييييييييييييييييييييييييييي
اول مره اسافر مع زوحي تطلع هالسالفه تنكد علي
الحين حريم اخوانه كل وحده تسافر مفتاح بيتها عندهاا مو عذر
بنات مادري مادري
مت من الحره
اوووووووووووووووووووف
استغفر الله
مع العلم اخته عندها بيت وابروحها عايشه بحكم انها منفصله
وغير غرفتها في بيت ابوها
مادري شتبي بالغرفه الي عندي
يالله

 

[الفدنه]

الله يكون بعونج صراحه
ماكو الا انج تقفلين غرفج وتاخذين المفاتيح معاج <<اذا ماتبين المشاكل
بحجة اخاف الخدم ولا العمال يدشون الغرف واحنا مسافرين
او تاخذين موقف حاااااااازم وتمشين كلامج
انه مفتاحج معااااج<<وهذا الاحسن​

 

[.دمعتي الحزينه.]

حاولي تكلمي اخته تاجل تاثيث الغرفه لين تردين وخذي مفتاحج وياج

 

[أتراب]

بالنسبه لي اشوفها عادي
لان دايما لما نسافر المفتاح يكون
عند امه شبصير يعني
​

 

[اخت الدكتور]

خوووش والله ساكنه في بيتج ماعندها بيت أبوها يضفها والله قهر كل هذا عشان ماتسكنين بروحج أنا أقول اخذي مفاتيح البيت وياج وخليها تولي

 

[الحياة جوهره]

الله يعين شي غريب صراحه شتبي فيج

 

[شطانه طفله]

انا مع اول رد او اخذيها بصوره احسن قولي بتاخذ مفتاح بيتي اكيد زوجي مخطط معاها بمفاجأه اذا رديت اشوفها

 

[أم توتو]

اختلقي اي شي بس عشان يكون المفتاح معاج

 

[انا لحبيبي .]

الله يهدي البال

 

[أحبج يمه]

ما بيدج حل حل الا انج تقفلين غرفة النوم وتاخذين المفتاح معاج

والله يعينج عليها شكلها نشبة

 

[aldanaha]

بنات كلمته توني يقول عشان اطل على البيت طول مااحنا مسافرين وخذت موضوع تاثيث الغرفه عذر عشان يتم المفتاح وياهم
اذيه
ريلي يقول لا عشان يطلون على البيت
وكلمته توني ولاجنه ولا بذنه معاي
مع ان عندها بيت
وغير بيت ابوها الي يمرح فيه الخيل
بس احسهم ها ترا احنا موجودين ديري بالج
اووووووووووووووووووووف
زهقت
وريلي على قلبهم مو على قلبي
خلوها على الله

 

[بقــآيآ جـروح]

قــــــــفـــــــلـــي دآآرج وتنتــهي المشكــــله لاتكــــبرين الســـالفه وهي صغيـــــره ولآتنكـــــــدين ع نفسج
الدنيآآآآآآآآ مآآآتــــــــــسوى آفــــــرحي بهالسفره يعني شنو تبي تسوي بالبيت

 

[nwir72]

الله يواجرج اختي .ما على البلاوي الا الصبر
لا تنكدين على نفسج عشان شي ما يسوى
اصلا هذا اللي تبيه تنكد عليج سفرتج
عسى كيدها بنحرها اهي واللي مثلها

 

[سوسن1980]

قفلي غرفتك واخذي مفتاحك معك ووصيها قبل ترجعين بيوم ترتب البيت لكم

 

[!الجادل الصعب!]

تطل ع البيت ليش ان شآلله يستآحش بروحه ؟!
آنتو بتهآجرون ..
شهالعبط الي طآيحين فيه النآس .. وليش تنآشبكم بـ 4 غرف وهي عندهآ بيت ..
المهم ..
اذا مآتقدرين عليه .. قفلي غرفتج وغرف البيت كلهآ مآعدآ الغرفه الي المفروض تكون لهآ..
والله يكون بالعون ..!
موفقه ..!

 

[زين ودلال]

قفلي غرف البيت كلها واخذي المفاتيح معاج وخلي غرفتها بالطقاق لاتنكدين على عمرج استانسي وخليها تولي هاللزقه

 

[قلبي عبدالله]

شفيها الناس

صراحه شي غريب شهالعبط والنذاله الله يكون بعونك

 

[العفاسيه]

لا تسكتين شكو حاجزه لها عندكم غرفه اصلا عيب تجي تسير عليكم تنام لها كم يوم حياها اما تسكن هذي اول مره اسمع فيها دام بيت ابوها مفتوح ليش تضيق عليكم
اما المفتاح قفلي كل غرف بيتج وخلي مفتاح باب الشارع عندهم وخل يتطمنون عدل

 

[" ام حمود "]

الله يكون بعوونج ..
تبين الصج خلي المفاتيح عندج آحسسن مو عند آهله ولا آهلج < عشان لاا يصير مشاكل بينج وبين ريلج
اذا ريلج قالج ليش قوليله آخاف احد يدشه وهذا بيتي ماابي احد يدش فيه ان كنا مو موجودين
هذاا رايي يالغاليه .. تروحين وتردين بالسلاامه حبووبه ..