ياربي هذي امي -----وين اروح له

[امل وكلي آمآل]

الي بيقولي اني الغلطانه اتقبله بصدر رحب
الي حصل كالتالي:
انا:يمه تدرين عن فلانه عقب تعبه قبل 3 شهور
امي:لا والله من 3 شهور مادري عنه لاكلمته ولاشفته
انا:شرايك نروح نسلم عليها ونشوفه
امي:خلاص خوذي موعد معه
انا : ان شاء الله
ارسلت رساله لفلانه وقلت ابي ازورك متى يناسبك؟
ردت قالت يوم الاثنين بعد المغرب
قلت لها خلاص تم
(الان الاثنين العصر )
دقت امي علي وقالت:
امل تراي مااقدر اروح
انا:ليش يمه وشبك
امي:توفت مرت خالي ومالي خاطر
انا: طيب اعتذرلك منها اذا رحت
(المغرب)
رحت لفلانه
انا:هلا فلانه شلونك شخبارك الحمد لله على سلامك
فلانه:الله يسلمك
انا:ترى امي تعتذر ماجت معي لان زوجه خالها توفت
فلانه:ايه اخر زياره جت لمي الاسبوع الي راح
انا:امي؟جت لمك؟
فلانه:ايه وقبل شهر ونص تقريبآ
انا::eh_s(2)::eh_s(2):
فلانه:ليش تسألين؟
والله يابنات عجزت انطق احس حلقي مصكوك والعبره تروح وتجي
وجلسنا والحرمه تسولف وانا كاني مخدره مادري وش تقول
ماصدقت يأذن واروح البيت
ومن دخلت غرفتي جبت كل الصياح الي محجرته-
الان السالفه له حوالي شهر لاقلت لامي شئ ولاقالتي شئ-
مب شئ غريب مادري وش ممكن يكون السبب

 

[Tom ♥ Jerry]

.


مآدري مآ فهمت السالفه يعني !
كل الي فهمته آنه آمج رآحت حق فلانه وآنتي مآ تدرين !
عآدي حبيبتي هاذي آمج مو رفيجتج عشان تحآسبينهآ على الي تسويه
ليش تبجين مآ آشوف الموضوع يستاهل .,،


طوفي يا قلبي :*

 

[بنت_أخت_خالتي]

بدال هالحش بامج روحي سألي امج وقوليلها الي صار

ترى عادي الموضوع

 

[امل وكلي آمآل]

حش؟
والله نزلتي الدمعه من عيني

 

[امل وكلي آمآل]

شمحوطه
عادي ماتقولي على كلامكك
بس هي قالت لي انا ماشفتها ولا كلمتها
يعني لو قالت لي والله انا رايحه لها وشايفتها روحي انتي-وش المشكله؟

 

[شموخ العز ^]

غلاي الموضوع مو واضح ي ليت توضحين لان شنو الي مزعجج ..؟ احس في شي ناقص ..؟

ي بنات هدو واحسنو الظن البنت يمكن تقصد شي ثاني الله يهديكم استلمتوها ..

 

[شموخ العز ^]

اها صح بس يمكن نست او يمكن مو قصدها شي هذي امج حياتي اكيد ما تقصد تحطج بهلموقف المحرج وشكلج حيــل حســاسه
وعسى ربي ما يفرقكم

 

[masoo 511]

اشدعوة كل هالبجي والصدمة ترى السالفة ما تسوى بس الظاهر انت وايدحساسة هذي امج وما غلطت شنو يعني راحت للمرة وماقالت لاوقبل شهر ونص بعد رايحة لامها الموضوع مايستاهل انج تنصدمين وتبجين عادي

 

[امل وكلي آمآل]

شكلكم مافهمتوني

 

[عانيت القهر]

الموضوع مايسوآآ ...
بعد روحي أسئليها شنااطرهـ .. ؟
بعديت تذكري هذي أمــج ..

 

[brstej]

شدعوه ؟؟


روحي حق امج حاجيها قوليلها فلانه تقول انج رحتيلها


ويعطيج العافيه

 

[ام الدرر]

حبوبة المدة حسب كلام امك وكلام المريضة بين شهر ونص وثلاثة
يمكن لان الفترة طويلة فوحده منهم ماعرفت تقدر الوقت
يمكن امك ماحددت صح
او المريضة
احسني الظن ياقلبي
يعني امك ليش بتكذب بتخاف منك
هي باول سؤال قالت لك رحت لها مانفت الموضوع يعني
لا تخلين الشيطان يوسوس لك
عسى الله يهديك ويشرح قلبك​

 

[حمامة مكه]

والله مافهمت ياريت توضحي اكثر

 

[{ شيوخهـ ~]

يآ آمآ آنآ مآفهمت آلموضوع..
آو آلسآلفه مآلهآ دآعي وآنتي حسآسسه بزيآده..
يآريت توضحين حبوبه..

\

 

[عالمي انا غير]

موفاهمه شتبين توصليله بعدين امج عندج اسألها تجاوبج ؟ مو مستاهلة كل هل الضيقة والكدر عبالي في سالفة كبيرة لاسمح الله

 

[امل وكلي آمآل]

كلكم مافهمتوني
انا سالت امي رحتي لفلانه؟
قالت لا ماادري عنها منذ 3 شهور
والمره تقولي امك زارتني مرتين مره قبل اسبوع ومره قبل شهر ونص-
طيب ليش امي ماقالت لي والله انا زرتها روحي انتي زوريها عادي مافيها شئ
-الي تقول اسالي امك امي من النوع الي يزعل بسرعه وتقول لاخواني وخواتي - مابي مشكله-
ومواول موقف هذا الي يصير معي بس يمكن عشاني اسكت يستمر هذا الشئ
والصراحه انا ماابي حل لاني يقينا ماراح تتغيرامي انا ابي السبب الي يخلي امي تسوي كذا

 

[عالمي انا غير]

والله احسن حل تكلمنها بالتفاهم بعيد عن المشاكل قوليلها يمه حبييبتي ليش ماقالتلي رحتي لهم ؟ حتى ما اتفشل مع البنت

وبعدين حياتي الموضوع مو مستاهل تزعلين سوي العشى لها وقعدي معاها وكلميها بنفس حلوة وبس

 

[AL NADA]

!!!!??
سسآلفتك مره عاديه !!

 

[عزتي مااهي غرور]

امممممممممم عاادي ما اضن شي يزعل ..<​

 

[FeShinGoOo]

عادي كل الامهات جذي وانا شخصياً امي وايد يصير معاي هالموقف ساعات احن عليها يمااا اذا بتروحين المكان الفلاني قوليلي وتكشت فيني وتروح بروحها واظحك عادي اتكون رايحه بسرعه بسرعه او فجأه بدون موعد مسبق تكون قريبه من المكان وتنزل .. ولان بيتي بعيد عن بيتها مالومها كلش ..

ماله داعي كل هالتهويل حياتي السالفه جداً عاديه