ياربي مليت مليت تعالو ساعدوني ياكشيخات{ميكاب و لبس}

[girl k.s.a]

السلام عليكم
بناااات بليز فيدوني بطرق او صور او اي ششششششي للميك اب الناعم
احس اني ماعرف احط ميك اب اححس اني بالزواره لرحت بيت عماتي وشفت بناتهم انا الوع الكببببد مع ميك ابي الفاشل كلهم يحطون ناعم وروعه الا انا يفشل مثلا ظل احمر ماعرف تعبت وانا احط وامسح بالاخير يفشل ورحت على الله وماودي اشوف نفسي بالمرايا كني حاطه طحين مع ان بودرتي مره مره ناعمه وخفيفه وكريمي الاساس
ياليت تكبتون لي بعد اسم بودره حلوه وكيف اعرف اختار اللون الي يناسبني هل افتح او اغمق من بشرتي لاني ماعرف
وكيف احط الشدو
ثانيا نجي للبس انا عندي فلوس ماقولكمماعندي عشان اشتري اي شي واروح مجمعات ماركه بس ماعررررف اشتري بصراحه اوكي اشتري حلو وكشخه بس احسه مب موضة هالشهر مدري مدري
ادري انكم بتقولون ماعندها سالفه بس وربي ابي اصير ذوق وكشخه والكل يسئلني عن لبسي وميك ابي <<لووول

لي عوده بردودكم

 

[ORKDI]

رد: ياربي مليت مليت تعالو ساعدوني ياكشيخات

هذي قناة تافني

باليوتيوب

تعلمج المكياج خطوه بخطوه

http://www.youtube.com/user/MakeupByTiffanyD

مرات تقلد مكياج ممثلات هوليوود

 

[girl k.s.a]

رد: ياربي مليت مليت تعالو ساعدوني ياكشيخات

تسلمين ياحياتي وربي يعطيج ع قد نياتج يارب

 

[ORKDI]

رد: ياربي مليت مليت تعالو ساعدوني ياكشيخات

حياج الله يا الغاليه ما سويت شي

 

[girl k.s.a]

رد: ياربي مليت مليت تعالو ساعدوني ياكشيخات

وووينكم بنات شدعووووه

 

[فخر البداوه]

رد : ياربي مليت مليت تعالو ساعدوني ياكشيخات

حبيبتي حطي بوردة خفية وبتعدي عن الكحل السائل احسن اذا تبين مك اب ناااااااعم


حطي شدو خفيف واللون فاتحة مب صارخة <<< اكره اللون الاحمر احي حيييل صارخ

 

[فااااشن]

رد : ياربي مليت مليت تعالو ساعدوني ياكشيخات

انصحج بمكياج ماك حلوووو ما عليه كلام خاصة خافي العيوب مالهم رهييييييييييييييييب والكونسيلر بعد روعه يجي مكياجج طبيعي وشرط الكل راح يسألج عنه والشدو لا تحطين الوان فاقعه يعني مو شرط على كل لون نبدله تحطين شدو يعني بدلتج صفرا حطيتي اصفر او حمرا حطيتي احمر ولا ملونه حطيتي ملون تصيرين قوس قوزح عاد ههههههههههه لا خليج علىدرجات الوان البني مع الذهبي الخفيف مو الفاقع او السموكي مع السلفر الطافي مو الصاقع هالونين انا ما استغنى عنهم كلش ملش هههههههه احس غير هالالوان اطلع شحروره والملابس دايما خليها تركيب يعني لا تاخذين بدله كامله مثل ما اهي محطوطه بالمحل التنوره والقميص نفس الشي هالستايل قديم اللي طقم كامل دايم حاولي تاخذين تنوره من محل وركبي علي بديات او قمصان من محلات ثانيه او بنفس المحل بس تراعين فيها الالوان ودايم اكسري الالوان الغامجه باكسسوار فاتح مثل الحزام والجوتي او شال يعني مو لازم تخلين لبسج اللون لازم يكون نفس الللون مثلا اذا لبستي بدله فيها تشجيره اسود ورمادي وابيض حطي عليها اكسسوار القرمزي او العنابي الفاتح والنعال والشنطه بعد نفس لون الاكسسوار اهم شي تراعين الشنطه والنعال مع الاكسسوار وسوري على كثرة الهذره ههههههه اتمنى افدتج

 

[هديبا]

رد: ياربي مليت مليت تعالو ساعدوني ياكشيخات

تبين ميكاج كانة طبيعي ماك وبس والله انا مافي كريم ماشريتة رخيص وغالي بس اهو الحمدلله ضبط معاي

 

[&موناليزا&]

رد : ياربي مليت مليت تعالو ساعدوني ياكشيخات

عزيزتي رفع لعيوووووووونج

 

[bibi]

رد: ياربي مليت مليت تعالو ساعدوني ياكشيخات


شوفي حبيبتي بالنسبة لإختيار كريم الأساس حسب لون وطبيعة بشرتج ، يعني لما تروحين تشترين اخذي النوع اللي يناسبها اذا جافة أخذي للجافة واذا عادية تاخذين مال البشرة العادية وهكذا ، لأن أول شي إذا اختيارج للنوع المناسب لطبيعة بشرتج بتتلافين مشاكل الكتل والتبقع .

نجي للون بشرتج صافية أو لأ ؟

إذا كانت صافية أخذي الكريم نفس لون بشرتج بالضبط والباودر ممكن يكون أفتح بدرجة مو أكثر .
إذا ماكانت صافية وفيها آثار وبقع أخذي أغمج من بشرتج عشان يغطيها ويعطي منظر صافي .
البودر أخذي اللوزباودر لاتاخذين الكومباكت لأن نتيجتها أنعم وما تعطي مظهر الطحين وحطيها بالفرشا مو بالإسفنج .

الماركات الحلوة واجد ، عندج ديور ، كانيبو ، جيرلان ، ماك ، ميكب فور ايفر.


بالنسبة للشدو والكحل مايعلم ويمرن اليد كثر التطبيق كل يوم حطي بالبيت لحد ماتاخذ ايدج ولاتتضايقين في البداية ، كلنا حتى اللي نعرف نحط لما نقطع فترة تقل مهارتنا ، وبالبداية بطلعاتج دامج ما تعرفين لا تغامرين بالألوان حطي شدوهات ترابية أو بنية أو ذهبي بأصابع ايدج غطي منطقة الجفن ، لأن الأخطاء ماراح تكون واضحة بعكس لوحطيتي أزرق وأحمر وباقي الألوان الصارخة الأخطاء بتبين .



بالنسبة للبس
صج الذوق موهبة نعمة من الله ، لكن كلنا قادرين نتعلم وبالممارسة ممكن نحسن ونطور من ذوقنا .

عندي لج نصايج

لاتروحين السوق وانتي ماعندج هدف وتصور للبس اللي بتاخذينه ، وعشان تحددين هدفج وتعرفين تلبقين اللبس المناسب واكسسواراته لازم تزيدين ثقافتج !

اي ثقافتج لاتستغربين لأن كل شي له أصوله وقواعده حتى اللبس وباقي الأشياء اللي نستهين فيها . ومن اللبس نقدر نحدد هالانسان فاهم أو لأ .

والمقصود بالثقافة هني لازم تلاحظين وتشوفين اللبس الدارج الأحذية والاكسسوارات المناسبة شنو الستايلات واللي ممكن نلبسه مع بعض واللي مايجوز نلبسه فنفس الوقت .

ونصيحة حاولي تدخلين المواقع الأجنبية شوفي الهوليوود ستار وراح تتعلمين منهم ، حطي بالبحث بقوقل الصور هالكلمة

celebrity style

وشوفي الخيارات اللي بتطلع لج

ومادري إذا مسموحة عندكم المجلات الأجنبية أو لأ

بعطيج أسامي مجلات شهرية أخذي النسخ الانجليزية لا تاخذين العربية ومومهم لو ما كنتي متمكنة من اللغة لأنج بالنظر بتفهمين

Glamour - Style - Bazar - marie claire - elle - Vogue - Brides

لما تكونين شايفة بتتسوقين وانتي عارفة شنو تشترين وبتقدرين تتخيلين الشكل النهائي للبس بكل ثقة وبيكون الاختيار موفق عكس لما تروحين
بدون ماتكونين مخططة بتحسين انج ضايعة وما تعرفين تلبقين الأشياء المناسبة ومكملاتها .

وبالتوفيق حبيبتي و إنشاالله تستفيدين من مشاركتي

 

[أم*سلمان]

رد: ياربي مليت مليت تعالو ساعدوني ياكشيخات

آب آب لعييونج