ياربي ماأدري متى ابطل لقافه ~

[تبطي عظم!]

السلام عليگم


شلونگم متزوجـآت ؟


مشهوره باللقافه هع حدي يعني مو شي جديد


بدش موضوعي المعقد على طول قبل اسبوعين قالي زوجي شرايج نروح عمره
لان دوامه معطينه رخصه 10 ايام قتله اوكي متى قال السبت 3/11
قتله لا صعبه دورتي بهالتاريخ قال ارفعيها قلت واذا طلعت حامل! قال حللي قلت اخاف ماتطلع النتيجه مضبوطه وانا ماعرف شي المهم

شريت تست تحليل منزلي طلع ماكو حمل قلت هم اخاف مايبين بحلل دم حللت دم هم ماكو حمل
رفعت الدوره وتوكلت على الله ورحت العمره ~
*اعتمرت وتركت الحبوب ومانزلت الدوره احس بألامها بس زياده عليها احس بامور مو طبيعيه
نومي زايد + خمول + الاااام بصدري مو طبيعيه ما اقدر امسكه يعورني*

قلت مو معقول حامل مسويه تحليل *دم بس لانه قبل موعد الدوره باسبوع سويت تحليل الدم عرفتو معقول مايبين بالدم!

المهم حللت بالبيت امس وطلع خطين واستانست لان هلكني زوجي حنه يبي احمل مع اني عروس
واقوم الملقوفه واقوله انا حامل واستانس المهم يوم قلت لامي قالت مو شرط لان يوم شافت التست كان خط
فاتح قالت يمكن ماكو حمل سوي دم طيب شهبب قلت لزوجي حامل وامي شككتني تقول فاتح الخط

مع انه مو فاتح حيييل افتح من الثاني بشويه الحين اليوم بحلل دم واتأكد بس اذا *طلعت مو حامل شقول حق زوجي بنات حيييييييييل استانس امبي راح اكسر فيه!!!!! وينصدم !



ادعولي اطلع حامل وما اتفشل <<< هذا الي تحاتيه لووووول*:eh_s(22):

 

[نوツ]

الله يرزقج بالحمال ياااااااااااارب

 

[حبيبتي إختي]

رد : ياربي ماأدري متى ابطل لقافه ~

الله يوفقج حبيبتي ويرزقج بالحمل السليم عاجلا غير آجل إن شاء الله.
وخلج عادية خبري زوجج انه بتسوين اختبار دم لانه امج قالت لج انه التست المنزلي مو أكيد علشان يكون مهيأ نفسيا للنتيجة مهما كانت .. والله يرزقكم بالذرية الصالحة.

 

[تبطي عظم!]

اميييييييين تسلمين


بس ماقلتيلي اذا طلع ماكو حمل شلون ارقعها!

 

[تبطي عظم!]

رد: رد : ياربي ماأدري متى ابطل لقافه ~

الله يوفقج حبيبتي ويرزقج بالحمل السليم عاجلا غير آجل إن شاء الله.
وخلج عادية خبري زوجج انه بتسوين اختبار دم لانه امج قالت لج انه التست المنزلي مو أكيد علشان يكون مهيأ نفسيا للنتيجة مهما كانت .. والله يرزقكم بالذرية الصالحة.

اميييييينن
:bbbiu: فكره مش بطاله ~

 

[سيلينا]

عادي قول له بتاكد من الحمل امي شككت قالت لازم تحليل دم

بس الاغلب يكون حمل لو انه خط ضعيف

انا بحملي اول مره احلل 3 مرات واقول مو حامل واشرب بهالدارسين ابيها تنزل وانا كنت حامل الخط كاااان حيييييييييييييييل ضعيف ما يبين اسم

يعني ان شاء الله حامل لا تحاتين

 

[Queenleo]

رد : ياربي ماأدري متى ابطل لقافه ~

لووول والله موووقف صعب
ام الفشله
يالله ان شاء الله تطلعين حاامل بتوام مو بس ووواحد

 

[المرتاحة]

الله يرزقج بالذرية الصالحه

واذا على ريلج قولي له خطأ في التحليل مو ذنبي انا

 

[M!ssq89]

عادي قوليه يمكن التحليل المنزلي مو مضبوط خلنا نتاكد بالدم احسن ,

وان شاء الله تطلعين حامل ...

 

[نوツ]

اميييييييين تسلمين


بس ماقلتيلي اذا طلع ماكو حمل شلون ارقعها!

اخا اقولج رايي واورطج معاه بس شوفي اسهل شي زي ماقالت الاخت اللي قبلي قولي كنت بتأكد لاني مو متأكده

 

[ناتشوو]

قولي ان حبوب رفع الدورة هي السبب بهالنتيجة!
وان شاء الله تكونين حامل

 

[تبطي عظم!]

امممم يعني بخبرتكم تتوقعون مو حامل !

بحلل اليوم دم واتأكد وزوجي الله يعينه هههههه

 

[ام كوشه منكووشه]

رد : ياربي ماأدري متى ابطل لقافه ~

حبيبتبي ان شاءالله حاامل

لان انا لمن سويت التحليل بحمالي الاولي وهذا نفس الشي يطلع خط غااامج والخط الثاني فااتح ساعات يادووب يبين ويكون فيه حمل

بس عشان تقطعين الشك باليقين سوي تحليل الدم

واذا لا قدر الله ماكان فيه حمل قولي له بسبة الحبوب اللى رفعت الدوره العبت بالهرمونات او ان الفحص المنزالى مو دقيق مثل الدم

الله يوفقج ويرزقج بالذريه الصالحه ياارب

 

[تبطي عظم!]

طمنتيني ان شاءء الله بس اطلع من الدوام

اروح اخذ تحليل دم ~

 

[m'3rOoOra]

رد: رد : ياربي ماأدري متى ابطل لقافه ~

الله يوفقج حبيبتي ويرزقج بالحمل السليم عاجلا غير آجل إن شاء الله.
وخلج عادية خبري زوجج انه بتسوين اختبار دم لانه امج قالت لج انه التست المنزلي مو أكيد علشان يكون مهيأ نفسيا للنتيجة مهما كانت .. والله يرزقكم بالذرية الصالحة.

قوليله انه التحليل المنزلي مرات يخورها مو اكيد ام الدم اكيد ونفس الاخت وقوليله لاتقول لاحد لما نتاكد

 

[" ام حمود "]

ان شاءالله تكونين حامل .
وقولي له طلع تست خطين يعني في حمل انا بروح حق دكتوره تسوي لي تحليل دم عشان بتآكد اكثر من حمل
قوليله تست حمل منزلي مو مضمون وايد بس خلي يروح معاج تسوين تحليل دم احسن
انتي مفروض ماتتسرعين تروحين تقولينه

 

[Australia girl]

يارب تكونين حامل وتفرحين انشالله

 

[يكفيني حنانك..]

ان شالله تكونين حامل
وهو من اللحين قوليله ترا مو مضمون الجهاز يعني لاتنصدم

 

[G!RLooNa]

اشوا هالمره مالي شغل بالسالفه :dddds:

عادي اذا طلعتي مو حامل قوليله حبيبي مادري و عليميه ماعرفت اقراه عدل طلعت مو حامل و الله يرزقنا انشالله و تونا معاريس عادي و من هالكلام

 

[خزامى]

ان شاالله حامل مادام طلع خطين,,,,,,,,,,,,مبروك مقدما