++ياربي شسوي ادعي واقوم الليل واتصدق وللحين ما حملت ياربي ليش انا بالذات ؟؟++

[++The DuchesS++]

السلام عليكم



















الله يرزق الجميع الذريه الصالحه اللهم امين
اشوف وااايد حالات صعبه وتعالج حق الحمل
واللي يبون يعالجون بالخارج والقرارت اللي كل طالعه لهم الله يكون بعونهم
انا كنت اعالج بديرتي وضايعه اشلووون بالخارج
الله يكون بعونهم يااااارب

المهم ما اطول عليكم


اشوف بنات واااايد تدعي وتتصدق وتقوم الليل وتتطلب الضنا من رب العالمين واهي بالاساس ما لبت مطالبه
يعني اشلووون ندعي الله واحنا مقصرين
خصوووووصا الحف
يعني اللي تحف ملعونه لا محاله ((لعن الله النامصه والمتنمصه ))
اللعن طرد من رحمه الله واللي تبي الضنى اكييييد محتاجه لرحمته صح ولا لأ؟؟

بنات والله هالشي حسيته ولمسته بحياتي
كنت اتمنى امنيه امنيه اني اترك الحف
ريلي كان يشجعني دايم ويقول خليهم احلى
ادري انهم يلوعون الجبد بس كان يشجعني
ما كنت اسمع اخليهم شهر وتالي اشيلهم
كل شوي اطلع صوري القديمه واشوف ويهي احلى بالحف
والشيطان يوسوس لي
و طبعا الناس كلها تتسلط عليج اعوذ بالله ليش مو حافه ليش مو حافه ؟؟؟

الله رزقني عقب 7 سنوات عيال الحمدلله انزين اتعظي تركي اللعن والحف ماكو فايده
تعرض حملي لوايد مشاكل طلق مبكر ونزيف ووووو
لمن ولدت وعيالي صاروا بالشيشه قلبي انعصر خلاااااااااااااااااااااص
ابي ربي ينقذ عيالي من الامراض ويعافيهم
والله اتذكر هذي اللحظه عددل لا يمكن انساها
والله يابنات استحيت من ربي
اشلون ادعيه عقب كل هالنعم هذي وانا ملعوووووووووووونه

قررررررت وخلاااااااااااااص تركت الحف للأبد بدوووووووووون رجعه

عشان اساعد نفسي اول الاشهر قمت اشقر لين تعودت انه في شعر الحين عادي
بالمناسبات الله يعافي العجينه وخلاص



المهم خلاصه الكلام
لا تكونين ملعونه
ترجي رحمه الله فيج
عشان يرزقج الذريه الصالحه

ما يصير ننافق رب العالمين ندعيه ونقوم الليل ونتضرع له
واحنا مقصرين وندري انه حرام ونسويه

امانه اذا شايفين شي بكلامي او غلط قولولي


والله يشهد علي ابي مصلحتكم
وانبهكم على هالشي


جزاكم الله الف خير ​

 

[كويتيه مذهله 87]

مشكووره يقلبي

والله يخلي لج اعياالج يااارب

 

[$غــ(ز)ــل$]

والله كلالالالالالامج عدل ياأم صلوووحي
وانا ولله الحمد تاركه الحف من زماان بس اسوي تشقير
والله يرزق كل المحرومين عاجلا غير آجل

ومشكووووووووره عالموضووع..ان شااءالله البنات يستفيدون منه
والله يخليلج صلوح ونوره

 

[نف نف22]

صح كلامج انا بعد تركت الحف من زمان بس اشقر والله يعطينا على قد نياتنا

 

[موزةالكويتية]

صح كلامك لكن مو بس الحف في اشياء ثانية وايد ممكن نخطأ فيها مثل الكذب و لبس الملابس الضيقة او العباية الضيقة و المكياج و العطر و النميمة و و و ....... الخ
و مشكورة على الموضوع الحلو لانج ذكرتينا بأشياء ممكن نكون ناسينها و انشالله الكل يبتعد عنها.

 

[دمثة]

ان الله مع الصابرين

 

[++The DuchesS++]

صاجه حبيبتي في وايد اشياء يمكن نسويها ونغفل عنها وتكون حرام
بس الحف يوصل للعن اعوذ بالله

شاكره مروركم

 

[أسيل]

اهنيج على محاسبتج لنفسج ولومج لها وابشري بالخير من رب العالمين موفقه يا الغااليه

 

[نزف الجراح]

صادقه حبوووبه الله يهدينا ان شالله

 

[نيبال الايمان]

ضى الايمان


اييييييييييييه والله صاجه ياعمرى وياعسى الله يخلى عيالج ويهديهم ويصلح حالهم اللهم امين يارب 000 وياعساهم من الذرية الصالحه اللى تفرح قلبج وتبر فيج اللهم امين يارب 000

ياعمرى صاجه شلووون نترجى الله واحنا ملعونين انا عن نفسى والحمد لله من زمان تركت الحف واشقر بس وعسى الله يغفر لنا ويرحمنا برحمته اللهم امين يارب 00

وعسى الله يرزقنى ويرزقج ويرزق كل محروم ومحرومه منهم اللهم امين يارب

 

[++The DuchesS++]

الله يجزاكم خير على الردود
مشكوورين

 

[om-7amod]

الله يهدي الجميع

 

[chanel N22]

الله يجزاج الخير وانا الحمدالله اشقر والحين بالغربه مخليتهم لاحف ولاتشقير وان شاء الله ليما ارد الكويت الله يعطيني قوه ان لا اشقر ولا احف والله كريم

 

[جمالي ايطالي]

في اشياء واجد نغضب الله فيها غير الحف .. الحف مذكور حديث والله يهدينا ان شاءالله

بس الحش والنميمه والسخريه اكبر حرام و مذكووووور بالقران والله نبهنا عن هالاشياء

يقول الله تعالى : " ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون "





يعني اذا في شغلات ماتوفقنا فيها بحياتنا بتكون من لساننا مو بس من الحف يعني لاتذكرون شغلات وتنسون شغلات مهمه

والله يهدينا اجمعين

 

[++The DuchesS++]

حبوبه

انا ادري انا في شغلات وااااايد
بس انا ركزت على شي معين من واقع تجربتي وبس

 

[سحابة وردية]

والله أنك صادقة

النمص ملعون مش حرام

واللعن الطرد من رحمة الله
ومن فينا مايبي رحمه الله ورضاة

 

[اشتاق الى الجنة]

جزاكم الله خير يا بنات

انا بعد ما احف بس اشقر بس المشكلة اني









































اقص الشعر اللي حوالين الحاجب مع انه ما يصير لانه يعتبر أخذ شيء من الحاجب

الله يهديني ويهدي البنات ان شاء الله وجزاكم الله خير
ومثل ما قالوا بعض البنات في امور واجد مثل التبرج والعباية الضيقة والعطر قولولي شنو الفرق ما بين ان الوحدة تكون ملعونة ووحدة زانية والعياذ بالله الله يستر علينا بستره
واللسان وما ادراك ما اللسان

 

[giuo]

الله يهدينا انشاء الله وما نمشي وراى المظاهر

 

[أمواج البحر]

بارك الله فيج وكثر الله من امثالج

واكيد في شغلات ثانيه غير الحف

يعني النميمه والغيبه شي سهل تبتعدين عنها لانها كلام اقلها ما اروح لناس انا عارفه انهم يحبون الحش والنميمه

واللبس الضيج ايضا سهل وما يأثر عليج

لكن الحف سبحان الله لانه زينه فشي صعب انج تتركينه وخاصه للي كانت تحف

وانا مثلج كنت احف وربي هداني بيوم وليله تركت الحف وحتى تشقير ما اشقر

وسبحان الله والله والله والله يا بنات ما تتوقعون شنو التغييرات اللي شفتها بحياتي

اذا الله تمم علي حملي و ولدت بالسلامه ان شاء الله بقولكم قصتي مع الحمل لانها فعلا معجزه

جزاج الله الخيييييييييييييير كله عالموضوع

 

[++The DuchesS++]

مشكورين على مروركم