ياربي زعل على شي تافه و مايسوى قهر

[Truly]

مرحبا

شخباركم بنات ان شاءالله بخير

و مبارك عليكم الشهر وان شاءالله تعودونه كل سنه و تصومونه بصحه و عافيه يارب ..

انا والله اتابع المنتدى من زمان واحبه و قررت اشارك فيه وان شاءالله اكون عند حسن الظن

بس اول شي بنات بقولكم مشكلتي هي مو مشكله والله ولا تسوى زعل شي تافه

اول شي انا حمدالله ملجت من شهرين على الي احبه ويحبني وان شاءالله العرس عالصيف السنه الجديده


المهم السالفه كانت امس المغرب رديت البيت

وطرشلي مسج قالي ابي ادق عليج بعد شوي اسولف معاج قلت اوكي

المهم كنت بغرفتي اشيل الهدوم الي مابيها و اعدل الكبت والخدامه كانت تساعدني كانت تليفوني سايلنت

مانتبهت والله بنات ونسيت لاني كنت لاهيه بالكبت واطلع هدوم و اعدل و جذي

المهم كان داق مرتين ولا رديت ومطرشلي مسج ليش ماتردين

توني بكتبله ولايدق سكرته وقلت اطرشله مسج اقوله الخدامه عندي شوي و ادق عليك

لاني بصراحه تفشلت يدق ومارد وماكنت ابي ارد عليه قدام الخدامه احس ماخذ راحتي

المهم توني بكتب مسج قال تسكرينه بويهي بعد
و عصب و زعل وانا اشرحله واقوله ليش

و مافي فايده

اول مره والله اسوي هالشي ومن امس زعلان واحاول اراضيه والله بنات قبل شوي بعد ماخليت مكالمه ولا مسج ولا واتس اب ولا شي

حتى طرشتله اغنيه يحبها وكتبت له مسج وشعر اعتذار معاها بعد مارد

وانا والله يا بنات ماحبه يزعل مني ولا احب يمر يوم ماكلمه

و بصراحه انقهرت السالفه حدها ماتسوا زعله لا و من امس باليل بعد

بنات عفيه قوليلي شسوي اكثر بعد

والي زوجها او خطيبها جذي نفس الحاله يزعل على شغلات تافهه شتسوي شلون تراضيه و يرضى

و اسفه عالاطاله

 

[خالف تعرف]

السالفه ماتزعل
بس اهوا فيه زعله خل يزعل اشويه

 

[t o o t]

نصيحه لا تدزين شي فوق الي دزيتيه !!

الرجال كل مايشوفج تلحقينه راح يبعد عنج

خلاص انتي اعتذرتي؟
وسويتي اللي عليج؟

وقفي ستوووب

عشان اهو يردلج

واذا رد قوليله الخدامه عندي وبسسسسسس

والله يرده لج :*

 

[** محبوبه**]

شكله مشتهي يزعل خليه لين يرضي بنفسه سويتي إلي عليج لاتدقين ولاتدزين مسج صدقيني بيطخ ويرضى بنفسه

 

[pusy cat]

يتدلع عليج يبيج اتدلعينه وتراضينه

 

[Freakya]

عامليه مثل الياهل

بيزعل شوي و بعدين بيردلج

 

[كلي تفاؤل]

نصيحه لا تدزين شي فوق الي دزيتيه !!

الرجال كل مايشوفج تلحقينه راح يبعد عنج

خلاص انتي اعتذرتي؟
وسويتي اللي عليج؟

وقفي ستوووب

عشان اهو يردلج

واذا رد قوليله الخدامه عندي وبسسسسسس

والله يرده لج :*

نفس كلام الاخت:eh_s(15):

 

[fdeet_shosho]

اتوقع انه كان زعلان او متضايق من اول وكان يبي يفضفضلج شوى ولما دق ومارديتي عصب وعقب ماسديتيه زعل زيادة وحط حرته فيج
انتى سويتي اللى عليج دقيتي واعتذرتى خلاص عطيه فرصة يرتاح ويهدى وهو بروحه بيدق عليج

 

[^دنياك_دنيااي^]

حقريه وبيردلج

 

[Tulips]

اهو متحجج .. خليه براحته لين يطيح اللي براسه انتي سويتي اللي عليج وزياده بعد

 

[هيبة ملك]

يتغلا عليج ياقلبي

خليه لين يرد من نفسه وإلا بتصير عادة عنده

 

[بقــآيآ جـروح]

لا تعبريــــــــــنه خلاص كآآن المفروض مسج وآآحد تشرحين له ليش سكرتيه
آو جآآن قلتي بجوف الرساله وآنت دقيت بطلع من الرسآئل ع دقتك ضغطت الدقمه الحمره لوووول
المهم صدقيني حقررريه وله ترى بيعآآملج جذي كل مره تزعلون فيهآآآ خليهآآ من آول يعرف ان اسلوب التطنيش
والزعل والحقرآآن مآآينفع معج عشان يغير اسلوبه ويصير يرد عليج وينآآقشج
قبل لايحقرج

 

[وردة^الكويت]

يتغلا .ويتدلع
بعدين هو زوجج ليش ماكلمتيه اشعليج من الخدامة ؟؟؟

لو انا مكانه بزعل

 

[برنسيسة2007]

اهو بالبدايه صج زعلانه لكن لما طالة استانس عالدلع اهو داق عليج عشان الكلام الطيب وانتي قدمتيله سيل من الكلام الطيب
لو انا مكانج بقطع نهائيا انشا الله3ايام او اسبوع واذا اتصل ماراح ارد واذا دز مسج بدزله شي من الوارد يبين اني زعلانه لان مو معقوله ولا متوقعه انه مايراعي اضروفي ولا يتفهم الموضوع باختصار قلبي الطاوله وزعلي انتي بس هاه مو تستانسين عالدلع وتقعدون قلب بالهطاولات<<<<<لوووووووووووووووول

 

[ماني من الناس]

حبيبتي مو مشكلتج

فيه فئه من الناس يلقبون بالزعولين يعني هوايتهم الزعل يعني طبيعتهم جذيه غير منطقيين وزعولين

فأنتي لا تحملين نفسج ذنب ولا تفكرين وايد ماسويتي شي

 

[زوجة عزيز]

يتغلا عليج ياقلبي

خليه لين يرد من نفسه وإلا بتصير عادة عنده

معاها :eh_s(15):

 

[حليبه]

راح يرضى

 

[حبيبي مالكني]

الموضوع كلش ما يسوى يزعل عليه
بس شكله اهو يبي يتدلع عليج
خليه يعيش جوه
وانتي دلعيه وراضيه
بس لا تزودينها
عشان لا يتعود
الله يوفقكم

 

[توتا حمرا]

مافي شي يزعل بالموضوع
خذاها حجة عشان يزعل عليج
بس اعتذار ومسجات اذا جافج جذي بظل يتغلى حتى لو ما غلطتي بشي
خله يطخ بروحه ​

 

[شيهانه الجبلين]

طولي بالك حبيبتي شنسوي بعد الطفل الكبير انا احيانا يحقرني اسبوع بس لما يرجع يكون فيه اكشن سوالف نوع من التتغير