ياخواتي ساعدوني طاح غلاي

[عذبة الأوصاف]

السلام عليكم ورحمة الله وبركاتة..
انا بختصرلكم السالفة ولاأبي اطول عليكم, انا زوجي معدوم الرومانسية لاكلام ولافعل ولاشي. مايقولي حتى لوأتب وأسويلة شي كلمة تطيح التعب وتجبر الخاطر
وفوق هذا متحملتة لنا3 سنوات متزوجين ولاتغير, الفترة الأخيرة نتهاوش حيل وكان دايم يراضيني وازعل ويراضيني لكن الحين لو أزعل يصد ويطنشني ويقولولي أهلي طاح غلاج عندة.
الله يخليكم ساعدوني أبية يرجع نفس أول ظبعة حيل تغير لويشوفني زعلانة يقول الجاهل زعلت ويقوم ويخليني بحريقة وينزل او يطلع’’. الله يخليكم مابي يطيح غلاي انا عندي بنت ومتحملة غثاه عشانها . أبي نصيحتكم أبيه يتعدل ويرد غلاااااااي اللي طاح ع قولتهم.,.,
لاتقولولي إلبسي وتسنعي؟ اانا موموظفة ومصروفي اللي يعطيني ياه أقطة ع اللبس والتسنع عجزت وماكو رومانسية ولافايدة وفوق هذا دايم برى ومع ربعة ولايطلعني ولامرة قالي امشي نطلع انا احن علية ونطلع ولانطول يادوب مشوار الروحة والردة ساعة

 

[بيتي بوب بس كويتيه]

اكثر الرياييل جذي
واذا عن الرومانسيه هذا طبعه لازم أتأقلمين نفسج
واذا عالطلعه حددي يوم بالأسبوع يطلعج
واذا ما يراضيج عادي انا زوجي جذي لو أزعل من اليوم لي باكر طااف فصرت ما أزعل وأعطيه طاف نفس اسلوبه

 

[الشهد2]

طيب جربي قياااااااااااام الليل وادعي ربج
ان الله يهديه ويسخره لج الله يخليه لج ويحفظج

 

[لوفيه]

اذا كل شوي زعلانه اكيد بيمل كل شوي يراضيج

حتى اذا انغثيتي لا تنطقرين بويهه اخذيها بروح رياضيه وفرفشي

خلي زعلج على اشياء تسوى وعسى الله يهديكم لبعض

 

[عبالي حبيبي]

انا اشوف انج تخففين اهتمام فيه

ترى الريال ان طحتي عليه شاف روحه

مومعناته تهملينه لاااا

قومي بواجباتج ولاتحنيييييييييييين كلش لاتحنين ولاتطرين الحب منه طراره

ريلج والله اعلم انه مايحب العتاب واللوم

من الان ابداي بنفسج اشتركي بنادي سوي اي شي يخليج تشغلين وقتج

طلعي مع رفيجاتك خليلج برنامج رتبيه زين يفيدج ويملى وقتج

وشوفي لي شافج لج مجتمع وناس وتهتمين بنفسج موبس لبس وكشخه

بيحس انج مهمه عند رفيجاتج عند اهلج عندج ارتباطات موشرط اهله بس

والله ليحاول يتوددلج ويتمنى ياخذ حصه بجدولج

وهالكلام اقوله لج وناواثقه ان طبقتيه لتشوفين نتايج عجب

باختصار


لاتخلينه محــــــــــــــــــور حيــــــــــاتج
اذازعل منج تخسبقتي ولاتهنيتي الحياه
لاااااااااااا كوني مستقله

موفقه

 

[مووكيتا]

حبيبتى لا تزعلين على كل شئ ترا الريال ما يحب المرة النكدية فرفشى خلى يحب القعدة معاج

وصدقينى كل ماريحتى رايح يريحج .. واذا عالطلعة سهالات قوليلة عالاقل مرة بالاسبوع ..

الله يهدى لج يارب.

 

[سندريلا 99]

المثل يقول من كثر زعله قل رضاه

 

[salouola88]

السلام عليكم
اول شي حمدي ربج انه كان يراضيج وانتي لانج زودتيها المفروض لما تشوينه يقول عنج ياهل صج تسوين نفسج ياهل ودلوعه وتناقزين واتحكحكين فيه وتتدلعين مو تطنقرين وتقولين حق خواتج وتنصدمين من كلامهم محد يعرف طبع ريلج كثرج وبعدين لاتغيرين من نفسج عشان ترضين غيرج غيري روتين حياتج الزوجيه وبعدين شنو طاح غلاج حمدالله والشكر كبرري عقلج والريال بكللللللللمه تلعبين بعقله استغلي مخه بطريقه حلوه وبسج زعل محد يطيح غلاه بيوم وليله ياحظظظظظظظظي الله يخليلج بنتج يارب

 

[حدى عنيده]

شوفي حبيبتي انا مالومج اذا الوحده قاعده بالبيت ماكوا دوام ولا اكو طلعات بتنغمت بس حاةلي اتلاقين لج شي يشغلج عنه جربي اسبوع لا تسالينه وين رايح ومنوين راد اذا دش ابتسمي حاولي تقللين من العتاب وطول وقتج استغفري استغفري استغفري وصدقيني ربج يفرجها كل شي يبيله صبر

 

[ديانا سبنسر]

مع البنات الله يهديه لج ويسخره

 

[lemonda]

ادعي ان الله يسخره لك ويلين قلبه عليك وشكلك انتي تماديتي في الزعل على الطالع والنازل ومل انه يراضيك كل شوي انتي غيري اسلوبك ولا تتلزفين فيه وتطفشينه منك

 

[ام العامر]

الله يهديه لج

 

[om MaRyooM]

حبيبتبي الاغلبية جذي

مادري فيهم فقر مشاعر الله يهديم


المهم

قعدي معاه وصارحيه وقوليله شنو الخلل ؟؟؟؟؟ افهمي منه

وثاني شي يمكن انتي تزعلين من اقل شي

ترا كثر الزعل والحنة والرنة تطفش الرياال ومع التكرار ايصير يهتم بزوجته نفس قبل



وكثري دعااااااااء
ترا الدعاء والاستغفار مفتااح الفرج

 

[انثى عاشقة]

حاولي تقللين مرات الزعل امتصي زعله
الله يسخره لج ويهديه ​

 

[فوشيهـ]

الجااااهل زعل

بااااين اهو شنو جالس يحس فيه !!

شكلك زعووووله .. يعني تزعلين بسرعه و ع اقل كلمه ..

ومحححححححد يحب هالطبع ابد لانه مايقدر ياخذ راحته معاك

وشي طبيعي اذا كل شويه تزعلين ماراح يرجع يرااظيك

بالعربي خليه يرتاح معااك بالسوالف والمزح وكل شيي لاتدققين وتدخلين بنوايه على كل كلمه
​

 

[mira]

شكلك تبكين ع اي شيء انا زوجي كذا اذا بكيت راضاني بعديين سحب علي
عاااادي عنده لأني زودتها بعدين استحيت ع وجهي ..)

 

[sosowaty]

ااااب

 

[بدورة القمورة]

الله يسخره لج ماعليه اصبري

 

[نحوله عسوله]

الله يسخره ويهديه لج

 

[~ ام خالد ~]

ماعندي غير كلام الأخت

طيب جربي قياااااااااااام الليل وادعي ربج
ان الله يهديه ويسخره لج الله يخليه لج ويحفظج

ورددي
(حسبنا الله سيؤتينا الله من فضله إنا إلى الله راغبون)
(حسبنا الله سيؤتينا الله من فضله إنا إلى الله راغبون)
(حسبنا الله سيؤتينا الله من فضله إنا إلى الله راغبون)

والله يسهل امورك