ياحبي لكم تعالوا شوي

[**فديت عيونه**]

السلام عليكم​

صبااحكم عسسل يابنات الكويت واللي برى الكويت وتنتمي لاحلى منتدى​

بنات انا اعاني من مشاااكل تمتد لــ20 سنه تقريبا
مع خوات زوجي الله يهديهن
اعاني من سوء الظن منهن
حاطين في بالهم حرمة الاخو سوسه تحرش الاخو على اهله
ممكن تحصل في بعض الاسر بس ليش نحكم على الباقي
انا تزوجت صغيره وهم ياقلبي صغغاااار مرره يعني الي على 6 و2و11<<وام 11 اتوقع هي الي زرعت الظن في خواتها وومكن اخوانها الي يكبرونها
بتقولون ليش تبين تتكلمين عن هالامور بعد هالسنين وانا معطتها طناش
على اني حبيتها من كل قلبي لاهي ولا اخوتها من عيال وبنات
بس بالصدفه
انصدمت لما دخلت منتدى واكتشفت بعض المواضيع
تتكلم عن حياتهم وصنفت اسرتها وغيرت بالاسماء
وشكيت بهالامر وبحثت عن مواضيعها
ولقيت شي ابكاني وندمت دخلت وبحثت تتكلم عنيي ولقيت بالصدفه خواتها مشتركيين ويردون عليها على انهم مايعرفونها
اااخ ياقلبي ليه جذيه لييييش بس قلت رحمه من ربي يبيني اكتشفهم
بس بعد اللي شفتها منها
حبها بقلبي تبدل الى كره مو كره اني اضرها لاوالله
بس خلاص حتى هي تجاملني وواضح من فيها المجامله وخواتها
واذا حاولت الطف الجو مزح ماعجبهم تعالوا شوفوا النظرات:rgewrg:​

واذا قلت كلام بحسن نيه هات ياتحليل اذا رحت:eh_s(10):​

المشكله موهنييه وبس المشكله
فقدت ثقتي بالكلام مع الناس ما اعرف اجيب جمله من دون بدليات واخطاء
ولاعندي سوالف صرت احب التزم الصمت اكثر
وباقي حريم اخونهم يحبوني يقولون لي انتي طيوبه
انتي تنحبين
واذا تعرفت على احد يحبوني
ومن اهل زوجي احس بفجوه كبيره بيني وبينهم
فيما كنت دايم معاهم
:eh_s(2)::eh_s(2):
بس اللي اتمنا لا احد يسيء الظن بالغير​

 

[•Brown•Sugar•]

ياقلبي الله يبي يكشفهم لج والحمدلله عرفتي اللي بقلوبهم
وما اتوقع انتي محتاجتهم بشي اذا حبوج اهلا وسهلا
اذا ماحبوج مايشوفون شر انتي ماغلطتي بحقهم والعيب فيهم قلوبهم سوده
كافي شهاده الناس فيج لاتخلين كلمه وحده موزينه منهم تهدم كلاااام واااااااايد وحلو من الناس
خلج واثقه من نفسج ولاتردين على احد

 

[**فديت عيونه**]

تسلمين لي والله يا سكر بني...

حاولت والله ومازلت احاول اني انسااااهم يكفي اخوهم لاجلست معا ينسيني الدنيا ومافيهااا فديته

يعني قولي اعطيهم حق الواجب والوصل....ونفس ماقلتي قلوبهم سودا الله يهديهم


بنات هدفي من موضوعي .... حطوا فكره حلوه عن زوجات الاخوان تراهم هادين اهلهم وجوا يمكم

ومع العشره الحلوه الكريهه تصير حبوبه

 

[عظيمة الشان]

هلا يا قلبي

معليش في بنات واايد جي

قلبهم اسووود حقووود

خلج الكبيرة في السن والمقام كالمعتاد

مو ناس جي دون المستوى يأثرون فيج

الله يهديهم بس

ولتزعلين نفسج

تحياتي لج​

 

[كويتيه إنما أيه]

طنشتعش تعيش وتنتعش قطي كل شي يضايقج ورا ظهرج ماكو شي يستاهل انج تضايقين روحج عشانه

 

[الغلا كله لبوي]

بما انهم ماضروج بشي خلي علاقتج معهم نفس اول بالعكس حاولي تغيرين فكرتهم عن زوجته الاخ وعامليهم بطيب صدقيني راح يتغيرون ومايصح الاصحيح وربي يوفقج حبيبتي

 

[malte]

عادي حبيبتي اكبر طاف شنو يعني خل يقولون الي يقولونه بس لاتوصل الامور لعلاقتج بريلج
× خط احمر
واهم الله فوقهم حبيبتي ماله داعي تحرين عمرج وشي الثاني حبيبتي ماله داعي الصدمه الي انتي حاسه فيها اهم بشر مو ملائكه خيرتهم بيملون ودام هالسوالف بيناتهم كيفهم اهم شي ماينشرون عنج سوالف مو صحيحه بالعايله واني خلج رسميييييه وياهم
الله يوفقج حبيبتي

 

[ή๑ή๑ ..♥]

يـآأإوييييييييل قلبي
ذا شي يقهر والله ارتفع ضغطي
عطيني رابط موضوعها اوريها الشغل عدل <<-داخله ع هواش الاخت



~
الله يصبرج عليهم ..

وعليج بكلام البنات طنشيهم ولآ تحتكين فيهم حيل خل علاقتج معاهم صطحيه
يعني سلام وعليكم السلام شلونج تمام وانتهي الموضوع
لان ذول البششر حمد لله والشكر عقولهم ع قدهم
هذى وهي ع 11 لو وصلت 18 وش بتسوي الله لايبلانا

 

[**فديت عيونه**]

هلا يا قلبي​

معليش في بنات واايد جي​

قلبهم اسووود حقووود​

خلج الكبيرة في السن والمقام كالمعتاد​

مو ناس جي دون المستوى يأثرون فيج​

الله يهديهم بس​

ولتزعلين نفسج​

تحياتي لج​

بارك الله فيج ياقلبي :eh_s(17):
بس تراني موكبيره يعني قولي ناضجه<<احلى ياناضجه:ggdw:

والله اهتزيت يامثبت العقل والدين

 

[**فديت عيونه**]

كويتيه انما ايه...
الله يكون بعوني ياقلبي تسلمين

الغلا كله لبوي...
هذا انا ماتغيرت رغم كل شي لابغوني لقوني...وما اسمح لاحد يجيب ذكرهم بشيء سيء وانا موجوده...بس هم بيغيروني بسبب المعامله الجافه وانا من النوع ما اتغير ولا ابي احد يتغير علي<<مقروده

malte
تسلمين ياقلبي...اهما قاعدين ينشرون علي اشياء تصدر مني عفووويه وعادي يضحكون وسوالف واخرتها قاعد بقلوبهم ....ليش ليش جذيه..والله ما اتمنى لهم الا كل خير الحين موعارفه اتكلم معاهم على بالهم فيني بلى وتدرين شلون الوحده اذا كشفت ناس واهما على بالهم ماكشفتهم شلووون تتعاملين معاهم هذا احساسي
والا اقول شف وشفت وان قلت ماراح اخلص من المشاكل..

nono
تسلم روحج الحلوه لا يالغلا انا احب الستر على نفسي عسى الله يستر عليهم وعلي وعلى كل وحده
الي عمرها 11 انا عانيت منها وهي صغيره الحين ما شاءالله عمرها 25 او26 بس اشووف الكره بعيونها واثرت على خواتها...الله يهديهم...قد مره صارت سالفه بيني وبينها وخواتها قلبوا علي وقلت لهم ((وتعاونوا على البر والتقوى ولاتعاونوا على الاثم والعدوان))



الحين قاعده تسولف مع بناتي الصغار..تقول امكم جذيه وجذيه اي سالفه معشعشه بعقلها تقوله لبناتي الصغار طيب ليش ابي افهم عاد بناتي يجون يسالوني يمه انتي كنتي جذيه..!!! والله مارديت بكيييت لين قلت الله اكبر
بس بنتي الكبيره زعلت وتبي تواجههم قلت لاعيب مهما كان هذولا عماتج وكل السوالف اللي يتكلمون عنها وهما صغااار ما اشره عليهم

لانزلت جيتهم احس بضيقه

الله يهديهم واكفنيهم بما شئت

 

[( المـلاك )]

الله يهديهم انشالله
اهم شي انتي تكونين زينه وماتضرينهم
واهم عاد كيفهم
الله فوق ويدري بالنوايا
اللي عليج سويتيه
وخلاص كيفهم

 

[عبير العنزي]

الف عين من اجل عين تكرمو

عشان خاطر ابو العيال..طوفيها لهم والحقد والكره مامنه اي فايده

انزين ليش ماواجهتيهم؟؟ او ليش ماعاتبتيها اختهم الكبيره

ليش تقعد تشهر فيج بالمنتدى.. انتي دامج سكتي اكيد شفتي اللي كاتبينه صح؟ وانج كنتي غلطانه

ع الاقل عاتبيها بأسلوب ليش تخشين بقلبج وتحقدين عليهم يعني قاعد يتبلون عليج ويكتبون عنج كلام ماله صحه وانتي ساكته

كل اللي قدرتي عليه انج تكرهينهم وتحقدين عليهم؟ ليش بالنهايه انتو عايلة وحده وهذول خوات زوجج وعمات عيالج وبينكم عشرة عمر..

 

[ZoOka]

ياقلبي
حاولي كبري عقلج جدامهم فووق عمرج و ابتسمي لهم بكل برود اذا سوولج مواقف سخيفه او تكلموا عنج

انزين بسألج سؤال بسيط ...
شلون معاملة زوجج وياهم؟؟
مثلا مرات يزفهم او مايقعد وياهم وايد او مايطلعهم ..الخ << من هالسوالف يعني ماتصير؟

 

[معزوفة عشق&]

up
up

 

[أم توتو]

طنشيهم واتركيهم لا تعطينهم اكبر من حجمهم اهم شي ريلج وامه باجر يحتاجونج دايما بعض الحموات اذا صارو مو متزوجات يحسون بغيرة من مرت اخوهم الله يعينج اختي لاتزوجو يمكن يتغيرون

 

[ياحُبِي لِلكويت]

الله يهديهم ...

 

[دلوعة أبوهآ]

الله يعينك ..

 

[المستغفرة 74]

سبحان الله ربي يحبج عشان جذي كشفهم لج
وانتي خليج رسمية معاهم وسطحية والله يعطيج على قد نيتج

 

[**فديت عيونه**]

صج عندي خواات ماجابتهم امي....


ردي لاختي العنزيه....

الحمد لله مهوب فيني والدليل اني ادعي لهم بالهدايه ماقلت الله ياخذهم...وبعدين فيني عطاااء من الطيبه مااتوقع بيحصلوونه من احد
حريم اخوانهم يجيبون لي بعض السوالف الغير مباشره عنهم...تلميحات وجذيه مارحت فتنت بينهم...ومارحت اقول سوالفهم لحريم اخوانهم الثانيااات انا قاعده استر على بنات خلق الله ولا احب الفتنه .. اختي ماقولها هالسوالف اللي بينا عشان ما ابيها تتغير بس صارت ظروف واكتشفت تفكيرهم..وللحين مصدومه تقولي انتي تذكرينهم بالخير ليش جذيه ...قلت بلوى وابتليت فيها الله يصبرني
لاجل امهم وابوهم وولدهم ينحطون على الجرح ويبرى
بس ليش هالشررخ

وبعدين ناس يطلعون كلام ويحللونه على كيفهم ....وغلب الي يردون عليها ما ايدوها واللي تقولها الله يشفيك...!!!
وهي عصبت تقول بنات ابيكم تعطوني ردوود تشفي غليلي..!!!!!! بالله هذا شتسموونه الله يشفيهااا

خلاص انا فضفضت وقلت اللي ابيه من هالموضوع الا وهو..

لاتسيؤا الظن بحريم الاخواان ترى فيهم خييير







اما علاقتهم بولدهم اهو متزوج صغير وطايش مره يهاوش ودااايم يحب يضحك ويتغشمر تزوج وشوي انشغل عنهم
انا اقوله قبل وللحين ليش ماتسولفون مع خواتك ترا بكر لاتزوجوا ودخلوا بمشكله الله لايقوله يحتاجون لك
يقولي صح والله صادقه بس ماتعوود وبعدين لها بمصالحه وتدرون الدنيا ومشاغلها بس يهديهم ويعطيهم فلوس
واقوله بيض الله وجهك ....ليش ما اقوله لا لاتعطيهم..؟؟؟!!!!!!!!!! ليش ما احرش على قولتهااا

بنات انا موضوعي فتحته لاجل هدف ولاحظت انه اتعبني
بس

في هالزمن الطيب ينداس بدال ماينرفع فوق الراااس

 

[ZoOka]

محشوووووووومه حبيبتي
وانتي ع العين و الراس

بعد هذا اللي داير في هالزمن الطيب بين الناس مأكول حقه