يابوي اكتب فيك مــن الشعر ابيات .....

[حروف الغـــــلا]

دقات قلبي تزيد بحرة فيها ××× والدمع من مهجتي بالحزن ذرافي
من لوعة يا عسى ربي يجليها ××× حمى غشتني بغم وتنفض أطرافي
ليت الليالي تعود بحلو ماضيها ××× هيهاتِ ترجع بما روَّح وما طافي
كل(ن) يعزي وأنا روحي أعزيها ××× رحيل أبوي اللي بالأفضال معطافي
آهـ من الوقت والدنيا أثنِّيها ××× دنيا تفرق شمل بالحيل تنعافي
بسمتك يا والدي ما ني بناسيها ××× تضحك إذا شفتني بالخير متعافي
ليت العمر ساعة تنباع واشريها ××× باغلى ثمن يايبه للعمر تنضافي
مسجدك مشتاق للآية وتاليها ××× ومنبرك من عقب ما فارقت له طافي
غرشة دهن عودك بدرجك أغطِّيها ××× أشم ريحه وكنك مقبل(ن) لافي
نظارتك شلتها حزني يبكِّيها ××× حتى المساويك ناحت بين الأرفافي
يبه .. يبه .. يا يبه لمن بأطرِّيها ××× هني من له أبو حي(ن) وينشافي
فنجال قهوة معاك أوقات نغليها ××× ويضمني بالشتاء في مشلح دافي
همزت رجليك أنا أفدى مواطيها ××× أرجي لبرِّك عسى ما تشكي خلافي
الأرض ضاقت علي باوسع فيافيها ××× ماذقت نوم هني والأنس متجافي
فضايلك يا يبه عجزان أوَفِّيها ××× لو وصلت بالشعر بيت الألف من قافي
يا ربي تجعله للفردوس ناصيها ××× ومن ثمار الجنان قطَّافي


منقووووول
مرثية اثرت فيني حييييييل​

 

[حطموكَ يآقلـبيَ]

[يبه .. يبه .. يا يبه لمن بأطرِّيها ××× هني من له أبو حي(ن) وينشافي
/quote]

جبتيها على الجرح الله يرحمهم يارب تسلمين يالغلا

 

[حروف الغـــــلا]

الحال من بعضه ياقلبي

 

[كتكوته غنوجه]

الله يغفر لاباء وامهات المسلمييييييييييييييييييييين