يابنات زوجي تعبت معاااه مو عارفه شنو الحل....ساعدوني

[مس فبراير]

مرحبا يابنات شلونكم...

انتوا اخواتي وحبيباتي..حبيت اطرح موضوعي وابي حل او طريقه يمكن انا ماعرف

يابنات اول شي انا ساكنه بيت حمولتي وبابي خارجي وبروحي وصراحه عمتي مالها شغل فينا ابد وماتدخل فينا صراحه ..

وانا اطبخ في بيتي وتقريبا شبه يومي اطبخ وزوجي يحب الطبخ..وماشالله من النوع الاكول ماشالله عليه بالعافيه واهم شي انا

اطبخه الخدامه ماتمسك شي

بس مشكلتي معااااه..

لو يوم واحد ماطبخ عنده اني مااطبخ ابدا واني مقصره فيه يقول كلام ماينقال تعرفون الكلام يجرح حيل اقوله انا تعبانه ولا

ولامونايمه عدل مايعذر ابد..

ولاتهاوشنا ودخلنا في نقاش جاب سوالف قديمه مالها داعي تنفتح مره ثانيه..

وكلام يعور القلب..

انتي ماتعرفين شي..انتي مو مهمله..انتي ماتدرين عن البيت..وانتي وانتي وانتي.....

وتخيلوا انا الحين صار لي 3 ايام مااكلمه وهو عادي عنده ولا كنه ماغلط علي...وجرحني..وعلى فكره دايم ازعل واتضايق

وانا ارضي نفسي وامشي الامور بكيفي ابي الحيا تمشي

بس بصراحه اشوفه تمادى حيل

وتخيلو يابنات شنو سبب زعلي عليه..

ذاك اليوم دق علي وانا عند اهلي وكنا نبي انام عندهم انا وعيالي..

قال بجيكم استانست قلت اكيد مشتاق لي..

والحمدالله متكشخه وشكلي يرضي..

جانا وخذانا عيالي ناموا اول ماجيت..

والبس واتعطر واتبخر...

طبعا هو ولا كلمه ولا تعليق...

مع ان شكلي مغري وحلو...

المهم جيت اول ماقعدت عنده قام يطلع سوالف دوامه وخرابيط يعني مالها داعي هالسوالف بهوقت بس انا مابغيت افشله..

ابيه يسكت قمت اول ماابي اضمه تخيلوا وخر مني وقالي صج امس ليش تزعجيني عند الشباب وادزي لي مسجات خلاص

انا اذا طالع لاتزين لي مسج..تفشلت..وخرت منه عقبها قعد يهاوش ويطلع سوالف مالها داعي كالعاده...

تعرفون انا هني تضااايقت حيييل واحس ماكو فايده والله اني قعدت ابجي من الحره ليش هو يعاملني

مع العلم والله يابنات من خذيته ماعمره جاب لي هديه الا مره وحده عقب ماقلت له ابي هديه

ولا قالي كلام حلو ولا قلت له ليش ماتقول كلام حلو يقول ماعرف..امانه في احد مايعرف يقول كلام حلو..

وتخيلو مو انا الحين زعلانه ومااكلمه عاااادي عنده ولاهزت منه شعره..

ومريت من عنده قلت له انا بقولك شي انا عارفه ان مالي قيمه ولا حب ولا احترام بحياتك..اهنيك بقلبك صراحه..

والله والله والله ولا حتى رد علي ساكت...ليش ماااادري؟؟؟؟

الحين مو عارفه شلون اتصرف معاه مو عارفه شنو اللي يرضيه...

قولولي تكفون انا تعبت والله...

 

[ريماس21]

الله يعينج

بس الرياااجيل هذااا طبعهم حدهممم جاااااااااااافين ولا يطلع منهم كلمة حلوووه

والله يهديه يسخره لج

 

[zanobita]

حبيبتي ماينفع جذي تحرين عمرج و تبجين بلدار و اهو لاهي بحياته و مايدري عنج و حتى اذا قطيت كلمه علطاير يا ان يسكت يا يقلبهه هوشه ...
انتي الي تقدرين تسوينه من وجهة نظري ان حاليا تردين المياه لمجاريها و تردون حياتكم العاديه و حسسي انج مو زعلانه خلاص و بعدها بيومين ثلاث قعدو بمطعم وله بمكان هدوء و بروحكم وقعدي سولفي وياه ... لاتحسسينه انج بتحاسبينه بلشي الكلام جنه سوالف عاديه و تغزلي فيه و مدحي و احبك و ماقدر اعيش بدونك و من هلحجي وبعدين بلشي ويا الكلام و قعدو تناقشو بهدوء و بأي لحظه حسيتي ان بلش يقولج كلام طاف و يعيد و يزيد انتي سكري الموضوع على طول بطريقه ذكيه يعني لاتجعمينه قوليله خلص حبيبي حصل خير و بلمره الثانيه زيدي الجرعه شوي و قوليله شلي يضايقج و شنو تحبين و شنو ماتحبين ( ترا صج في رياييل مايعرفون يتغزلون و يدلعون )
عموما انتي حاولي ويا بهلأسلوب النقاش الهادي و طبعا انتبهي على الاجواء على نبرة صوتج على شكلج لان كل هذا يأثر و اذا شفتي مصخها زياده عن اللزوم و ماينفع ويا جذي قعدي ويا قعده جديه و قوليله كل الي بخاطرج و انشالله يقتنع
موفقه حبيبتي

 

[مس فبراير]

مشكورين ياحيباتي....

 

[DooLy88]

الله يهديه

قعدي تفاهمي معاه بهدوء ليما تاخذين منه كلمة تفهمينمنها شسالفته
وان ياب سوالف قديمة قولي له لو سمحت احنا نتكلم بموضوع ثاني

 

[همسQ8]

يابنت الحلال تعوذي من ابليس ترى كل الرياجيل جذية وكثري من الاستغفار وعلى قولت السوريين كبريها بتكبر وصغيريها بتصغر

 

[واقعيـــة]

رد : يابنات زوجي تعبت معاااه مو عارفه شنو الحل....ساعدوني

الله يصلح بينكم ويجعلج في عينة أجمل نساء الأرض ولا يعرف من الحريم غيرج

ويسخره لج ولعيالج .. اللهم آمين


مس فبراير

أحسن شي للرجل أنج تكسرين الروتين معاه .. يعني إذا هو متعود منج دايمًا كلام حلو

قللي نسبه الدلال عليه شوي .. بيستغرب وبيصير أهو اللي يركض وراج حتى يعرف

شالسالفه .. لا تقصرين في حقه من ناحية الطبخ وهالأمور .. بس إن تعبتي وما رحمتي نفسج

صدقيني محد بيرحمج .. الرجال يتعلم يرحم زوجته من رحمتها لنفسها .. ولا تهتمين كثير لردة فعله

إن ما طبختي .. طبعًا أنتي ما تتركينه بدون طبخ إلا إذا مضطره يعني معذووره


أحيانًا الزوج يكون محرج لأن زوجته عاجبته بكشختها وأناقتها .. وبس تتودد له يعتفس .. ويمكن زوجج من

هالنوع .. عشان جذي يتحجج بسوالف الدوام وغيرها من الأمور .. أنتي بس حاولي تردينه للمود اللي تبين

بطريقة الأنثى .. يعني مو لازم تبينين زعلانه أو محرجه أو تكدرتي .. بيني مهتمه بكلامة .. وحاولي تنهين

سالفته بطريقه ما تحرجينه فيها ..


أما بالنسبه لقسوته من ناحية أنه يتركج حتى لو ما كلمتيه وقت طويل .. هذي ترى عوايد الرجال .. بس تكون زوجته

من النوع اللي تسعى للصلح بسرعه وقلبها خقاق .. يطيح فيها .. عمومًا حلو تكونين متسامحه .. بس أحيانًا بعض المواقف

مطلوبه ..

موفقه يا قلبو

 

[بلا وجع قلب]

انا رايي راي البنات قعدو بمطعم وتفاهموا وانتي ادعي ربج ان الله يسخره لج ويحنن قلبه عليج

 

[أنا Top أنا]

رد : يابنات زوجي تعبت معاااه مو عارفه شنو الحل....ساعدوني

عادي حياه طبيعيه واتركيه ولا تكلمينه وعطيه طااااف

ترى في بعض الرجال ما يعرفون يراضون حريمهم ... عشان جذي تلقينه مخلي نفسه مو فاهم او مو عارف انج زعلانه ..

وانتي قلتيها انه جاف ف مو عارف اشلون يبدي معاج .. وانتي بعد جيتيه وقطيتي عليه جم كلمه !! لا والله إلا زاد بجفافه ,, خليه ليما يحس اهو من نفسه ولا تزيدين عليه بالحجي ..

وبعدين انتي عارفه رجلج أكووول ليش ما تسويله غدا كل يوم؟؟ .. انتي اللي جبتي السالفه حق نفسج .. سويله وسدي حلجه وبس !!


وخليج مثل اختي إذا تأخرت عالغدا تقول كلمتها المعهوده ((( يا ويلي ويلاااه رجلي بسوي غدااااه )))
والله يصلح حالج يا رب

 

[الباحثه]

الله يكون بعونج حبيبتي بصراحه باين عليج بنت اصل وما منج قصور

بس يمكن ريلج من النوع اللي يستحي يعبر عن مشاعره اسلوبه شوي ناشف بس تلاقينه من الداخل حنون وعاطفي مثل الطفل العدواني قلبه ابيض بس الكل ينفر منه الا امه لانها تفهمه وحاسه بمعناته

انتي اللحين زوجته لازم تفهمينه عدل وتصبرين علي طبعه
حاولي تجرئينه عليج لا تستسلمين غرقيه بالكلام الحلو عشان يتعلم منج وشوي شوي راح تلقنه يقولج كلمه حلوه بدون شعور وبعدها راح يستحي طبيعي لا تتفاجأين خليج متقبله الوضع وكملي

دلعيه حسسيه انج تحاتينه وتخافين عليه حتي لو تطنز عليج كملي لا تتحبطين لحد ما يتعود علي هالمعامله ويدلعج اهو بالمستقبل

واشتري له نقصه تي شيرت مثلا او دشداشه للبيت او بجامه او عطر علي حسب ما يحب وقوليله اشتهيتها عليج وتنقصتها لك اتمني تعجبك واكرر لا تتحبطين من ردت فعله خليج طبيعيه وتفائلي بانه راح يتغير

المعامله الحلوه تكسر عينه وتغيره لج 180 ْ صدقيني

الله يعطيج علي قد نيتج ويسعدج السالفه يبيله شويه صبر وطوله بال ربي يسخره لج ولعيالج انشاءالله​

 

[روح الدنيا]

استغفر الله ياربي الواحد ما يدري شيقول ،، اشياء تعور القلب


كتبت رد كامل و مسحته ,, بس بقولج ادعي ربج انه يسخره لج و ما يخليه يشوف مره غيرج


الله يصلح مابينكم

 

[سارووونه22]

الله يعينج ويسخرلج ريلج

 

[AMAL Q8]

الله يحنن قلبه عليج ياقلبي ..
مالج الا الاستغفار والله له وقع كبير في قلب زوجج

 

[ام القمرالمطيري]

الله يقطع برووده

هذا نوع من الرياجيل صعبه التعامل وياهم .. ومسالة الزعل ماتجيب فايده

لان قلوبهم حجر .. تلقين من صغره ومن تربيته جذي

فــ المره اهني تصير مهتمها اصعب ............ وتصير هي الزوجه والزوج .. لانها لازم تحرك كل شي بنفسها

يعني زعلتي مثل ماقالت تعزمينه لمطعم .. تعاتبينه

لما يضايقج بكلام قوي .. تبتسمين وتقولين اسفه كلامك يسئ لي وانا مضطره انسحب .. بينقهر

مره مرتين ثلاث يشوفج ماتاثرين بيبطل هالكلام .. لان الهدف من كلامه انه يضايقج بجذي يحس بقوه .. هذا طبعه شوي تعبان وصعب

فــ انتي كوني قويه ابتسمي ووخري

سياسة التدليل الزايد له خفيفيها .. دام مايترس عينه شي

خليه يفقد تدليله لج ويبيج

وصدقيني هو يحب ويفقد وجودج .. لما قلتي نمت عند اهلي وجا اخذني .. ماتحمل فراقج .. بس طبعه مايتكلم .. يعرف اي .. بس ماهمه مشاعر الغير .. همه مرتي تكون جنبي تسعدني وبس مو شرط اعطيها شي

في اشكثر جذي

ولما قام يشكي لج .. دليل ع قربج له وانه يرتاح لج وقاعد يفضفض لج

مسالة خرب القعده .. انتي الي لازم اتحكمين .. اوك عاتبج قولي اوك امرك ويلا عاد انسى .. وردي ضميه

عوديه ع سوالف التلزق لفتره .. ولما مره بتقطعين شوفي انه فقد هالشي

تحملي طبعه .. وحاولي انتي تسحبينه

يعني لو مايعزم انتي عزميه .. صدقيني دام قبل عزومتج يعني يحب الطلعه معاج بس مايحب يتعب او يبادر

والله يفرجها عليج ويسخره لج

 

[pink Flamingo]

رد : يابنات زوجي تعبت معاااه مو عارفه شنو الحل....ساعدوني

الحين مو اهوا زعلان بالطقاق
انا اقولج شي
اول شي كل يوم لبسي بالبيت وفل ميكب ولبس قصير و تمشي ولما يكون موجود سوي نفسج ماتشوفينه تدلعي و تغنجي حق روحج راح يفلفل والله اكثر من وحده مجربتها وانا بعد
ولي كلمج تكلمي معاااه بكل برووود وطلعي ودخلي بس استاذني منه

ورجعي يوم طبخي ويوم لا على كيفج محد يجبرج ولا الشرع بعد ولي قالح اي كلام مايعجبج قوليله يسلم راسك وامشي عنه

والله الرياييل مايمشي معاهم الا الحقران والي بيقوله يقوله والله لي شافج خايفه منه ولاانج اتحاتين رضاه وتتوسلين فيه ماراح يتهم فيج حقريه وطقيه بالطوفه يرجعلج
وثقلي عليه لاتدقين الا للظرووره القصوى

واكبررررررر غلط نومتج بيت اهلج لوو شنو المره مالها الا بيتها تونسي بيت اهلج ورجعي باتي بيتج حتى لو طردج اهوى الي يطلع و انتي الداشه والله هالشي يخلي الريال يفهم انه مرته لها شخصيتها بيتها ويحترمها
تحياتي

 

[ميارر]

الله يعينج


بس صدقيني انا نفسج اذا اعجبة الشكل


يا يعلق تعليق سخيييف

لانه متوتر وموقاادر يستوووعب انه في احد

يهتم فية ويكشخلة كذاا

وكلهمم زييي بعض طينة وحدة

 

[آجمل نسآء آلدنيآ]

رد : يابنات زوجي تعبت معاااه مو عارفه شنو الحل....ساعدوني

شـوفـي آنـآ مــآبـي آقسيـج ولآ بقــويـج عليـه .. بـس بسـرآحـه شـي يعــور آلقـلب​

آذآ آنتـي مـو مقصـره معـآه و قـآيمـه بكـل وآجبـآتـه .. و آهــوآ حتـى مـآيشكـر ..​

هـذآ جـآحد و نـآكـر ..​

خـلآصـة آلسـآلفــه .. آللـي مـآ يعـدني رآس مــآل مــآآ آعــده "نعـآل" عـزج آللـه ..​

آهـوآ زوجـج آيــه و آبـو عيــآلج ســح .. تحبينـه و تحترميـنه خووش كـلآم ..​

و آدري آن آلــوضـع مـآزمـج .. قـآعد معـآج فـ بيـت وآحـد و حتـى كـلآم مـآ يكلمــج ..​

بـس آنتــي آللـي طنشـي لآ تـروحيـن تكلميـنه .. بيحقـرج لـي متـى ..؟ مسيــره يتكلـم ..​

و ذيـك آلســآعه طلعـي آللـي بجبــدج ..​

و آللــه يصـلح آلحـــآل ..​

 

[نسيت الهوى]

يبا الزعل مايفيد مثل ماقالت اللي قبلي تغلى اشوي عليه ولا اتبينين انج ميته عليه ترى والله مايلقي لج اهتمام .. لا اتشرهين دايم هذا طبعه مستحيل يغيره .. الطفل وهو طفل صعب اتغيرين طبعه اشلون رجال.. انت استمري باهتمامج ابيتج وابطنه ولا اتخلين له فرصه ايدور عليج الزله وعشان تعيشين مرتاحه لا اتصيرين حساسه طوف تراه مو ملاك وترى الحياه حلوه لا اتعكرين حياتج بهفوات انتي ماتسلمين منها .. ومن قال الرياجيل يراضون حريمهم دايم زمن الرجال انتهى ويسلم عليج ..

 

[Ameeraaaaaa]

هههههههههههههههههههههه
طاف
ان زعل طنشي
وان رضى حاجيه كلمة ورد غطاها

بس انتي قوي قلبج
ترا المرة اللي تطنش اهي اللي قايم سوقهاااااااا
)
الله يعينج

 

[غنوة ستايل]

الله يهديه يارب .