يابنات رجيتكم تدخلون تكفوون اختي بتروح من ايدينا °°°°°

[afaf]

سلام عليكم ورحمة الله وبركاتة °°°°°

بختصار موضوع يا بنات عن اختي

بنات انا اختي عمرها 13 سنة واحنا اهلها لا نعلم مابها يعني انها. لاتاكل ولا تشرب ولا تتكلم ضارت لها هلحالة من قبل شهر رمضان
تغيرت البنت. 100% وللحين هذي حالتها طالعناها برا مشيناها هي هي ماتغيرت وضارت اضعف زيادة ولون وهها يسير يا اضفر يا اسود



ياربي بنات اكتب وانا دموعي نازلها تكفون بنات الي تعرف رقم شيخ او شئ ثقة يعالج بالقران لتن اختي بتروح من ايدينا

يالله بنات ابيكم تساعدوني برقم شيخ او شئ تكفووون

 

[afaf]

اف وينكم بنات

 

[afaf]

وينكم يابنات. انتم بس تقرون وتطلعون ع لاقل دعوة لاحول بالله

 

[Denya-3'areeba]

شغلي سورة البقرة بالبيت .. واشتري ماي زمزم واقري فيه وشربيها
الله يشافيها ويطمنكم عليها

 

[ليتني مـآ كبرت]

حبيبتي بهالعمر البنت محتاجة عاطفة وحنان و اهتمام

يمكن هذا اللي متعبها

او احتمال طايحة بمشكلة ومو متجرأة تعرضها عليكم

انتي حسسيها بالثقة والامان و شوي شوي سأليها


وقولي لها إذا عندج مشكلة قولي لي نحلها مع بعض


وَاللّـهْ يهدي بالها ويريح قلبها

 

["smart_girl"]

مادري والله حالتها غريبه !!! ماعرضتوها علي دكاتره !!! ومن شنوووو صار لها جذي احد مخرعها او طايحه بمكان ؟ انصحج نزلي الرقيه الشرعيه علي الايباد ولا الايفون وخلي شغال عند راسها طول ما اهي نايمه يومياااا ورششو البيت بماي وملح وزيت ورد واقرو فيه وما عندي علم عن مشايخ لكن ارقوها يوميا قبل المغرب الله يعينكم ويصبركم

 

[فتاة حالمة]

ربي يحفظها من كل سوء

ويلبسها رداء الصحة و العافية

 

[أإلع ـشق دلع ـهـأإ]

لا حول ولا قوة الا بالله

حبيبتي لازم تعرفون شنو سبب اللي صار لها كتبوا لها سوو اي شي ؟؟

وارقوها انتم

شغلي سورة البقره عليها خلوها شغاله

وببعد صلاة الصبح والمغرب قولي الاذكار لها

حطي ايدج ع راسها واقري عليها الفاتحه ٧ مرات والكرسي والمعوذات كل وحده ٣ مرات واخر اية من البقره اللي اهي امن الرسول

ودشي قوقل وكتبي ايات العين والسحر والشفاء

وسوي لها خلطة الشيخ ابراهيم الرويس اللي اهي

تجيبي زيت زيتون وتحطين فيها فنجال حبه سوده وفنجال حلتيته لينه ريحتها لا تطاق بس تحملوا

حطوهم كلهم مع بعض ابطل ماي صحه

واقري عليهم الرقيه مالت العين والسحر والشفاء مع النفث في الزيت

وخليه ٤ ايام يتنقع وكل شويً رجي البطل

وقبل لا تنام دهني جسمها كله بطنها ظهرها

وجيبوا ماي زمزم واقري عليه بعد وخليها تشربه وسبحوها منه

ومع الدعاء لها والتصدق لها

وانصحج تدقين ع الشيخ ابراهيم الرويس لو ناصر الرميح. كلهم سعودين ويعالجون بالطب البديل

ناصر الرميح يطلع ع قناة اوطان ابخثي عنه وشوفي كتى يطلع

وفي راقين يرقون بالكويت جنه سمعت بواحد بالجهرا بس مو متاكده

والله يششفيها ويخليها لكم يارب

 

[سيدة ولكن]

الله يشفيهااا ياااارب

 

[روجَ آحمرَ ..×]

-






آنتوآ بـ آلبدآيه اعرضوها على اطباء
بعدين شوفوا لها مشايخ كويسن وثقات

 

[afaf]

جزكم اﻷه خير بنات



طيب يابنات احد يعرف شيخ ثقة

 

[the-angel]

الله يشافيها

حبيبتي اهي يمكن صايره لها مشكله او تعرضت لموقف تذكري اخر يوم قبل ما تتحول جذي وين كانت ومع منو

وحطي لها الرقيه الشرعيه

 

[BaRoOoRii]

حبيبتي البنات ما قصرو والله يشفيها يارب و ترد مثل قبل و احسن

 

[گـروزه]

الله يشافيها و يعافيها
ماااعندي اي خبره عن المشايخ
حطي لها الرقيه الشرعيه

 

[جذابه بنت ذيابه]

الله يشفيها يارب
يوميا شغلي البقره بغرفتها و بخري الغرفه بحبة سودا
و ودوها للمشايخ

 

[هناء - Hana]

الله يشافيها ويعافيها شغلي صورة البقرة وان شاءالله بتصير احسسن.

 

[نونه المنكوشه]

الله يشفيهاااااا ياااارب

 

[afaf]

الله يجزيكم الف خير يعني بنات مافي مشايخ تعرفون يرقون

 

[منيرة خالد]

الله يشافي اختج ويعافيها

نصيحه لا تروحون للمشايخ بالمره

اول شي اعرضوها على دكتور نفسي ، وشغلوا لها سورة البقرة وانتوا اقروا عليها الرقيه الشرعيه واذا استجابت لكم علموها تقرأ على نفسها


يمكن البنت تعرضت لموقف او شافت شي ارعبها

فالافضل عرضها على دكتور نفسي مع الرقيه

 

[طال السكوت]

الله يشفيها. يارب