يابنات تكفون لحقو علي حدي متضايقه وتعبانه !!!!

[* أم دودي *]

السلام عليكم ورحمة الله وبركاته

مشكلتي باختصار يابنااات اني صار لي فترة اعاني من كوابيس واحلام مزعجة

وغير جذي احس بضيقه وبس أبجي مع هالاحلام ...

انا حاليا عند اهلي اتضايق من شقتي ما ودي ارد لها .. قبل جم يوم والله يابنات لما دشيت لها غصتني العبرة من اللي فيني

وبس أفكر في عيالي واحاتيهم ... وأفكر في الموت ..


مادري شنو تفسير اللي فيني .. ناس قالو احتمال عين وناس يقولون سحر
انتو شرايكم منو صدفت نفس مشكلتي ... ؟؟


ولا تبخلون علي بدعائكم ان الله يشرح لي صدري ويشفيني من اللي فيني ويخليني لعيالي ويخليهم لي ويردني لزوجي
والله يجزاكم خير


تعبانه يابنات نفسيتي حيل تعبانه وغير جذي حامل وبآخر شهور حملي ... الله يشفيني يارب

 

[noorq8]

تعوذي من ابليس مافيج الا العافيه وهذا الحمال وتغيير الهرمونات والمحاتاة باجر تقومين بالسلامه وتنسين هذا كله .

 

[الشايعية]

دام إنج حــامل عـــــــآدي ياقلبي إن شاء الله مافيـــج شـــي تقلب هرمونات أكيد بتقولين ماصارلي من قبل في حمالاتي بعيالي أقولج كل حمله غير عن الثانيه

كثري إستغفاار واقري على نفسج وإذا حالتج كلش ماتسر روحي للحداد خل يقرى عليج وإن شاء الله يفرج همج ويخليج لعيالج وزوجج ويهدي سرج يارب

 

[Rawo0onah]

يا حبيبتي لا تخافين
انتي اولدي بالسلامه
وشوفي تتغير حالتج يمكن نفسيتج
تعبانه من الحمال
واذا ما تغيرت روحي عند شيخ شوفي
شفيج يمكن سحر والا عين (ابعيد الشر عنج
بس لازم تقرين الاذكار ولا تنسين الاستغفار والدعاء
وقيام الليل قومي صلي وادعي ان تتحسن نفسيتج
وانشاء الله خير ....​

 

[* أم دودي *]

الله يجزاكم خير

انا فعلا أقرا الأذكار واستغفر وخف التفكير عن اول ..

بس هالاحلام والوساوس ماخلتني
وغير جذي صرت اخاف ارد لشقتي .. اخاف يزيد اللي فيني ..

 

[afesa]

شوي اكيد هذا من الحمل بس انصحك لا تستسلمين حق هالافكار والوساوس ولا تكبرين هلافكار ببالك ترىهالاشياء تبتدي صغيره وتكبر وتكبر لما تصيطر على تفكيرك ؟؟
اتجهي الى الله وصلي ركعتين بجنح الليل واقراي القران والاذكار قبل النوم وادعي ان الله يكشف عنك اللي فيك ويشرح صدرك والاهم طردي هالتفكير السلبي وخلي تفكيرك كله ايجابي ولا تقولين سحر ..واتكلي على الله وبس وانشالله ما عليك الا العافيه وتولدين بالسلامه اختي >>وافوض امري الى الله ان الله بصير بالعباد<<

 

[BnoTa CuTe]

حبيبتي بطلي سورة البقره بالشقه

وقبل لا تنامين شوفي اذا فيه صور او ذوات الارواح الالعاب وغيره لان الشيطان يتلبس فيهم والملائكه ماراح تدش الغرفه من جذي .. وتبعد عنج الكوابيس

وعليج بالصلاة تخليج مرتاااااحه وتقربج من الله

وارقي نفسج واقري المعوذات

والله يشرح لج صدرج ويشفيج من اللي فيج ويخليج لعيالج ويخليهم لج ويردج لزوجج

قوولي آميين

 

[اروى77]

قبل لا اقرا السطر الاخير... كنت بسالك انتي حامل؟ وفعلا صدق ظني وطلعتي حامل ... لان هالمشاعر اغلب الحوامل يمرون فيها وتختفي بعد الولاده ..انشالله مافيك الا العافيه عسى ربي يشرح صدرك ويهونها عليك و يقومك بالسلامه امين

 

[أجمل اقداري]

شغلي الرقيه الشرعيه واسمعيها
والزمي الاستغفار

 

[fuzzii]

التزمي بصلاتج واقري الاذكار وشغلي سورة البقره بشقتج ليما الله يفرجها

 

[Turquoiseya]

اذا انتي حامل فالله يعينج
مرت علي الحالة هذي وبغيت اموت منها
والله ما افتكيت منها الا لما ولدت وافتكيت منها كليا لما نقلت من بيتي