ياامهات منو صار بالبيبي نفس بنوتي

[لهفة المشتاقه]

سلام عليكم ورحمة الله وبركاته

ياامهات ساعدوني وربي خايفه على بنوتي
ببنتي كل راسها على اليمين ماتلفه على اليسار واذا لفته بس شوي وترجع على اليمين
رحت لدكتور اليوم قالي مافيها شي بس انتي معودتها تنام على اليمين وربي خايفه قالي حطي ملح خشن بجيس وحطيه على اليمين علشان ماتلف راسها يمين تتعود على السيار عاد اليوم حطيته بس تبجي بجي تتوقعون تتعدل
منو صار معاها جذي ساعدوني وربي حدي تعبانه ماانام والسبب المحاتات

 

[الصواني]

رد : ياامهات منو صار بالبيبي نفس بنوتي

للرفع

 

[ماكنتوشه بنفسجيه 12]

رد : ياامهات منو صار بالبيبي نفس بنوتي

عادي حبيبتي

اذا نامت اقلبيها على جبنها اليسار عشان راسها يتعدل

وحرام لاتسكتين عنها
دايم خليها على الجهه اليسار لما يتعدل الراس وبعدين عاد .. مره تنومينها يمين ومره يسار .. عشان راسها يكون مدور وطبيعي



انا اعرف وحده بعيد الشر عن بنتج
كانت كله بنتها منومتها على جهه وحده لما راسها انخفس حييل وأثر على عينها وسببلها حول .... عصب العين شد وانحولت العين


فا أنتي من الحين تلاحقيها ونومها على الجنب الثاني لما تتعدل
وماتشوف شر ياقلبي


سبحان الله وبحمده
سبحان الله العظيم

 

[غلاي امي وزوجي]

حبوبه حاولي انج تحطين لها مخدتين علشان الراس يستدير انا ولدي كان يهز راسه حييييييييل لما يوخرهم ولما الحين انا وياه في هواش ومرات انومه بحظني علشان بس راسه يتعدل

 

[ramram]

حبوبه حاولي انج تحطين لها مخدتين علشان الراس يستدير انا ولدي كان يهز راسه حييييييييل لما يوخرهم ولما الحين انا وياه في هواش ومرات انومه بحظني علشان بس راسه يتعدل

عادي حبيبتي انا بنتي صار فيها جذي كانت كاه تنام على الجنب اليسار وبعدين وديتها مستشفى السلام وسوو لها علاج طبيغي وشريت لها مخده طبيه من بروي عشان يكون اتجاه الراس سيده لا يميمن ولا يسار وكانت مدة العلاج اسبوعين والحمدلله وايييييييييييد تحست وصارت طبيعيع وقامت اتنام غدل وقالي كانت رقبتها شاده عندها

 

[*ماي الورد*]

رد : ياامهات منو صار بالبيبي نفس بنوتي

عادي اتوقع ترتاح عل هالجنب

 

[ZajiL]

عادي لاتحاتين
كلنه صارلنه جذي خوصوا اول الايام الياهل يتعود على شي معين انتي كل ساع لفيها خليفها شوي يمين
وشوي يسار لاتتعود كله على مكان واحد

 

[<<لمار>>]

دام الطبيب طمنج لاتحاتين واذا نامت قلبيها على الجنب الثانى

 

[قلبي خيال]

وعليكم السلام

انا ولدي كان جذي

اول يوم لاحظت انه وجهه صوب منتفخ اكثر من الثاني وقلت يمكن من وضعه داخل بطني

بس بعدها بعشرة ايام واختي تبدله لاحظت نفخ برقبته صوب اليسار نفس الغده

ودناه طبيب الاطفال قالوا لازم ابن سينا
وطلع عنده تجمع دموي وسوله تدليك شهرين ثلاثة

مرات بالاسبوع وكان يبكي من الالم وقالوامن التجمع شاده رقبته مايقدر يلف الصوب الثاني وانومه صوب اليمين
واخليه يشوف الاشياء اللي تجذبه نفس التلفزيون والقرقاشه ع الصوب اليمين عشان يلف

والحين مافيه الا العافيه لاتحاتين

بس وديه الطبيب واخذي اشاعه وسونار

 

[مسك وطيب]

رد : ياامهات منو صار بالبيبي نفس بنوتي

عادي ولاتحاتين ,,, اغلب الجهال جذي يلف راسه لصوب واحد والسبب انج معودتها على النوم بإتجاه واحد ,,,

 

[لومية]

اي عادي ولدي كان جذي
لاتحاتين حبيبتي شي طبيعي

 

[منوووورة]

أنا بنتي الله يخليهااا لي ويخليلكم اعيالكم شهرينً وماتنام الا على جهه اليمين ألفها يسار ترد يمين ليش بنات في ضرر. عفية طمنووووناا

 

[eman84]

اذا توها بيبيه بالشهور الاولى عادي ,, انتي لما تنام لفيها و حطي مخده عالجنب الثاني علشان ماتلف ويوم جذي ويوم جذي

والله يحفظها و دام الدكتور طمنج بس مالاداعي الخوووف ان شا ءالله

 

[كلي ثقه و سنع]

رد : ياامهات منو صار بالبيبي نفس بنوتي

صار مع ٢ من اطفالي

الدكتور يقول يمكن لما جت الدكتوره تولدني يمكن سحبت شي

عادي لا تخافين الحمدلله الوضع عادي

بعد شهرين يتعدل الوضع ان شاءالله

 

[لهفة المشتاقه]

الله يجزاكم خير
وعسى ربي يريحكم بدنيا واخره ومشكورين على الردووو وحيل حيل طمنتوني عسى ربي يطمنكم
الله يعطيكم العافيه على المرور

 

[منتهى الرقة86]

رد : رد: ياامهات منو صار بالبيبي نفس بنوتي

وعليكم السلام

انا ولدي كان جذي

اول يوم لاحظت انه وجهه صوب منتفخ اكثر من الثاني وقلت يمكن من وضعه داخل بطني

بس بعدها بعشرة ايام واختي تبدله لاحظت نفخ برقبته صوب اليسار نفس الغده

ودناه طبيب الاطفال قالوا لازم ابن سينا
وطلع عنده تجمع دموي وسوله تدليك شهرين ثلاثة

مرات بالاسبوع وكان يبكي من الالم وقالوامن التجمع شاده رقبته مايقدر يلف الصوب الثاني وانومه صوب اليمين
واخليه يشوف الاشياء اللي تجذبه نفس التلفزيون والقرقاشه ع الصوب اليمين عشان يلف

والحين مافيه الا العافيه لاتحاتين

بس وديه الطبيب واخذي اشاعه وسونار

نفس حالة بنتي بالضبط اكتشفتها بالاربعين

 

[_j'aime mon mari_]

رد : ياامهات منو صار بالبيبي نفس بنوتي

انا بعد ولدي جذي
راسه كله صوب اليمين ياربي والله خرعتوني

 

[لهفة المشتاقه]

عسى ربي يخلي عيالنا لنا ويصيرون طبيعيين

 

[قلبي القرآن]

رد : ياامهات منو صار بالبيبي نفس بنوتي

عادي حبيبتي كلهم جذي
عطيها حلبه تقوي عظمها

 

[دنيتى زوجي M]

رررررررررررررررفع