ياااا ليتني ماتغشمرت معاه..!!!

[افراحي]

مرحبا بنات شلونكم..


امس بالليل كنت قاعدة انا وبو العيال قعدة بروحنا مستانسين وعقب ماتعشى قعدنا نسولف مع بعض ،،

بعدين طرت سالفة مادري شلووووووون...

المهم قلت خل اضحك معاه جان اقوله يافلان قال نعم قلت شرايك البسك دراعه ...!!!

قال هااا نعم شنو

قلت ايه عادي مشتهية بعد اشوفك وانت لابس باروكة..!!

قال شنووووووو:rgewrg:

شرايج بعد البس ستيان ..>>طبعا قالها وهو معصب حدددده


انا حسيت اني جبت العيد وخربت على نفسي القعدة الحلوة :s141:

قلت له والله انا اضحك معاك شفيك..

قال الضحك له حدود وانتي تعديتي حدودج..

وزعل علي وماكلمني .. بس انا بعرف يعني ضحكي كان ثقيل؟؟ ولاهو تحسس من الموضوع؟؟

بنات انا اشوفه رجاااال بكل ماتحمله الكلمه من معنى بس قلت اضحك معاه وشكلي خربتها..

شسوي الحين؟؟
​

 

[أسيرة_أحزاني]

رد : ياااا ليتني ماتغشمرت معاه..!!!

قوووووووووووووويه @@ شلون طرا على بالج هالشي لوول ؟؟

 

[BiiShOoO]

قوووية مادري احس حتى لو غشمرة مو اي ريال يتقبلها

 

[الشهد كله]

جان حطيتي له مكياج بعد عشان :23_asmilies-com:

يا بنت الحلال مو كل واحد يتقبل هالشغلة ، وهذا ريلج وانتي أدرى فيه واشلون تتعاملين معاه

عادي سكتي عنه هاليومين وبعدين راح يطخ :ssssso:​

 

[كويتية ورديه]

لوووووووول والله ضحكتيني بس قويه في رياييل مايتقبلون هالشي جنج طعنتي برجولته

 

[فوفو22]

رد : ياااا ليتني ماتغشمرت معاه..!!!

المهم قلت خل اضحك معاه جان اقوله يافلان قال نعم قلت شرايك البسك دراعه ...!!!

افا عليج ....هذا طلب ينطلب من رجل مشورب

.....


الواجب تقديم اعتذار فوري ........بمسج او face to face

والمفروض هو يعديها لج لانه اول مره صدرت منك ومو قصدج

فوفو

 

[شقرديـه عالطل]

قويه
والله لو انه وافق عزالله بيطيح من عينج
حده غشمرتج ثقيله

 

[blue diamond]

انا اشوفها عادي بس ريلج اظاهر حساس من هالناحيه
مره ثانيه لا تفتحين له هالسيره
واذا تبين تتغشمرين ييبي له سيره العقيد بو شهاب ولا ابو عصام جود يستانس >> ترا اتغشمر

 

[Model Look]

لوووووووووووول

اسمحيلي صاحبه الموضوع مو قادره امسك عمري من الضحك هههههههههه

امبيه من صجج @@ طلبتي هالطلب ؟؟

صج غريبه واصلا اهو يحس الحين انج مو شايفته رجال

غشممرتج ثقيله حدها

بس حبيبتي اعتذري له بطريقه حلوه وان شالله يرضى

 

[افراحي]

رد: رد : ياااا ليتني ماتغشمرت معاه..!!!

قوووووووووووووويه @@ شلون طرا على بالج هالشي لوول ؟؟

انا مقرودة...طرت على هالشغلة لاني مرة شفت اخوي لابس باروكة وفصلت عليه من الضحك عاد قلت قلت خل اسويها بزوجي بس زين ماذبحني

 

[بنت عطا والكل يتغطى]

ياحليلج على نياتج
بس بعض الرياجيل انفوسهم خايسه
عادي اعتذري وطوفي

 

[افراحي]

مشكورين بنات على تفاعلكم وردودكم ،،انشالله بس مايطول الزعل ويرضى..

​

 

[عالمي المجنون]

الله يصفي النفوس يارب

 

[~{GooShTa}~]

رد : ياااا ليتني ماتغشمرت معاه..!!!

لووووووووووووووول و الله ضحكتيني
اهوا عادي بس في رياييل ما يتقبلون هالشي و شكله ريلج منهم .. اعتذري منه و قوليله جم كلمه حلوه
و لا تعيدينها بعد لول

 

[كويتيه احب الكشخه]

شوفي يا قلبي روحي البسي مكسره ودشداشته وطقي اللثمه بشماغه وقوليله اش رااايك فيني
وقلبي الموضوع ضحك ووناسه واعتذري منه ولا تكررينها لوووووووووووووووووووول

 

[غيمه ظميانه]

انتي جان رقعتيها جان قلتي باركوه رجاليه خخخخخخخخخخخ الجاكسون او اي شي

الله يهداج

انا احس عادي بس يمكن اهو حساس

 

[شـو shoo]

رد : ياااا ليتني ماتغشمرت معاه..!!!

امبيييييه قوووووووووويه

لاازم تعتذرين منه

 

[سموة الزين]

رد : ياااا ليتني ماتغشمرت معاه..!!!

لووووووووووووووووول ياحليلج لاعادي الله يهديه بس الظاهر انه الأخ مايحب تغشمر عادي راضيه وان شاء الله يهديه يارب

 

[الأميرة جوري]

رد : ياااا ليتني ماتغشمرت معاه..!!!

من وين يت لج هالفركره ؟؟ ابيه من صجج جنج اهنتيه روحي اعتذري له ورقعيها باي شيء

 

[R'3wa-P!nKya]

ضحكتيني وبنفس الوقت كسرتي خااطري
اي ديربالج ترى الريايل مايحبووون ينقال عنهم جذي هالكلام ياخذ من رجولتهم

الله يهنييج ويخليكم حق بعض