يااااااحوااامل ابيكم تخرعوووووووووووني

[x.Lina.x]

السلااام عليكم يااااحلى حواامل و الي مو حامل الله يرزقها ياارب

الله يسلمكم بما اني متكيه بالبيت لان راعية اجهاضات من غير شر عالجميع والحين

حاامل الحمدالله وماكو شغل مطيحه

بالعيوووش و النشويات و مااتحرك و لا اطلع وزوجي الله يهديه كل يوم يدش علي العصر ماسك

جيس البقاله ارووو جالكسي بطااط حتى بفك بو سفينه وعصاير و بريدات .. وزني زاايد ياحوامل

و انا بالشهر الرابع موصح المفروض ماازيد ؟ تو الناس .. فووق هذاا الشعر صار

بيهرهر على قولة جويل بالصراحه احلى ماادري ليش معني اكل فيتامينات ..شلون انظم اكلي للعلم مافي ريووق

انام بعد صلاة الفجر و اقوم الساعه 1 الظهر على مااغسل و اصلي و ابدل و اقرا جريده

الا الساعه 2 غدااا .. شجعوني عالاكل الصحي وخرعوني بقصص حريم ازواجهم

لاحظوو الفرق بعد الولاده لازم اصحصح و اتمنى للجميع ولاده ميسره ياارب

 

[Diva-Q8]

شوفي انا ماشالله علي الحين بأخر الثامن من اول حملي لي الحين زايده 9 كيلو وحجم البيبي جدا طبيعي

لا وازيدج من الشعر بيت 24 اكل

بس اكلي كلا مفيد يعني طول النهار بعد الغدا قاعده يمي تفاح برتقال افندي كيوي بطيخ عنب فراوله رمان

واذا سهرانه والفير حسيت اني يوعانه بطني يمغصني يبت صحن كبير وترسته فلفل اخصر وخس وطماط وخيار وفجل احمر وحطيت يمم قوطي روب جنه مو لي وقعدت اقرمش فيهم لين اشبع

وما اكل وجبات كبيره إلا الغدا مهم وايد عندي هذا اللي على كيفي عيوش ومعكرونه واي شي ابي بس من بعد الغدا انسي الخبز والكاكاو والبفك ساعات اشتهي اكل قطعه صغيره مع الكوفي مره كل يومين او 3 عادي


الكل يقولي فلانه خصرج لمن تعطينا ظهرج مو خصر حامل احلا من خصرنا الله اكبر بعيونهم وحتى ريلي مستانس انه ويهي ماتغير ولا تتفخ

وصحياا الحمدالله مرتاحه لا زلال ولا ثقل ولا امراض معاي بنت خالي ورفيجتي ثلاثتنا نفس الشهر حملنا إللي زايده 15 واللي دشت 17 ماشالله عليهم بس اخذي شكاوي كلهم فيهم زلال وايدهم وريولهم متفخه وبطونهم مشققه مساكين

ومن اول ماحملت وانا افتر بالسوق وحتى بالبيت نادر ما ابسط دايمن احوس وارتب بيتي وقلاص الماي مايطيح من ايدي

كل اللي اعرفهم يقولون لا تحركين مو زين انتي بجر وانا معطتهم طاف الحركه زينه حق الحامل بس اهم شي لاتشيلين ثقيل وسلامتج


عاد عقب هل كلام احترمي نفسج وصكي حلجج عن الكاكاو هههههههههههههه

خليج صحيه عشان البيبي وبنفس الوقت عشان يصير اسهل تعدلين جسمج بعد الولاده

والله يتمم حملج على خير

 

[al om]

انا بالثامن الحين وموزايده الا 8 كيلو من معني ما اصك حلجي كلش اكل فواكه وسلطات واحب روب الفواكه ما يمتن وحلو واكل ككاوات وبطاطات بس قليل مو زينه كثرته على ولا على البيبي كثرة الحلويات والنشويات اتسوي سكر حمل بعيد الشر وكثرة الاملاح تسوي ضغط وهالشغلتين كلش موزينيين وانتي حامل دري بالج مادمتي عندج سوابق بالاجهاض والله اتمم عليج حبيبتي

 

[غالية22]

موفقه

 

[زين ودلال]

واااااااااااااي حتى انا اعاني هالمعاناة :eh_s(16):

انا بحمالي الاول من دشيت السادس وانا باديه بالاكل والخرابيط يعني اي شي اشوفه اشتهيه و24 ساعه مبطله حلجي وزدت 19 كيلو بحمالي :eh_s(1):


اما هالحمله لاااااااااااااااااااا من اول شهر وانا بلعه بناااااااااات تكفون شسوي وياليت اكل صحي لا خرابييييييييييط خرابييييييييط حيييييل يعني جم كيلو بزيد 40!!!!!! واي حدي متأزمه :eh_s(4):

 

[ناتشوو]

ديري بالج
شينزل الوزن الزايد عقب الولادة
لج خلق ريجيم قاسي بعد الولادة؟
حق نفسج قبل زوجج الريجيم
ماتبين تلبسين ملابس حلوة؟
دوري شي مفيد وسعراته قليلة
الفاكهة طبعا

 

[ملوكـه]

الى الان الحمدلله مازدت الا 2 كيلوووو

<< وحااااااااااااااااامي هالمررررره غيررررررر مافي اكل
كله لايعه جبدي وععععععع

 

[miss_dior2009]

خوش موضوع
تسلمون على الردود الحلوه

 

[(أم نونو)]

الله يتمم عليكم حوامل

ويرزقني