يااااااااارب ترزق من ترد علي باجمل طفل

[Mshael]

السلام عليكم
بنات بدخل بالموضوع على طول طالبين علي اشعة الصبغه بنات والله حدي خااااااااااايفه شلون طريقتها في وحده قالتلي الانبوب اللي يدخلونه من تحت مثل السيخ شنو سيخ امبيييييييييه بموت جذي بنات ابي معلومات عنها يعني تعور حيل اقولهم يحطون لي بنج موضعي وجم تقريا مدتها اخذ مسكن والا شلون لاتقولولي اسمعي كلام دكتورتج لاني بصراحه امشي على مقولة اسال مجرب ولاتسال طبيب ياليت خواتي تفهومني واسفه طولت عليكم

 

[عذآب إلـ أنآ]

مآدري والله بس فديت دعآئج عسى الله يرزقنا قريب يآرب

 

[غالي حبكـ]

ماعندي علم والله وان شاء الله البنات يفيدونج ماحبيت اطلع بدون رد

 

[aquamarine]

لااااااا انا مسويتها بالهاددددي .. مايعور ولا شي يحطونلج شي يبطل اسمه البطه بعدين يدخلون انبوب حديد بس مايحوشج يعني نفس عود مصاص علشان يحطون داخله السائل يعور شوي مثل عوار الدوره ولما يحطون السائل اتحسين انج محصوره بتروحين الحمام .. وبس اتوكلي على الله والله مو لي هالدرجه يعور .. يلا الحين ادعيلي :$ لوووووووووووول

 

[سحابه ممطره]

رد : يااااااااارب ترزق من ترد علي باجمل طفل

ياقلبي ماعندي فكره بس اناا بسويها ان شاءالله ماعندي فكره عنها بتابع موضوعج
وربي يرزقج يااارب

 

[fashion_23]

لا حبوبة انا كنت مجربتها السنه اللي طافت .. حبيبتي تخيلي انج قاعد تسوين سونار داخلي .. وريلاكس ولا تفكرين بولا شي .. يدخلون انبوب عشان يحطون السائل .. راح تحسين بعوار بالضبط نفس شعور عواااار الدورة وما راح تطول تقريبا ربع ساعه او اقل .. اعطيج معلومه قالي اياها الدكتور اذا حسيتي بعوااااااار يعني الانابيب مفتوحه وبنفس الوقت لمن خلصت الدكتور بشرني وقالي الانابيب مفتوحه .. طبعا عقبها بتحسين بمغص عاااااااااااااادي بس حطي كوتكس لان احتمال ينزل عليج دم شوي انا استمر معاي 5 ايام بس عادي تعدي اهوا العوار بس اول يومين عقب تقومين ما فيج الا العافية .. وحبيبت اطمنج ترا وااااااااااااايد سهله وما فيها خوووووف ...

يالله ادعيلي

 

[أحلى^حياه]

فيه ناس يطلبون بنج
اكثرهم جذي اذا كنتي خوافه

موفقة

 

[بنت سلوى80]

حبيبتي آنا مجربتها مرتين و بسويها الشهر الياي مثل عوار الدوره بسيطه و ما تخرع و كل شي يهون عشان الحمال و في ميزان حسناتج اللهم آمين يا رب العالمين و تحملين بأحلى توأم

 

[كول سلو]

رد : يااااااااارب ترزق من ترد علي باجمل طفل

اب
اب لعيونج

 

[Mshael]

مشكووووووووووورين بنات الله يطمن قلوبكم وياااااااااااااااارب الله يرزقنا اجمعين

 

[احلى سماء]

اللي اعرفه بالمستشفيات الخاصه بدون بنج يكون ب60 او 70

بس اذا ببنج وهذا الافضل يكون سعره من 110 الى 120 دك

ويارب تطلعين سليمه

 

[مربى و قيمر]

رد : يااااااااارب ترزق من ترد علي باجمل طفل

انا سويتها بالسلام بنج كامل ولماقعدت حسيت بعوار خفي نفس الدوره ونزل على شوية دم
انا خوافه وسمعت انها تعور علشان جذيه سويتها بنج والله يرزقج وتطلعين سليمه ولاتنسين تدعيلى

 

[_ظل الياسمين _]

حبيبتى الامها عااديه ومحتمله مو للدرجه اللى تخوف ..

انا سويتها مرتين ..توكلى على الله ولاتخافين.

 

[maahaan]

رد : يااااااااارب ترزق من ترد علي باجمل طفل

ان شاءالله ماتشوفين شر

 

[امي نور عيني]

الله يرزقج يارب ماعندي اي معلومه

 

[للحين ناطره]

توكلي على الله
وان شالله اتشوفين عيالج بحضنج

 

[kitty eyes]

توكلي على الله وسويها

عادي عوارها تقدرين تحملينه

 

[اخصائيه]

صدقيني مو صعبة كلش الصباح يعطون مسكن للالم والعوار بسيط ذيج اللحظة بس
الله يكتبلج ويكتبلنا الحمل بتوم سليمين معافين اللهم امين

 

[بنت الشمس]

اذا انتى خوافة طلبى بنج
انا سويتها مرة بمستشفى الصباح عطونى مسكن
فى عوار بس مو حيل بس الافضل بنج

 

[عروق التوت]

السلام عليكم
انا سويتها قبل اسبوعين بمستشفى العرف بدون بنج
ونصيحه سويها ببنج لانها تعور وقتها اقسم بالله قاعده اصيح من الاشياءاللي يحطونها وخصوصآ السائل
حتى بعدها بنص ساعه كذا يصير فيه الم
انا عقب ماسويتها اخذت يومين احس بلومه ومااشتهي شي
بس الحمدلله طلعت الانابيب سليمه

ماعليه طولت السالفه

الله يسهل عليك