يئست وابي رايكم

[my kitty]

السلام عليكم بنات انا احترم رايكم ونصائحكم وابي تساعدوني لاني خلاص تعبت انا ابي اتطلق والكل يقول انتي غلطانه انتي عنيده راح تدمرين نفسج انا خبري بزوجي اول اسبوع زواج كان ينام معاي بعدها هو بغرفه وانا بغرفه طبعا غرفته بره مو عندنا بالشقه لا بره بس داخل بيت اهله معاشره طبيعيه ما كان يبي ..فاهمين..انا رفضت ودفعت الثمن غالي حرمني من جميع ضروريات الحياه اكل مافي مصروف مافي عشت 22 سنه على اهلي وجيراني انتوا احسبوها 22 سنه انا المسؤوله عن تربية الاولاد طلبات مدارس مافي ..العيد عمرنا ما عيدنا لانه ما عندنا فلوس نشتري ملابس ..كل هذا يهون لكن لمن واحد من عيالي يمرض واقعد ابجي وانا اشوفه يتعذب وما عندي احد يوديه المستشفى خاصه اذا حراره ..اهلي شالوني سنين والجيران كذلك بس الواحد يستحي كل يوم يطلب ..اهله كلموه امه ابوه واهلي بعد بس ما يفهم يقول ان شاء الله ويرد لطبعه حياته كانت وما زالت سفر بسفر بنتي مره انكسر اصبع رجلها قال تحط ماي وملح تخيلوا تروح المدرسه باصبع مكسور وصابره علشاني فوق هذا كله من تزوجنا وهو يتهمني بشرفي وما ظل رجل بالكويت الا ولي معاه علاقه انا معروفه عند الناس والكل يمدح فيني والحمدالله انا صبرت كل هالسنين لانهم قالوا اصبري مع الزمن يتغير والحين انا سكنت بيت العمر وتراكمات هالسنين اللي فاتت حطمتني ودمرت شخصيتي غير الرعب والخوف اللي صابني لانه على طول يصارخ صبح ظهر عصر مغرب ليل العيال يكرهونه ويخافون منه ويقولون خلي يطلقج ما نبيه واهلي ليما الحين يقولون اصبري ..لا صبر لا خلاص مابيه تعبت نوم ما انام اكل ما اكل لحد الان هذا طبعه وهذا قانونه انا ما اوديكم ولا تروحون مع احد يعني قعدوا بسجن وانجبوا انا ما اروح مكان لا انا ولا عيالي ولحد الان بسجن انا تعبت العيال لهم متطلبات شلون اوفيها بدون سياره الحين الجيران جداد مو معقول بطلب منهم فشله والمدارس طلبات انا تعبت نسيت اقولكم انه يطق بالبيت بالشارع ما عنده مشكله ما يعرف العيب بس ابي اعرف شي واحد هل بطلاقي اخسر حقوقي من ضمنها السكن

 

[ام فواازي]

صبرتي 22 سنه عاجزه تصبرين بعد
حبوبه عيالج الحين كبرو بيقومون فيج وبخوواتهم وهو طقيه بالطوفه خليه اسم زوج بس وعيشي حياتج
وبالنسبه للمصروف ترى تقدرين ترفعين عليه قضيه و ينحكم لج من معاشه يتحول لج بامر المحكمه وانتي على ذمته بس ماادري شلون الطريقه انتي سالي والله يكون بعونج

 

[amami al-kuwai]

الله يعينج

من رايي الطلاق ارحم لج ولعيالج

لان العيال نفسيتهم تعبت

 

[Tom ♥ Jerry]

,.



المفروض تتطلقين من زمان اصلا
بعد 22 سنه يايه تقولين بتطلق :/

 

[وردة الدوحه]

اتطلقي وعيشي ما بقى من العمر بأمان وراحه ترا هالاشكال فراقهم عافيه
وانا ما افهم في سوالف المحاكم عندكم لاني قطريه بس القانون عندنا يحكم انه البيت يكون للام وعيالها

 

[الجوهرا]

والله ماادري شنوو انصحج فيه بس كلمي اخوانج خليهم يكلموونه يوفرلج مصروووف ووقولي له اذا ما حطيت لي مصروووف برفع قضيه وخليج قويه ترى الرجال مايحب المرا الضعيفه خوفيه وقوليله قبل انا ساكته عشان كانوا عيالي صغار اللحين عيالي كبروا ووجودك وعدم ووجودك واحد ياانك توفر طلباتنا بطيب ولا برفع قضيه وترى المحكمه تحكم لج نص البيت وسايق وخدامه ومصروووف عيالج كامل وحتى اثاث للبيت وسياره ترى وحده اعرفها سوت جذي بزوجها وهي على ذمته والله ان زوجها صار مثل المسطره

 

[شادن33]

شهالريال اللي بعد 22 سنه ماتغير اعوذ بالله
استخيري وشوفي والله يلهمج الصواب

 

[ام الدرر]

حبوبة
الطلاق الحين مو حل
اذا هو مايصرف عليكم ولا يقوم فيكم وانت على ذمة وساكته
اشلون اذا دخلتيه محاكم وصار بينكم قضايا
بيطقج بالطوفة النوعية هذي ماتجي الا بالعين الحمرا
الحل تقاومين
قاومي لا تكونين سلبية
غلطتج سكتتي واستسلمتي لطبعه وتسلطه
يصرخ لا تسكتين ردي عليه
بيطق
دقي عالشرطة ايون ويسجلون عليه محضر اعتداء
صدقيني مرة مرتين بيخاف
ضغطي على نفسج وهيئي عيالج لهالشي
لا تستسلمين
بيسافر الله وياه بس
يتكفل بمصروف عياله ويحط سيارة وسايق او تعلمي تسوقين تنفعين نفسج
لا تشاورينه باللي بتسوين
خليها قرارات وحطيه جدام الامر الواقع
و اذ عندج شهادة حاولي تقدمين على وظيفة
تنفعج
واخير ادعي له بالهداية
وعسى الله يهديه ويسخره لج ولعياله​

 

[كريستال]

شوفي حبيبتي. الفرج قرب بس صبري شوي

اعيالج اتوقع اكبرهم في حدود العشرين

يعني قربوا من مرحلة الامان واللي زرعتيه طول هالسنين قربتي تجنينه

تعبج في اعيالج مابيروح هدر باذن الله بيشتغلون وبيردون لج وبيعزونج وهو اللي سواه فيهم بيجنيه بعد

هذي الدنيا من زرع حصد والحين قرب الحصاد لج وله

الطلاق مب حل ولاتوقعين اذا طلقتيه بتخلص مشاكله وتدخلاته في حياتكم

اللي صبرج هالسنين ماباقي الا شي بسيييييط وان شاء الله ترتاحين

قربي من الله وسبحانه بيحميج ويهدي بالج ويسخرلج

 

[ديانا سبنسر]

الله يعينج

 

[! بــدويه وآآيــد !]

،


حبيبتي اانا قريت الموضوع كله حق امي

امي تقول مادري شنو مصبرج عليه ؟؟ ابي صفه زينه وحده بس فيه ؟

حقج باسكن ماراح يطيح المره والعيال لهم الدور الي فوق ومجبور يحط لج درج ومصافط خاصه لج وخدامه وسايق وسياره عليه

تنتفين معاشه تنتف وهو الي يخسر بس لازم تطلعين سبب للطلاق عشان المحكمه تطلقج منه مو تروحين يقولج تنازلي واطلقج !!

انتي عندج عيالج وبس هذا كافي كبروا وفهموا ويشيلونج

لا اهو كله مسافر والمحكمه تشوف حال البيت والثلاجه وكل شي وتقرر اذا اهو مقصر او لا


انا من ناحيتي الطلاق اهو الحل لان هذا يطقج بكل مكان لايخاف لامنج ولا من ربه ولايستحي من الناس

فراقه ثالث اعيادج اخذي معاشج ومعاش عيالج وحطي لج سايق وخدامه ووغصبن عنه يحط لج سياره او يدفع ٥٠٠٠ للسياره وروحي وسافري بالعطله مع عيالج وعيشي حياتج حرام حتى عيالج تعقدو وكرهم بالدنيا اشتري راحتج وراحتهم هذا ماوراه الا الضغط والسكري والجلطه وعوار القلب

 

[farina]

شناطره و ليش صابره على شنو الحين الوحده منه اذا ريلها شخر ماتتحمله و تطلب الطلاق عيل اشحقه متزوجين مو علشان ريال يصير ظهر و سند

 

[فوفو22]

بس ابي اعرف شي واحد هل بطلاقي اخسر حقوقي من ضمنها السكن

يا عزيزتي انتي خسرتي ذاتج وكرامتج

ويهمج الحين السكن

الطلاق لمثل حالتج ضروره

وطول ما انتي حاضنه للعيال محد يقدر ياخذ السكن منج

فوفو

 

[قاهره عذالي]

لا ماتخسرين السكن

بس ارفعي قضيه نفقه وحضانه وسكن وخدامه وسايق بعد

انتي من صجج

تحملتي 22 سنه وجبتي عيال منه

تدرين لو انا مكانج

حدي سنه سنتين معاه

ماتعدل مع السلامه وانحاش قبل اجيب عيال

 

[ماتغير شي]

استخيررري قبل ما تخطين اي خطوه

الله يهديه ويسخره لج

 

[my kitty]

تسلمون بنات على ردودكم ويعطيكم العافيه وجزاكم الله خير وعسى الله يسخر لكم ازواجكم ويحفظ لكم عيالكم

 

[اوركيدا ورديه]

بصراحه الله يعينكم
يمكن محسودين او مسحورين او فيكم حاجه
ارقو نفسكم

 

[brettey]

انتي حاضنه مايقدر ياخذ السكن منج طلبي طلاق للضرر وان احتجتي عندي محاميه تبهدله لج
بس لي متى بتصبرين
انتي وااايد اهنتي نفسج الله يهديج

 

[my kitty]

الاخت brettey جزاج الله خير وان شاء الله اذا احتجت محاميه بكلمج وانا الي كتبته قطره في بحر من الاهانه والمذله و..... وعسى الله يرزقج برئاسة الشعبه ان شاء الله

 

[om MaRyooM]

حبيبتي لاتقولين كلام الناس اهو اللي خلاج تصبرين

اللي خلاج تصبرين اهو حبج له

المرة لو ماتحب الزوج وهذي مواصفاااته ماتقعد عنده يوم واحد
بس انتي صبرتي وكان هذا اختيارج بيدج يعني من حقهم يلومونج عيالج صراحة عايشين بحرمان ورعب كل هالسنين !


انا اقول سالي محامي عن حقوقج اذا يازج الوضع هذا قرااارج والحمدلله قانون الكويت ابد مايظلم المطلقة ولاعيالها
واذا ماتبين وعاجبتج العيشة كملي مشوار الصبر والله يعوضج بعيالج ويكونون سند لج