لو تخليت عني عنك قلبي تخلى
العذر والتعلل والحكي ما نبيه
من تحرك فواده بالهوى ما تغلى
طبعي الصبر لكن وش عليه ارتجيه
من طويل الصبر يعقوب وايوب ملا
دامني حي عطني وش بقى نحتريه
مابي دموعك اللي عقب موتي تهلا
ما بقى بالعمر مقدار ما راح فيه
كل ما زل يوم يوم بالعمر ولى
ما يعرف الجمر مثل الذي يكتويه
احد يدفا بناره واحد فيه يتصلى
ما رضى له مكان غير كفك محلا
كم تعذر وعيا عن هوى مهتويه
لين طاح بيمينك بالغرام وتجلى
من كلمات :
الشاعر الامير خالد الفيصل
الشاعر الامير خالد الفيصل
