وين يبيعون سبائك الذهب الصغيرونة؟

[Righterette]

السلام عليكم ... :eh_s(17):
أدري الموضوع ماله شغل وايد بالمنتدى ... بس قلت أحطه اهني على اعتبار أنتو أخبر بسوالف الذهب

وين يبيعون سبائك الذهب مادري تولات الذهب، مادري شيسمونهم.

يكونون مثل مستطيل صغير على شكل سبيكة

مو قصدي السبايك الكبيرة ... لا أبي شي صغير أحتفظ فيه للزمن ...

يعني بحدود 400-500 دينار ... لأني أدري لو أخلي هالمبلغ عندي على شكل فلوس راح أفلفسه ..


أنا مرة من زمان شيفتهم بمحلات الصاغة بحولي شارع ابن خلدون .. بس قبل فترة دورت وما لقيت ..

وين ألقاهم؟

وشنو أسعارهم؟

وتنصحوني أشتري ألحين؟ ولا أنطر عقب العيد يمكن سعر الذهب ينزل؟

والله يوفق ويسعد كل من ترد علي ..

وكبار عليكم ما تبقيى من الشهر :eh_s(17):

 

[Moon touch]

ااااااااااااااب

 

[لياحه بنت لواح]

تلقينهم عند محلات الذهب
قوليله ابي سبيكة ذهب صافي ويعطيچ
بس هالفتره الذهب غالي

 

[حناينq8]

تم نقل الموضوع الي القسم المختص

 

[sanaya-q8]

حبيبتي الذهب احسن شي تخشين فلوسج

ومكان بيع السبائك والليرات

المباركيه مجمع اسمه سوق الذهب المركزي

روحي اي محل ذهب هناك واساليهم ولارحتي للمجمع اسالي عن السبائك الاصليه تكون سويسريه ومختومه

السبيكه عيار ٢٤ احسن شي والليرة عيار ٢٢

 

[موكا لاتيه]

انا سمعت بالبنك ادري والله

 

[الأميرة جوري]

الحين الذهب غاااااالي اللي كان 200 تاخذينه 500

 

[sanaya-q8]

الحين ب500 باجر بالف نفس الشي

 

[Righterette]

مشكورين بنات ما قصرتوووا

مشكورة بعد عمري Sanaya-Q8 افدتيني ..
زين قلتي لي عن سالفة الختم وأنه يكون سويسري ولا جان ما أدري :eh_s(7):

عندج فكرة هل 500 دينار ممكن اتيب لي سبيكة؟ أو ليرة؟ ولا أحتاج أكثر؟
وتهقين الذهب يرخص بعد العيد؟ ولا أشتري الحين؟

وشكراااااا :eh_s(17)::eh_s(17)::eh_s(17):

 

[نستيلا]

500 إيبلج سبيكة

وأقل من جذي إييبلج ع حسب الججم إلي تبينة

أما يرخص ولا يغلى العلم عند رب العالمين =)

 

[Righterette]

500 إيبلج سبيكة

وأقل من جذي إييبلج ع حسب الججم إلي تبينة

أما يرخص ولا يغلى العلم عند رب العالمين =)

مشكوووورة نستيلا :eh_s(7): :eh_s(7):

 

[mena1968]

تبين سبايج ذهب للاستثمار تشترينهم وعلي كيفيج تبين مضاربه تقدرين تبيعين وتشترين فيهم او استثمار للمدي البعيد تخشينهم عندج والذهب ما فيه خساره فلوسكم محفوظه ومتي ما احتجتي تبيعين جزء من السبيكه او كلها حسب الحاجه وتروحين سوق الذهب الجمله بالديره متخصصين بالسبايك والاونصات والسعر واحد عند جميع المحلات واخذي عيار ٢٤ افضل وانا شخصيا افتريت وايد وسالت وايد واخرتها حصلت شركه كبيره متخصصه ببيع السبايك وتحتفظ فيهم لج ومتي ما حبيتي تبيعين او تشترين بس تلكمينهم عن طريق التلفون ينفذون الاوامر واذا تبين حلالج ممكن تاخذينه وتحتفظين فيه واذا تبين رقمهم واسم الشركه انا حاضره احطه لج انا تعاملت معاهم وارتحت لهم والله يوفقج

 

[mena1968]

علي فكره الاستثمار بالذهب اللي تملكينه بايدج وايد احسن من انج تستثمرين عن طريق الذهب الوهمي اللي تقطين فيه الفلوس وتخسرين فلوسج لما يتغير السعر ولا يكون عندج الذهب

 

[mena1968]

بالنسبه لاسعار الذهب الحاليه فعلا غالي سعر الذهب ولكن ما في شي مو غالي بوقتنا الحالي كلشي نسبه وتناسب ولا ننسي انه الذهب افضل من العمله يعتبر ملاذ امن الفلوس فيمتها تصعد وتنزل بينما الذهب يحفظ لكم فلوسكم مهما تقلب الوقت

 

[Righterette]

mena1968
مشكووورة :eh_s(17):
ممكن تدزين لي اسم الشركة ومكانهم.

 

[مـذهـلـه]

والله ما أدري عن أسعارهم بالضبط بس ذاك اليوم شفتهم عند محلات الذهب اللي بالفروانيه
مقابل المستوصف على ما أعتقد وفي أحجام بعد وموفقه

 

[Righterette]

مشكورة يا الغلا ...