وين هالمحل ؟

[أذكري الله]

السلام عليكم اشلونكم حبيباتي ​

احترت وين أحط استفساري هذا و قلت أحطه بهالقسم كونكم أكثر ناس تتعاملون مع هالنوعية من المحلات .
السؤال : الله يرضى عليكم فيه محل بالفروانية أو المناطق اللي حواليها مثل خيطان - الجليب - الرابية- .... الخ يبيع شغلات مثل بياع الورد اللي بحولي جدام مستشفى دار الشفا ؟
الله لا يخليني منكم حبايبي .

 

[أذكري الله]

اشدعوه وحدة تجبر بخاطري عالأقل

 

[om 7ydar]

الضاهر سؤالج صعب علي بنات المنتدي وآسفه ما راح أقدر أساعدج حبيبتي أنا من سكان سلوي والرميثيه

 

[كوكو دلوع]

اقبال امبارك الصيفي بالفروانيه في سرداب
بس نسيت اسمه هو قصر الهدايا او شئ جذي

 

[dema76]

اي الغاليه مثل ما قالت كوكو دلوع


قبال مبارك الصيفي بالفروانيه في محل بالمجمع اتوقع اسمه قصر الهدايا بالسرداب بس جنه شوي غالي اسعاره


بس يعني عنده فناتق

 

[Sugar Bunny]

صح قصر الهدايا موجود بس مثل ماقالو البنات اغلى من الاماكن الثانيه

 

[ملوكاا]

ايام زمان سرداب جنب الدبوس خيطان عنده شغلات حلوه

 

[Low_Fat]

قصر الهدايا بشارع المطافي بالفروانيه
بس حسيت شغله اكثر شي عالستاندات يعتمد

 

[اخت الغالي الغائب]

والله حتى انا ابي محلات قريبه ...في محلات الكلف اللي بالبلوكات بعضهم متخصصين بجذيه شغلات تركيبات وشغلات مثل بياع الورد وفي محل بس حق الخيوط مال الكروشيه

 

[أذكري الله]

أم حيدر - كوكودلوع _ ديما _ شوجر باني _ ملوكا _ لو فات _ أخت الغالي الغايب
أشكركم حبيباتي و ما قصرتوا و دام انكم ما مدحتوا قصر الهدايا أكيد ما يستاهل العنوة لأني أثق بآراءكم و يزاكم الله خير

 

[تاجره كويتيه]

عندج قصر الهدايا بالفروانيه مقابل الصيفي
وعندج طيور الجنه بخيطان