وين قراراتك يا المليفي ؟

[قاهرتهم 2011]

وين اللي يقول بخلي مهنة المعلم جاذبه وشنو صار على اعفاء المعلم من الاعمال الاداريه http://aljaridaonline.com/2011/06/05/94531/
واللي يبينا نقدم حصصنا بس ونطلع .. نبي الفكه من مجابل اللي ما وراهم غير المشاكل .. الحين داومنا وما شفنا شي شنو ناطر لما تفضى المدارس من الكويتيين وتصفى حق بتوع الدروس الخصوصيه اللي ما يخافون الله في عيالنا
يعني لو القرارت في غير صالح المعلم جان عمموها على كل المدارس وتطبق بنفس اليوم ..​

 

[أم أنور]

مانقول الا حسبي الله ونعم الوكيل عليهم

 

[معلمة_منكوبة]

قاهرتهم تونا في بداية السنه خلنعطيه فرصه ان شالله يوفي كافي انه مو سلبي اعترف

بمشاكل التربيه من البدايه مو مثل اللي مايدري وين الله حاطه .. خلنتفائل .. الوضع اذا

ماتغير مايسوء ..

 

[معلمة_منكوبة]

و أبب لعيونج

 

[PRADA]

اليوم ردوا للمعلمات اشراف الاجنحه وبين الحصص اللي هو من شغل الاداريات غير المناوبه اللي علينا هذا اول الخير وينا ووين التفاؤل خلوها على الله بس شبعنا كلام وخطب من المليفي مثله مثل غيره

 

[Melazlaza]

تبون التربية تنظف لازم ما تبقى فيها ولا حرمة بس مدارس البنات وبتشوفون التغييرات
المليفي ايد وحدة ماتصفق

 

[ترف بابا]

ياجماعه طولوا بالكم شوي ... تو الرجال مستلم

لازم انتفاءل

وبعدين اذا في قرارات زينه تطبيقها بطيء .... احسن من قرارات النسوان اللي قبله كلها اكس ...وجك بك ..طبقوها !

 

[!الجادل الصعب!]

اليوم ردوا للمعلمات اشراف الاجنحه وبين الحصص اللي هو من شغل الاداريات غير المناوبه اللي علينا هذا اول الخير وينا ووين التفاؤل خلوها على الله بس شبعنا كلام وخطب من المليفي مثله مثل غيره

مثل ما الاشراف شآيفينه مو من ضمن شغل المدرسات هم مو شغل الادآريآت ..
مآدري من وين تفتون آنتو صرآحه ..!

:eh_s(10):

قولي خل يستحدث قسم ادآري للآشرآف ممكن .. بس ينحط فوق شغل الادآريآت من غير اي حوآفز لهم مآيصير ..!
ولآ تقولون عشآنج اداريه تقولين هالكلآم .. انا اكمل درآستي وكلها سنه ان شآءلله وبصير من ضمن المدرسآت .., يعني هالشي بيمر علي مثل ما مر عليكم ..,

 

[Turquoiseya]

الناظرات سحبوا على قراراته السيفون كالعادة
لان محد يحاسب هالنسرات

 

[PuPa^^SWeeT]

هالتربية يبيلها تربية

<<< كلمتها اليديدة لووول

 

[نونا 3000]

ربكم كريم خل نتفاءل وسنة خير ان شاء الله على الكل

 

[sadan111]

هالتربية يبيلها تربية

<<< كلمتها اليديدة لووول

:eh_s(15):

 

[PuPa^^SWeeT]

سدن اعجبتج


لووول


بس ترا بنات صارلنا اسبوعين نداومين المفروض خلاص يقولنا شنو حقوقنا اليديدة


نطلع ولا ما نطلع

يعني صراحة حده علقنا

 

[قاهرتهم 2011]

قاهرتهم تونا في بداية السنه خلنعطيه فرصه ان شالله يوفي كافي انه مو سلبي اعترف

بمشاكل التربيه من البدايه مو مثل اللي مايدري وين الله حاطه .. خلنتفائل .. الوضع اذا

ماتغير مايسوء ..

ما يبيلها وقت يشيل عن المعلمات الاعمال الاداريه من مناوبات وادخال الدرجات والشهادات ويسلم الشغل حق الاداريات شغلهم بعد مو كافي علينا الحصص والتصحيح وطلبات الموجهين

 

[Turquoiseya]

قاهرتهم 2011

اختي تقول ان رفيجاتها قايلين لها ان نزلت نشرة عن المناوبة
وان الوزارة شالتها من الاداريات وردتها على المعلمات

مادري عاد صج ولا لأ

المناوبة شيء ضروري بس عاد مو تنقط على المعلمات بالذات مدرسات المواد الاساسية اللي نصابهم من 10 حصص وطالع وتحضيرهم يومي وشغلهم اول باول ولا يخلص

في ناس يشتكون من الفراغ الزايد ونصابهم اقل وتحضيرهم اسبوعي وفي النهاية معاشهم نفس معاش المواد الاساسية مع ان زيادة المعلم جت عقب ماصار عزوف من ابلات المواد الاساسية عن التدريس 00 فهالناس الفاضية لازم ينكرفون باشراف ومناوبة واحتياطات ويردون لهم الملفات الصفراء حق تبطط العين

 

[معلمة_منكوبة]

تركوازيه وقاهرتهم ترى في مدارس مناوبات الفرص فيها حق الاداريات !!!!

حتى الصبح !! بالنسبه حق مدرستني اللي انا فيها الاداريات يناوبون الصبح وبالفرص مع المعلمات

ونهاية الدوام على الأبلات ... يعني مادري شالحكمه بكل جناح حاطين أبلتين لا وبمدارس بنات ...!

يعني حتى بهالسالفه على مزاج كل ناظره ..

 

[Turquoiseya]

معلمة_منكوبة

امبيه نكج يعور قلبي كلما قريته لوووول

اهو المفروض يوظفون بنات حق المناوبة والاحتياطات والاشراف والمربية
شكثر بنات الكويت قاعدين بدون وظايف 00 وشهايدهم متوسطة وغيره
وعندنا البدون يبون الوظيفة

بس مادري متى بتصحصح هالوزارة وتهتم بمعلمين المواد الاساسية

زوجي مكلم ولد خالته يستشيره بامر باستقالتي حاليا
قال له ( عني ) خلها تصبر شوي 00 وتحاول مرة ثانية تنقل خدماتها احسن من الاستقاله

المهم اليوم رحت لكونا حاطين وظايف بس سبحان الله ما ارتحت ولا قدمت كلش مع اني وقفت عند باب المبنى بس اخرتها رديت
اول شيء كنت مستخيره وما ارتحت كلش
الشيء الثاني مكان كونا حيل بعيد عن بيتي 00 وانا عندي ولد يبيله عناية خاصة
ولدي هذا الحين باولى ابتدائي ومن باب اولى اقعد معاه بنفس المدرسة 00 بس مو قادرة ادز نفسي
خلاص الحرب مع هالتوجيه الزفت وضعت اوزارها 00 وما اقدر اكمل لاني بديت اخسر صحتي بعد

 

[ارنوبه ورديه]

عندنا سبع اداريات بدار القران كلهم كانو مدرسات ومحولين اداريين صدمممممه صراحه قسم كل هذا العدد فيه والله يكسرون الخاطر ..

 

[Miss Cherry]

ايييه عشم ابليس بالجنه

لا تحلمون واجد بعدين تصطدمون بواقع التربية المرير

المليفي كانت عنده امال ومشكلته تصاريحه واجد بس الفعل صعب .. انا والله اقول الله يعينه هرم التربية اللي قلبوه الدينصورات المعمرات قبله ماراح يقدر يعدله بروحه طالما هم باثين سمومهم بالوزارة .. الحريم ماوراهم الا المصايب والله لو ينظفون الوزارة منهم بتطلع احسن قرارات تنصف المعلم بس مشكلتنا بهالعجايز لا يرحمن ولا ودهن رحمة الله تنزل ياعل ربي لا يرحم كل ظاااالم

 

[قاهرتهم 2011]

احنا مشكتلنا من اثنين دينصورات التربيه وتوجيه متروس مصاروه