وين فناتك البنات في لندن؟

[ghazl]

مرحبا حبيباتي أنا راح أسافر لندن بعد شهر تقريبا
أبي أعرف وين ألقى ملابس البنات الفنتك و الغربية
سيلفردج أعرف و يست فيلد أعرفه في أماكن ثانيه غيرهم
بلييييييييييييز أفيدوني
:33_1185028183::e3:

 

[موون للعبايات]

مرحبا اختي كان ودي اخدمك بس من زمان مارحت لندن انشا الله الاخوات يخدمونك

 

[ghazl]

مشكورة أختي موون
بس جد محتارة وين أروح؟

 

[angel 3ohaa]

هاي عندج بستر فلج (فيها ستوكات الماركات بس مو مجمع),,, بلو واتر (مجمع خارج لندن) كوفنت جاردن (سكيك مثل ايطاليا) فرويك وهارودز.. بون ستريت .... وانشاللة اذا ذكرت شي برد ع الموضوع

 

[ALSHD]

بليززز لايوووووووقف انا مثلج ان شالله رايحه اخر الشهر

 

[ghazl]

مشكورة حبيبتي angel 3ohaa على مرورج
بس وين مكانهم بالضبط؟
و عرفت عن بري مارك وين مكانه اذا تعرفين؟
أختي alshd خليج معاي متابعة و اذا عرفتي شي لا تنسيني

 

[ويلاه ضاق الصدر]

مرحبا بنات


انا موجوده حاليا في لندن الصراحه في محلات حلوه وغريبه حق البنات في محل صغير اسمه اسمه على ماعتقد بتيت شو واهو بداعوس بالاكسفورد صوب القهاوي بظهر السلفرج وفي بعد محلات حلوه بالوست فيلد يم شوبر بوش ةبعد عندج غاب ترا مو نفس اللي عندنا احلى بواجد وفي محل اسمه بليز مام حلو بس غالي حيييل وبالنسبه لبريمارك هذا قمه قمه ودايم زحمه يعني اذا بتروحين له احسن وقت الساعه تسع ونص الصبح وتلقينه بالاكسفورد مايضيع واضح وبعد عندج ماتلان هذا روعه حق البجايم والارواب وبعد فيه بدل وبلايز واشياء روعه


اتمنى اكون فدتج واي استفسار انا بالخدمه

 

[^^Luna^^]

أب

أب

أب

 

[ghazl]

مشكورة حبيبتي (ويلاه)
أدري بزعجج بس عندي سؤال بخصوص الاكسسوارت الخاصة بالبنات
انا بنتي عمرها سنة و 5 شهور أبي لها باندات للشعر غريبة و الشباصات و الذي منه وصج بما ان احنا بالشتا أبي القبعات الغربية و الحلوة
أتمنى انج تردين علي

 

[& ام سلمى &]

وانا بعد ابي شنو شي جديد لنه انا راحت لندن سنه 2006 شي اكيد الحين كل جديد في جديد

 

[كستنائيـة ع ـسل]

شوفوا للاكسسوارات وهذي الاشياء مراح تحصلينها بالكويت فيه محل دورين بالكسفورد اسمه توب شوب عجيب ودايما زحمة كله خليجيات واغراضه عجيبة ملابس سهرة وعملي واكسسوارات

 

[ANOoOo]

داخله ابي اعرف

 

[ghazl]

مشكورة حبيبتي كستنائية عسل على مرورج
الصراحة أنا صار لي فترة طويلة بكندا ما أعرف شنو اللي موجود بالكويت و اللي مو موجود؟
بلييييييييييييز ساعدوني أبي الفناتك الغربية لبنتي منافسييييييييييييييييييييين و أبيها تكون المميزة بينهم و حديث المجتمع

 

[ويلاه ضاق الصدر]

مشكورة حبيبتي (ويلاه)
أدري بزعجج بس عندي سؤال بخصوص الاكسسوارت الخاصة بالبنات
انا بنتي عمرها سنة و 5 شهور أبي لها باندات للشعر غريبة و الشباصات و الذي منه وصج بما ان احنا بالشتا أبي القبعات الغربية و الحلوة
أتمنى انج تردين علي

هلا والله حبيبتي

شوفي اذا تبين سوالف قبعات وسكارفات روحي المحل اللي قلت لج عنه تلقين عندهم القبعه والسكارف والدسوس لا بعد عندهم موديل معاه الجنطه وكله شغل يدوي روعه لا بعد معاه الجيجي يعني شي مميز واسم المحل بتيت شو وبعد عندج سلفرج فوق روعه لبس البنات خاصه الصغار كله ماركات وشغل عدل وفي بعد محل تلقينه بالوست فيلد كله ماركات اسمه بيبي بيزووبعد عندج نكست اللي بلندن ترا روعه غير عن مال الكويت ... واي سؤال انا بالخدمه

 

[yam_yam]

اب اب
شوقتوني انا بروح لها عشر ايام شهر 12
بعد ابي اعرف وين الاشياء الحلوة

 

[ghazl]

مشكورة أختي ويلاه جد استفدت كثيرررررررررر
الحين أبي لي فساتين روعة مو مهم قصير أو طويل ماركة أو لا بس شكله غريب تصدقون خاطري باللون الأحمر (دم الغزال)
أختي yam yam مشكورة على مرورج
صج أبي أسألج وين مكان معرضكم عشان أعلم خواتي عنه؟

 

[*يارا*]

رفع

 

[ghazl]

مشكورة حبيبتي على مرورج

 

[ghazl]

وين البنات اشدعوة ردوا علي
كستنائية عسل و ويلاه ضاق الصدر أفيدوني بخبرتكم بالسوق؟

 

[ghazl]

اشدعوة مافي أحد يرد علي:krkrkr:
ضاااااااااااااااااق خلقي والله
مشكورين للي ردوا على موضوعي و ساعدوني
الصراحة استفدت
بس توب شوب مو عندنا بالكويت؟
أكيد نفس البضاعة:gr4uu: