وين راحت الدكتورة نداء بوخضور؟؟

[kuwait_soso]

السلام عليكم جميعا،،،،
ولادتي الأخيرة كانت مع الدكتورة نداء بوخضور وبصراحة إرتحت لها وايد وألحين ولله الحمد أنا حامل وحابة أراجع عندها بس تفاجأت إنها انتقلت من رويال حياة وسويت بحث بالنت وماحصلت شي يفيدني !!
رجاءااا إلي تعرف وين صارت عيادتها ماتبخل علي بالمعلومة :eh_s(17):
شكرا مقدما وربي يرزقكم دائما بإلي تتمنونه :eh_s(7):
​

 

[لآ بيرلآ]

حبيبتي عيادتها بالجابرية
شفتي الشارع اللي فيه هارديز وماكدونالدز تييله من الرابع او كيفج المهم عيادتها فوق هارديز بالضبط
انا ساكنة بالجابرية و كنت ادور عيادتها لوحدة من الاهل توني قبل امس و تبين اللوحة عليها اسمها بالضبببط فوقه اللوحة

والله يتمم علينا وعليج يا رب

 

[همي الآخره]

الدكتورة راحت عيادة دلال السالم بالجابريه عمارة هارديز وهذا رقم العياده 25325051

 

[تخيل اعطيك وجه]

بالجابريه

 

[kuwait_soso]

لابيرلا و همي الآخرة و تخيل أعطيك وجه مشكورين وماقصرتوا على الرد

 

[الفوز حلو]

راحت الجابريه اهي وامل الراشد ودلال السالم بطلو لهم عياده مشتركه انا توني والده عند امل
والعياده يم هارديز الدور 1 عيادة الياسمين وتفضلي الرقم
2532 5051

 

[Om_Ksha]

انا بصراحه حابتها بس وايد قامو يذمونها تهقون تغيرت ولا برويال كان عليها ضغط

منو جربها الحين بعيادتها الخاصه ؟؟

 

[همي الآخره]

أم كشه انا جربتها الحين اراجع عندها حليوه جنها تغيرت عن رويال لان خفيف ماعليها زحمه بس حاطتلها مساعده انتي قوليلها ابي انطر الدكتورة
لانها تقولج اسويلج سونار لين تيي الدكتورة انا مارضيت قلتلها ابي الدكتورة
بالعكس الدكتورة حليوه ماافكر اغيرها بس مايندرا وقت الولاده تروح اي مستشفى ولا لا ماسألت

 

[Om_Ksha]

الله يسهل عليج همي الاخره وبشرينا بوقت الولاده شلونها