وين تنصحوني باحد هالدير والميزانيه طبعا

[قليلة العذااريب]

:68_asmilies-com:


:0bee2e8d89: للحيره<<<<
:dddds:<<<لوناسة السفر
_03BA:<<<<للاختيار
:tek:<<<لكم اكيد

محتارين بين لندن والنمسا ومناطقها زلامسي الخ:ggdw:وفوق البيعه
فرنسا:eh_s(1): واهم شي الميزانيه جابوووووووني

يعني اول شي شوبينق لو بشتري شي بسيط بسيط بسيط وانا ماراح
يكون غرضي الاساسي الشوبينق بقد ماستانس وابلع

لندن سمعت كلها شوبينق وقريت عنها ماشدتني حيل
وفرنسا مثلها والنمسا بس طبيعه وانزين شلون عن الاجواء


وابي اعرف الميزانيه لكل دوله منهم لشخصين بس يعني عموما
جم الميزانيه شامل ولاتنسون انا موغرضي شوبينق:eh_s(1):


انا ابي اروح استانس اطالع سوقهم فقط شي مميز شي عجبني حيل اخذته
بس
طفحت:cxxxp:هوون لي ماشبعت شوبينغ وابي
العاب اماكن غريبه قعدات وناسه والذي منه بس موكل وقتنا سوق


يعني ديرة وناسه
انطركم ردوا علي :tek:​

 

[SupeR-GirL]

هلا قليله العذاريب شوفي لندن كلها سوق X سوق يعني ما تصلح لكم ومطاعمهم حدها غاليه يعني حق شحصين تقريببا 30-35 دينار

النمسا واااايد حلوه كلها طبيعه وخضره وبرااد وتقدرون تفرون بكذا مدينه وتقدرون تروحون جارمش بالمانيا قريبه منها تصعدون الجبل بالتلفريك وتشوفون الثلج وتفترون المكان والجو عجيييييييييييييب
اسعارها حلوه ومعقوله

وفرنساا غااااليه صلخ يعني كافي عليها 2-3 يوم

يعني تقدرون تسوون باكج تفرون هالمناطق كلها ومنها تروحون يورو ديزني

واتمنى اكون فدتج :tek:

 

[انادي]

شوفي حبيبتي يبيلج الفين سكن ومعيش وتذاكر هذا الحجي يوم انا حجزت الحين يمكن الاسعار ارتفعت الله يعينج

 

[[Q8TYA]]

شوفي دامج تسالين عن ميزانيه حق دول اوروبا ككل مايفرقون عن بعض وايد

يعني التذاكر والسكن يبيلج جريب 2000 لانه مثل منتي عارفه مرتفعه الاسعار وايد

والمصرف هم يبيلج 2000 اذا بس حق وناسه

وانصحج في باريس اذا انتي تبين الوناسه وسوالف قعدات

 

[قليلة العذااريب]

يعني الحين شلون
انزين بالنسبه للنمسا شلون عن اسعار السكن
فيها اهناك

وشرايكم بتايلند:eh_s(1):​

 

[قليلة العذااريب]

انطركم

 

[ريماس الحلوه]

بنات كم تكلفني السفره الى المانيا 5 ايام وبتحديد ميونخ و5 ايام في زيلامسي

 

[حاااايره]

حبوبه احنا رحلتنا عالقطريه اسبوعين 5 فينا 7 زلمسي 3 ميونخ والسكن بهلتون فينا وهوليدي ان ميونخ وشقق فندقيه بزلمسي عالبحيره على طول كلفنا 1300 وحاطين فبالنا للصرف 1500 وهم 200 تشري بسيط صوغه وشغلات خفيفه عن الخاطي يعني 3000 واعرف ناس توهم رادين ويقولون نفس الحجي يعني الديره مو غاليه حيل


وسلامتج وتعيشين

بس سؤال انتي قصدج عن سفر هالسنه ؟

حيييييييييييل متأخر متى يمديج تطلعين فيزا والتذاكر اساسا فل غير الفنادق

 

[قليلة العذااريب]

تسلموووووووووووووووووووووووووون والله
لا انا بتاخر شوي مو الحين

انزين اتوقع الفنادق بلندن عقب الصيف جم اسعارها

 

[اميرة الغيد]

النمسا عندج فيينا حاره وماعجبتني غاليه حيل بالمطاعم والفنادق ، زلمسي عجيبه طبيعه وجوها حلو وفيها اماكن وايد اذا انتي رايحه سياحه مو تسوق مطاعمها معقوله بس مو رخيصه مافيها سوق يسوى ،اذا تبين معلومات عنها شوفي موضوعي رحلتي لزلمسي ، باريس حلوه وجوها مثل جو لندن براد ومطر خفيف وآخر حلاوه ، سوقها غالي حيل انتي ماتبين تشري عادي ، فيها اماكن سياحيه حلوه وتصلح حق كبلز يعني مثل ماقلتي انتي وزوجج بس ، مطاعمها غاليه حيل ،فنادقها غاليه ، لندن عاد حياتي تهبل تينن انا اموت عليها هالديره رحت لها اكثر من مره بالصبف والشتا ، بالصيف مليانه عرب بالشتا تصير مهجوره ، بس عيبها الكويتيين لما اييونها يروحون الاماكن اللي يعرفونها وبس مايدورون اماكن ثانيه ، اذا تبين سياحه فيها اماكن وايد وحلوه ، اذا تبين تسوق فيها اسواق لايعلى عليها اذا تبين مطاعم فيها كل انواع المطاعم واحيانا بمكان واحد ، بس اهيا صج غاليه ، السكن والمطاعم والاماكن السياحيه بس سوقها مو غالي حيل حسب المكان .

 

[nouna82]

ترى كل دولة يبيلها ميزانية خاصة الاوروبية ماكو دولة تفرق عن غيرة بالمعيشة و السكن و المطاعم و حتى السوق

انتي شوفي وين متشوقة تروحين انا لفيت اوروبا كلها النمسا و ملقا(اسبانيا)و جنيف و باريس و ميلانو و الشيك و حبيبة قلبي لندن (طبعا كل سنة لندن بعد دولة من الدول ) و تركيا .... اكثر دولة احبها باريس و اخيس دولة رحت لها ميلانو و الناس اذواق

 

[mi$$ no0of]

النمسا وبسسسسسسسسسس والباقي خسسسسسس ..

كنت فيها الصيف اللي فات روووووعة .. وأتمنى أروحلها كل سنة...

بالنسبة للميزانية والله مدري كم تكفي شخصين احنا عايلة ..

اممممممم أتوقع لوشخصين لمدة أسبوعين 20 ألف ريال أو 25 ألف ريال ويمكن أكثر

يعني بالدينار حول الألفين إلى ألفين و800 تقريبا ..لأن المطاعم والسوبر ماركتات عندهم غالية..

 

[ريماس الحلوه]

بنات ردوا على السنه الجايه بحجز ميونخ 5 ايام وزلامسي 5 ايام من تكفى يعني كم التذاكر مع الفنادق وكم المصروف

 

[The Boutique]

لندن صصصصصصصصصصصلخ ناااااااااااااااااااااااااااار المعيشه بروحها بدون تشري ناااااااااار

 

[ريماس الحلوه]

لرفع

 

[زينة2008]

انا رحت رحله مع سفريات الرابية والرحلة عبارة عن فينا وزلمسي وميونخ ولندن سعر التذكره + الاقامة لشخص تقريبا 920
للشخص وطبعا كل ديره لازم تخصصيلها مبلغ ولازم اتعرفين وين راح تتسوقين تقريبا المصرف لهذي الدول 4ألاف كويتي بنات تري نص هالفلوس أكل ورحلات والله الاكل عندهم غالي نار