وين تنصحوني اروح لاي صالون لعرس اخوي ?

[إم نصور]

السلام عليكم بما انكم تحبون المكياج وسوالفه قلت اخذ رايكم وادري مارح تقصرون معاي فديتكم بصراحه عرس اخوي قريب ومحتاره وين اروح اي صالون وابي صالون مجربيه هالسنه هذي تكفون رشحولي صالونات تستاهل ومع اسم اللي تحط مكياج وتسوي التساريح لان ناويه ارفع شعري ملاحظه ترا انا من زمااااان مارحت لعروس منقطعه عن روحت العروس حفلات. الزفاف يعني فياليت تفيدوني ولكل من ترد علي او ترفع موضوع دعوه بالخير وجزاكم الله خير وموفقين ماخليت شي ناطرتكم ياخواتي فديتكم ????

 

[قدساووويه]

مبروووكين... ان شااءالله


والله تووه كان عندنا عرس ولد خالتي قبل اسبوعين ورحت حق صالون رشاشيك والي سوتلي المكياج ميساء حلووووو مكياااجهم صج صرت نيو لوك ايهبل ماشاءالله وهم تساريحهم حلووه


موفقه

 

[Mona Lisa]

الف مبروك حبيبتي

ومثل ما قالت اختي قدساويه صا لون رشا شيك حلو

 

[MiSS B.K]

الف مبروك ان شاالله اب لعيونج

 

[كليه البنات]

حبيبتي رشا شيك حلو
بس مواعيييدهم خرطي
هالحجي قبل سنتين كنت رايحه لعرس اختي
والله بدون مبالغه داشه الصالون الساعه 12 الظهر
ماخلصت مكياج الا الساعه 7 ونص
لدرجه اني تنرفزت وقعدت ابجي
ولما يه دوري عصبتت وقلتلها حطيلي خفيييييييييييف اي شي خلصي بسرعه بمشي
وزحمه زحمه زحمه
كانو ماخذين تقريبا 60 وحده و 7 عرايس بيوم واحد
دشيت العرس الساعه 9 ونص ونفسيتي زفت ولوووعه
تحسفت ليش رحتلهم

مادري اذا غيرو نظامهم ولا لا
بس ماعجبني ابدا ابدا

 

[إم نصور]

جزاكم الله خير يارب ينولكم اللي بالكم الله يبارك فيكم بصراحه رشحولي صالون كونتنتال بس محتاره اروح للي ببنيد القار ولا الفروانيه. شتشورون علي اي واحد اروحله

 

[alm9rg3a]

نا انصحج تروحين صالون paparazzi بالجابريه وروحي عند خبيره التجميل روان الركيبي تسويلج ميك اب اينن بس لازم تحجزين عندها قبل يوم لان صراحه واااااااااايد بنات يبونها ميكاجها اينن وتسويلج تساريح بس كل شي تسويه حلوو سويلها فولو بالانستقرام وشوفي الميك اب _paparazzi_salon@ وهاذا رقمهم : 25314247​

 

[بـآربيـآ]

صالون حنان دشتي حولي اينن مكياج شهلا