وين تنباع مكينة الخياطة ؟؟؟

[نور الفنر]

السلام عليكم ......


انتو خواتي الي ما ستغني عنكم بعد الله سبحانه ....ودايما ما تقصرون معاي ....بعد قلبي


بس بغيت اعرف وين تنباع مكاين الخياطة عنددنا بالكويت ؟؟؟؟قولولي بالضبط والتفصيل شني الشركه او المحل

والمنطقه وووووو ....


لاني باشتري بس ماااااااا ادري وين ارووووووح


انتظركم....

 

[ابداع مصممة]

روحي البلوكات تلاقين انواع من المكاين بس مااعرف شنو صناعتها

 

[princesse X]

حددي الأول احتياجاتج في الماكينه ،يعني قدراتج +قدرات الماكينه ثانيا ماخذتها في نيتج تبلدينها بعد شوي ولا تبين مكينة عمر ثالثا تحتاجين دروس لاستعمالها ولا مايهمج ؟ ضروري يكون لها وكيل في الكويت ولا ما يفرق معاج ؟ماكينات الخياطة موجودين في كل مكان من 20 دينار الى 1300 دينار احسن انواع نوعين للخياطة المنزلية Janome وBernina

 

[ام عزيزان]

من فتره حبيت اغير ماكينتي

ورحت البلوكات غاليييييييين وعلى الفاضييييييي

وبعدها رحت لولو بالشويخ عند المشاتل اتعرفينه؟؟

فوق عندهم الكترونيات شريت منهم ماكينة براذر

تجنننننننننننن وسهله وفيها جم غرزة تطريز

واللي اخذتها كانت ارخص وحده على 49 دينار

وهذى صورتها

بس الحين ماهي موجوده يمكن مخلصه في الاغلى على ما اعتقد على 55 دينار وفيها غرز تطريز اكثر

بس مالها وكييييييل بالكويت

 

[نور الفنر]

حددي الأول احتياجاتج في الماكينه ،يعني قدراتج +قدرات الماكينه ثانيا ماخذتها في نيتج تبلدينها بعد شوي ولا تبين مكينة عمر ثالثا تحتاجين دروس لاستعمالها ولا مايهمج ؟ ضروري يكون لها وكيل في الكويت ولا ما يفرق معاج ؟ماكينات الخياطة موجودين في كل مكان من 20 دينار الى 1300 دينار احسن انواع نوعين للخياطة المنزلية janome وbernina

مشكورة برنسس وااااايد ...نبهتيني على اشياء ...وبجاوبج:
- احتياجاتي لها اني بخيط بصلح فيها اهدومي ...وناويه اخيط عليها مستقبلا...على ما اتعلم
-ابيها مكينة عمر
-اتوقع لازم دروس على استعمالها لاني ماعرف لها كلللللللش
-ما ادري شنو اهمية الوكيل ؟؟؟ّ!!
-انا قاريه بالنت عن جانوم وسنجر وبرذر... وايد يمدحونها بس ماااا عرف اشلون اختار ... ابي وحدة تكون سهلة الاستخدام وتتحمل تجاربي البديعه الي بتصير اول شي(يعني ما توهقني وتخترب بسرعه)...وتخيط كل شي ابيه حتى لو جناط خفيفه مستقبلا يصيييير؟؟؟
ومع هذا كله مابيها غاليه ...

انزين ... برايج اخذ وحدة رخيصه بس عاد مو ام 20 اتوقع جك بك تخترب ...واذا تعلمت اخذ وحدة احسن ودايمه عندي..ولا اشرايج؟؟

انطر ردج برنسس على اجاباتي ومشكورة على تفاعلج معاي

 

[نور الفنر]

من فتره حبيت اغير ماكينتي

ورحت البلوكات غاليييييييين وعلى الفاضييييييي

وبعدها رحت لولو بالشويخ عند المشاتل اتعرفينه؟؟

فوق عندهم الكترونيات شريت منهم ماكينة براذر

تجنننننننننننن وسهله وفيها جم غرزة تطريز

واللي اخذتها كانت ارخص وحده على 49 دينار

وهذى صورتها

بس الحين ماهي موجوده يمكن مخلصه في الاغلى على ما اعتقد على 55 دينار وفيها غرز تطريز اكثر

بس مالها وكييييييل بالكويت

مشكوووورة ام عزيزان ....سعرها مناسب لي حاليا ...لكن هل تتحمل اخطائي في البدايه؟؟؟

وشني اهمية الوكيل؟؟؟؟؟

 

[نور الفنر]

مازات انتظر .............

 

[ام عزيزان]

تتحمل الاخطاء

وبسيطه

وسهله التعلم فيها

ومعاها كتالوج يشرح فيه كل شي

روحي هناك شووفي في انواع وحسب ميزانيتج اخذيها وتوكلي على الله

 

[أوهـ وردية ـام]

حتى انا ودي اشتري مكينة خياطه

 

[نور الفنر]

مشكورين بنات وما قصرتو ....

 

[نور الفنر]

بنات باركو لي ....


شريت مكينة .... دورت وحست .... وبعدين على نصيحة ام عزيزان قررت اخذها ....وكاهي اعرفكم عليها

وهي ماركة برذر ....من لولو هايبر ب 51 د.ك.... مشكورة ام عزيزان ... وبرنسس استفدت من نصايحكم...

احس مستانسه وخايفه بنفس الوقت اني ما عرف لها ....

بس اذا توهقت كيفكم بالزق فيكم لزقه و بيننكم بالاسئله

 

[*أم*خالد*]

عندي سنقر شريتها من أيام الثنويه الحمدلله شغاله بس استعمالي لها حده خفيف واللحين امي اللي تستخدمها لووول

انصحج فيها

 

[ام عزيزان]

الف مبروووووووووووووك

وطمنينا بالنتايج اشلون شفتيها؟؟؟

واشلون الشغل فيها

علييييييج بالعافيه

 

[نور الفنر]

مشكورة ام عزيزان .... احس بوناسه <<< اخيرا شريت مكينه

وهم خايفه بنفس الوقت .... وان شا الله اتعلم عليها ووريكم شغلي

 

[ام عزيزان]

اهم شي لا تستعجلين بالشغل لانج اول مره تشتغلييييين فيها

ولا تتعبثين وايد ههههههههههههه

واتبعي التعليمات اللي بالدفتر

ودوري على اجزاء الماكينه من النت وتعرفي عليها

وموووووووووفقه

 

[أوهـ وردية ـام]

في فيديوات تعليميه بيوتوب