وين بنات الرياض؟نداءمن كويتيه!!

[مهاوي 26]

بصراحه بنات لاعت جبدي ونفسيتي واصله حدها
انا كويتيه متزوجه بالرياض من7سنين
ومالي فيها صديقات
علشان جذي كل شوي طاقه الجنطه وراجعه للكويت بس ادور اي سالفه واتهاوش مع زوجي واسوي نفسي زعلانه ويالله ودني لاهلي
بس مليت وحسيت انه زوجي خلاص تعود على بعادي ومسكين يطلعني بس انا احب طلعات البنات اكثر
شسوي ودي اتعرف على بنات بالرياض مثلي ومثل تفكيري
مو بنات جيراني طاقين الماشاتالعشر مسطرينهم
وهدفهم ان العيال يكونون بصحه ومايمرضون لانهم اذا مرضوا
مو صج استنفار بالشارع كله واسعاف على شنو
فلانه طاحت من فوق الغنفه
والله تعبت ​

 

[ạ7ạśêś ~]

ووي الله يعينج
انا من رايي دشي معهد انجليزي اي شي وجذي تتعرفين علىـ احد
او شتغلي

 

[jojo493]

اهلين ..
هذا انا من الرياض بس ترى مو راعية طلعات... بيتوتيه
طيب ادخلي معهد وتعرفي على بنات

 

[جيتك تعال]

حبيبتي هذا نصيبك ... لازم تتأقلميين مع وضعك

يبيلك وقت بس باذن الله تتسهل اموورك

 

[مهاوي 26]

رد : وين بنات الرياض؟نداءمن كويتيه!!

اخاف صج معهد والله يوقف قلب زوجي
انا اذا نمت دقايق العصر وعيالي بجوا
يلعن ابو خير الخدامه مسكينه يطلع حرته فيها مايحب عياله يبجون
اووف حده ضيقة خلق​

 

[المرتاحة]

تعالوا عيشوا بالكويت

 

[*روج احمر*]

رد : وين بنات الرياض؟نداءمن كويتيه!!

انا من الرياااااااااااااض حياك زوريني يابعــــــــــدي


للملوميه/
انا ساكنه بالسلااااااام تانسينا وتشرفينااا ,,,

 

[ڕۆۆحــي ڣــڍااگ]

اللهً يعينجً ويسهلً اموورجً ياً الغاليهً

 

[قانون كـيفي]

حياااتي

انا اعرف بنت كويتيه متزوجه سعودي ولها 7 سنوات بالرياض

وهي ذلحين بس راحت زياره لاهلها و بعد اسبوع ان شاء الله بترجع الرياض

وترى هي معانا هنا بالمنتدى

ولا يهمك بقول لها ان فيه بنت كويتيه مثلك تبي تتعرف عليك

باذن الله​

 

[~ بنت الهدى ~]

وحده من اهلنـــآآ كويتيه ماخذه سعودي ساكنه بالسعوديه

لاشفتها بمكاان تكسر خاطري لا خواتها ولا امها
بس دايم اشوفهااا مع بنات من اهل زوجهاا

وماشاء الله حبوووبه حيييل مرافجه بنات خاالتي و خاالتي

 

[ألمـاااس]

رد : وين بنات الرياض؟نداءمن كويتيه!!

الله يعينج يا قلبي

بس اذا تحبين زوجك ليش ما تصادقينه؟؟

عادي العبي معاه سولفي بشغلات حلوة عن مواقف ولا ذكريات الطفوله خليه يسولف معاج

حاولي تشغلين وقتج بالنت وايد مواقع توسع الصدر

شوفي انتي شنو اهتمامج؟؟ وسوي سيرج بالنت بتطلع لج وايد مواقف

وبعدين عندج التلفون حبوبه تقدرين تتواصلين مع خواتج واهلج بالكويت

وبالمسن بعد

ضيفي بنات سولفي واستانسي كام وصوت

حاولي تغيرين تفكيرج

يعني لا تخلين فكره ضيقه الصدر تسيطر عليج

عادي ونسي روحج باي شي

حاولي تسوين مفاجات لزوجك ولاولادج

صدقيني راح يقرب منج اكثر وبتتغير حياتج

لا تخلين روحتج للكويت مرتبطه في زعل بعدين يكرهج صدقيني

عادي خلي سفرتج للكويت من باب الشوق والتجديد

يعني عادي دقي عليه وقوله اشتقت لك خليه يحس ان سفرج يزيد شوقج له عشان يتحمس يوديج لاهلج دايم

اذا تحبين اضيفج مسن واتواصل معاج

 

[مهاوي 26]

رد : وين بنات الرياض؟نداءمن كويتيه!!

بصراحه كل اللي ردوا علي ماقصروا من طيب اصلهم والله
تسلمون حبايبي
بس خن اقولكم شغله اول كنت مستانسه مع حمواتي اطلع واتسوق معاهم واحضر عروس
بس قاموا يغارون مني لاني خذيت جو المدوح منهم وشافوا اني اصك عليهم
وكبرت عقلي عنهم قلت يمكن ابليس دش بينا
بس لقيتهم يسوون عشيات ويعزمون ناس ولايعزموني
مره على مره فهمت الموضوع وسحبت نفسي منهم
والله الحين يتمنون دخلتي ودخلت عيالي عليهم
واللي كاسر ظهري زوجي فديته
مو مقصر بس عنده دوام ومقابل رياجيل مو معقوله بيقعد عندي طول الوقت
بس انا احب جمعات الحريم وسوالفهم وطلعاتهم
فهمتونيييييييييييييييي​

 

[وحيدة خالد]

الله يوفقك اي حي انتي في الرياض ؟

 

[أم سيف]

رد : وين بنات الرياض؟نداءمن كويتيه!!

انتي اشكرره لايعه جبدج من ريلج صادقيه طلعي وياه شاليهات
فراره بالمجمعات معاه طبعا او عندي لج حل اكو منتدى الفراشه معروف روحي هناك كله بنات الرياض

 

[سفيره الاهات]

رد : وين بنات الرياض؟نداءمن كويتيه!!

هلا فيك ياقلبوووووو
حياك الله في الرياض
نورتي انا من بنات الرياض
:eh_s(7):يشرفني اتعرف عليك

 

[ديرتي غير]

تعالي عندي عازمتك على العشاء

اجل وش تقولين عني اطفش منك بكثييييييييييييييييير ضيقة خلق مدري وين بطس فيه امنيتي اني اسااافر طبعأ مع عائله عشان نشوف المواقف الطريفه ولو مع الصديقات احلى واحلى

​

 

[مهاوي 26]

رد : وين بنات الرياض؟نداءمن كويتيه!!

شنو هذا من صجج انتي
طبعا مولايعه جبدي من زوجي حبيبي
ليش تفهمين غلط الله يهديج
شنو اصادقه افشل طريقه هذي
يعني مثلا اسأله عن شعري بالصالون
ولا آخذه معاي العرس
وبعدين انا مقابلته بالبيت أقابله بالكافيه بعدين اهو مو بكيفي همن عنده ربع بيطلع معاهم
بعدين الزوج او الاخوي مو خوش رفيج برا البيت​

 

[فديت حلاتي]

رد : وين بنات الرياض؟نداءمن كويتيه!!

الله يعينك

مالك الا اهل زوجك رجعي علاقتك معاهم واكيد بنتبسطين

وبعدين حتى لو ينغارون منك ماعليك منهم اهم شي تطلعين وتنبسطين وتوسعين صدرك

 

[مافي شي مستحيل]

لي قريبة بالرياض بقولها عنك هي متزوجة بالرياض وبعيد عن اهلها حتى هي ضايق خلقها

 

[مافي شي مستحيل]

لي قريبة تزوجت وراحت للرياض وضايق خلقها انهابعيد عن اهلها بقولها عنك