وين الصداقة الصادقة ؟؟ ليش ماكو؟؟!!!!!

[للصمت هيبه]

انا كنت نفس حالتج وانقبلت بكليه مااعرف احد فيها بس الحمدلله
تعرفت ع وحده تسوى الدنيا ربي يخلينا لبعض
ورفيجاتي ايام الدراسه تقدرين تقولين تناسوني >>حساااااااااااااافه عشرة عمر

ربي يرزقف باللي ع قلبج غلااااااااااااااااتو

 

[rehana69]

اشرايج تقبليني كصديقه صدوقه لج
ابصراحه من كلامج حسيت انه في تشابه بينا بالمواصفات، حبوبه وطيبه وتهتمين ابصداقاتج...ماتحسين انه احنا لايقين حق بعضp:
عزيزتي لاتقولين ماكو صداقات فيه صدقيني بعض الصديقات احسن من الخوات والاهل(اخت دنيا) بس انتي ماخترتي صح...
وبعدين منو ماانجرحت وانصدمت من رفيجاتها...بس الحياة ماشيه ماتوقف عليهم رفيجه غيرها الف مومشكله يعني بس نختار صح...
انا مستعده اكون صديقتج اشقلتي
اتمنى اتردين علي بالخاص...تحياتي،،،

 

[lolowawa1234]

حبيبتي باين من حجيج حييييييل حبوبه
بس ياقلبي ترى الحين المصلحه طاغيه وانتي توج يديده بالجامعه بتتعرفين على نااس وااايد
شلج فيهاا؟؟
اللي يبيعج بيعييه ولا حتى تفكريين فيه
تدرين انا رفيجتيي حييل فجاه قطعت
واذا دقيت ماترد
واذا ردت اسحب الحجي منهاا
حسييت اكوو شي حاولت مني منااك مااكووو
مره اتقوول لاهيه بالعيال ومره تقوول ريلي عندي
ياسلااااام وريلج قبل مو عندج؟؟؟
حاجيتهاا برييت ذمتي منهاا بعرف انا غلطانه والا لا
والحمدلله حاسه براااحه
وماااهمتني...
اهم شي الواحد يتطمن انه ماضر احد ولا غلط على احد
بعديين يقولون والعهده على الراوي الصداقه الصجيه صداقتج لما تتوظفين,,,,
وبسسسسسس

 

[أصدق شعور]

انتي نفسي اغلب رفيجااتي اقلبوا ........... حتى رفيجتي اللي ماكانت تناااااام الا تراسلني بسوالف وتقولي تصبحين ع خير ... وماتستانس اذا قعدت للدوام الا اذا دزيتلها وقلتلها بداوم تطير من الفرحه ...... والحين سبحان اللي غيرهاا .... صرت انا اللي ادق واسأل وفوق هذا ياااااااالله ترد .......

هذا البنات هالايام مالهم صااااحب للاسف

 

[مفعمه بالحيويه]

ضحاوي ذكرتيني برفيجتي اه بس


كانت تحبني وتعزني وايييييييييييد ، وتقول لي ما يتقطع علاقتها فيني بعد الزواج


تزوجت وتغيرت علّي لدرحة انها حملت وربت و ما فكرت تكلمني ،

اعرف وحده انا قالت لي ترى رفيجتج تسلم عليج ، الله يالدنيااا بعد كل هالسنين توصل لي سلامها مع وحده غريبه

صج صج حزنت على نفسي

 

[ليمونه بارده]

مافيه رفيجات خلك مع نفسح احسن لج
ولاتثقين بأحد ورربي بتندمييين

 

[شوشو الشقيه]

انا ادمر من حالتج
كل ما اصادق احد انصدم فيه
هههههههه اعيش بحالة نفسية عصيبة لاني انصدمت فيهم
لدرجه الان
لا اعمل صداقة مع احد
اللهم صديقاتي القديمات لا اضيف لي بنات جدد

 

[lovely~Noora]

يا الله!!~
ما توقعت شكثر بنات صار لهم نفس اللي صار لي||~
والله انكم هونتوا علي وارتحت من كلامكم ان احد مثلي بنفس هالمشكلة!
مادري يعني شو السبب ليش يتغيرون فجأة||~
مع ان عمري صغير وتوني ببداية حياتي
احس اني خلاص ما عاد اثق بالناس ابد
وحطيت لي قاعدة امشي عليها
ان الناس كلهم زوار بحياتي وممكن يطلعون بأي وقت ومن غير سابق انذار فعشان كذا ما بتعلق بولا شخص
كلهم بشر والبشر يخطون||~
بس خطا عن خطا يفرق!
وما اقول غير ربي يسامحهم
وبصراحة مادري بس احس ان الرفيجة اللي هدتج ||~
اذا ردت لج مرة ثانية فاعرفي انها تكون رادة لمصلحة شخصية لا غير!!<<انا ما جربت بس احساس
اللهم لك الحمد وانا متأكدة ان الله ابعدني عن هالرفيجة لان اكيد فيها شي يضرني
الحمد لله ع كل حال
والحياة حلوة

 

[PuPa^^SWeeT]

بالعكس ياقلبي


لو خليت خربت



انتي يمكن ابتليتي بنوعية صديقات


بس صدقيييني انه الصديقات الصدوقات اكثر من المنافقات المصلحجيات



بس للاسف انه اللي اندورهم و انحس بقيمتهم المصلحجيات

وننسى انه الصديقة الصدووقة تعتمد على داخلها و على قلبها و نفسها الحلوة اكثر من مظهرها



جربي غيري صديقاتج

واختاري ذوات الهدوء والقلب الصافي

 

[كويتية222]

الله كريم . . .

 

[شامواه]

موجوده الصداااقه الحقيقيه بس قليل ........ على قولة المثل (لو خليت خربت) الدنيا لحد الحين بخير

​

 

[فلنتينو]

انا انساانه
عندي تقديس للصدااقه

والحمدالله صديقتي الصدوق الصادقه
ليما الحيني معاها وعسئ الله لايفرقنا

وشكثر من رفيجاتي فرقنا الزمن
ودايما اسأل عنهم واهم مايسألون

 

[منو انت]

عندنا وعندج خير


بس اكبر غلط تعطين الشخص اكبر من حجمه علشان ماتكون صدمتج فيه قويه والله جد انا وحده من الناس خذيت على راسي من البنات شكثر مع اني والله جد زينه مو مدح بنفسي لكن ثقه والله وحده منهم كانت ماتعرف حتى تتكلم مثل الناس ومن كثر ماكانت معاي ليل ونهار تعدلت شخصيتها بس بعد فتره قلبت علي ولا فوق هذا نحشت جم وحده من البنات وعادي عندي لاني اعرف هالنوع ماله صاحب وانا جد مايعجبني الصاحب المصلحجي المزاجي احس مااني محتاجه ناس جذي


اي نعم لي صداقاتي الحين بس بعد فيهم عيوب وحده منهم مسويه حالها لي صريحه وكتاب مفتوح واكتشفت جذبتها وعرفتها بس صارت علاقتي فيها مو مثل قبل وعادي الحياه ماشيه وطول مااحنا بالدنيا راح نتعرف على ناس ونترك ناس وتستمر الحياه ^_^ ( حدي احباط بس شسوي من واقع تجربه )

 

[فوووفووو&]

عجبنى كلام كويتيه عسسل فعلااا احلى صداقه الى اذكرته وأوفاااا من البشر والصداقات الزائفه

بقول اناا تجربتى صداقه اكثر من عشر سنين وتعرفنى وتعرف نفسيتى وانى اكره شى بدنيا الفرااق

اكره واخاف منه لدرجه انى صرت مااتعرف على احد خوفا انه يجى يوم وافقده
كانت اقرب شخص لى تقراا افكارى وتفهمنى تهتم فينى دلعنى تقبل نفسيتى حتى لو مالى مزاج اكلمهاا

تقول عادى بسس اسمعينى آآه والحين كل شى تغير من العيد ماكلمتنى وقبل اسبوع دقت وتعتذر تقول مافيه وقت وانه الحياه الزوجيه وضغوطاتها ومسؤولياتهااا ماعندهااا دقيقه تكلمنى --حسستها انى موزعلانه وقلت عادى معذوره

فعلا مافيه صداقه تدوم الا ماكان نادراااا شكرااااا لصاحبه الموضووع والله يرزقج الصديقه الطيبه

 

[manoooram]

الصداقة الحقيقيه النقية
في وقتنا الحالي ..
قليله .. والأصح يندر وجودها
يحل محلها صداقة المصالح ..
السبب ..
نفوس البشر
غلب عليها التلاهي والمصالح الشخصية

 

[لن انساك ياحسين]

صعب في هالزمن تلقين صديقة صادقه ومخلصه وفيه
الحين كل مصالح
انا عندي صديقة روعه صار لنا 6سنوات وفجأه تغيرت وادق ما ترد وارسل ماترد
وفجأه تقولي اتعرفين معجبيني اكثرو والكل يحبني
اقولها ايه حلو مافيها شي بس ردي على مكالماتي ورسايلي
والله يعلم اشقد انا احبها واحترمها والحين صار لي شهرين ما كلمتها لاني كل ما ادق ماترد
واذا رسلت ماترد ..انا بعد وقفت ها الشي اللي يبقيني بيسأل عني ويعرف مكاني ...

 

[loloالحلوة]

:denya::denya::denya::denya::denya::denya::denya: